Dry Days: ସାରା ଦେଶରେ ଏବେ ନିର୍ବାଚନୀ ମାହୋଲ। ଜୁନ୍ ୧ରେ ଶେଷ ହେବ ଲୋକସଭା ନିର୍ବାଚନ ଭୋଟିଂ। ଏହାରି ମଧ୍ୟରେ ମଦ୍ୟପ ତଥା ମଦ ପିଉଥିବା ଲୋକଙ୍କୁ ଲାଗିଛି ବଡ଼ ଝଟକା। ଜୁନ୍ ଆରମ୍ଭରୁ, ଯେଉଁ ରାଜ୍ୟରେ ସପ୍ତମ ପର୍ଯ୍ୟାୟ ଭୋଟ୍ ହେବ ସେହି ରାଜ୍ୟରେ ସମସ୍ତ ମଦ ଦୋକାନ ବନ୍ଦ ରହିବା ନେଇ ନିର୍ଦ୍ଦେଶ ଦେଇଛନ୍ତି ସରକାର। ଅନ୍ତିମ ଭୋଟିଂ ଶେଷ ହେବା ପରେ ଲୋକସଭା ନିର୍ବାଚନର ଫଳାଫଳ ଜୁନ୍ ୪ରେ ପ୍ରକାଶ ପାଇବ ଏବଂ ଦିଲ୍ଲୀର ସମସ୍ତ ମଦ ଦୋକାନ ଏହି ଦିନ ବନ୍ଦ ରହିବ।
ସମସ୍ତ ଘରୋଇ, ବିଦେଶୀ, ମଦ ଏବଂ ବିୟର ସମେତ ଅନ୍ୟ କୌଣସି ପ୍ରକାରର ମଦ ଦିଲ୍ଲୀରେ ଉପଲବ୍ଧ ହେବ ନାହିଁ। ତେବେ, ଜୁନ୍ ମାସରେ କେବଳ କିଛି ବିଶେଷ ଦିନରେ ମଦ ଦୋକାନ ବନ୍ଦ ରହିବ। ଆସନ୍ତୁ ଜାଣିବା ଦିଲ୍ଲୀ ଏନସିଆରରେ ମଦ ବିକ୍ରୟ କେବେ ଏବଂ କାହିଁକି ବନ୍ଦ ରହିବ।
ଦିଲ୍ଲୀ ଏନସିଆରରେ ଜୁନ୍ ମାସରେ ସମସ୍ତ ମଦ ଦୋକାନ ଦୁଇ ଦିନ ପାଇଁ ବନ୍ଦ ରହିବ। ଲୋକସଭା ନିର୍ବାଚନର ଫଳାଫଳ ତାରିଖ ଅର୍ଥା ଜୁନ ୪ରେ ଦିଲ୍ଲୀ, ଫରିଦାବାଦ ଏବଂ ଗୁରୁଗ୍ରାମରେ ମଦ ଦୋକାନ ବନ୍ଦ ରହିବ। ଇଦ୍ ଉଲ୍-ଜୁହା ଅର୍ଥାତ୍ ବକ୍ରି ଇଦ୍ ଅବସରରେ ରାଜଧାନୀ ଦିଲ୍ଲୀରେ ସମସ୍ତ ମଦ ଦୋକାନ ବନ୍ଦ ରହିବ। ଜୁନ୍ ୪ ଏବଂ ଜୁନ୍ ୧୭ରେ ଦିଲ୍ଲୀରେ ଡ୍ରାଏ ଡେ ଥିବାରୁ ମଦ ବିକ୍ରି ବନ୍ଦ ରହିବ।
୨୫ ମଇରେ ଦିଲ୍ଲୀରେ ଷଷ୍ଠ ପର୍ଯ୍ୟାୟ ଲୋକସଭା ନିର୍ବାଚନ ପାଇଁ ମତଦାନ ହୋଇଥିଲା। ଏହାର ଗୋଟିଏ ଦିନ ପୂର୍ବରୁ ଅର୍ଥାତ ୨୪ ମଇ ସନ୍ଧ୍ୟାରେ ଦିଲ୍ଲୀର ସବୁ ସ୍ଥାନରେ ମଦ ବିକ୍ରି ବନ୍ଦ ରହିଥିଲା। ଏଥି ସହିତ, ବର୍ତ୍ତମାନ ଜୁନ୍ ୪ ରେ, ନିର୍ବାଚନ ଫଳାଫଳ ସମୟରେ ମଦ ବିକ୍ରୟ ବନ୍ଦ ରହିବ।
ଭାରତରେ ଡ୍ରାଏ ଡେ କେବେ?
କୌଣସି ବିଶେଷ ଉତ୍ସବ କିମ୍ବା ଜାତୀୟ ଛୁଟିଦିନରେ ସରକାର ଡ୍ରାଏ ଡେ ଘୋଷଣା କରାଯାଇଥାଏ। ଡ୍ରାଏ ଡେର ତାରିଖ ବିଭିନ୍ନ ରାଜ୍ୟ ସରକାର ସ୍ଥିର କରିପାରିବେ। ଡ୍ରାଏ ଡେରେ ଲିକର ଦୋକାନ ବନ୍ଦ ରହିଥାଏ।
Newsletter
