 "Fake Police Inspector Arrested")
Fake Police Inspector Arrested: ଉତ୍ତର ପ୍ରଦେଶର ମେରଠରୁ ଏକ ଅଜବ ଘଟଣା ସାମ୍ନାକୁ ଆସିଛି। ଏଠାରେ ଜଣେ ଯୁବକ ନିଜ ପ୍ରେମିକାକୁ ବିନା କୌଣସି ବାଧାରେ ଭେଟିବା ପାଇଁ ନିଜକୁ ପୋଲିସ ଇନ୍ସପେକ୍ଟର ଭାବରେ ପରିଚୟ ଦେଇଥିଲେ। ସେ ପୋଲିସ ୟୁନିଫର୍ମ ସିଲେଇ କରିଥିଲେ, ଏକ ନାମ ପ୍ଲେଟ ଲଗାଇଥିଲେ ଓ ଏଥିରେ ଚାରିଟି ଷ୍ଟାର ଲଗାଇ ଅଞ୍ଚଳରେ ପ୍ରାଧାନ୍ୟ ବିସ୍ତାର କରିବା ଆରମ୍ଭ କରିଥିଲେ। କିନ୍ତୁ ଶେଷରେ ପ୍ରେମର ଜାଲରେ ପଡ଼ି ଥିବା ଏହି ଯୁବକଙ୍କ 'ଅଫିସରଗିରି'ର ସତ୍ୟତା ଧରା ପଡିଯାଇଥିଲା।
ମାମଲାଟି ମେରଠର ଇଞ୍ଚୌଲି ଥାନା ଅଞ୍ଚଳର ସାଇନି ଗାଁର। ଏଠାରେ ଜଣେ ମହିଳା ନିଜ ଶ୍ୱଶୁର ଘରେ ରୁହନ୍ତି। କିଛି ବର୍ଷ ପୂର୍ବରୁ ତାଙ୍କ ସ୍ୱାମୀଙ୍କ ମୃତ୍ୟୁ ହୋଇଥିଲା। ଏହି ସମୟରେ ମହିଳା ଜଣକ ମୁଜାଫରନଗରର ବାସିନ୍ଦା ଶୁଭମ ରାଣା (୨୮) ଙ୍କୁ ଭେଟିଥିଲେ। ଶୁଭମ ତାଙ୍କୁ ଭେଟିବା ପାଇଁ ପ୍ରାୟତଃ ମହିଳାଙ୍କ ଘରକୁ ଆସୁଥିଲେ। ସନ୍ଦେହ ଏଡାଇବା ପାଇଁ ସେ ପୋଲିସ ଅଫିସର ପରି ୟୁନିଫର୍ମ ପିନ୍ଧି ନିଜକୁ ଗ୍ରେଟର ନୋଏଡା ପୋଲିସ ଷ୍ଟେସନର ଦାଦରୀରେ ପୋଷ୍ଟ ହୋଇଥିବା ସବ-ଇନ୍ସପେକ୍ଟର ବୋଲି କହିବା ଆରମ୍ଭ କରିଥିଲେ।
ଶୁକ୍ରବାର ଦିନ ଶୁଭମ ନିଜ ମହିଳା ବନ୍ଧୁଙ୍କୁ ଭେଟିବାକୁ ଯାଇଥିଲେ କିନ୍ତୁ ମହିଳାଙ୍କ ଘର ଲୋକ ସନ୍ଦେହ କରିଥିଲେ। ସେମାନେ ତୁରନ୍ତ ପୋଲିସକୁ ଖବର ଦେଇଥିଲେ। ଏହା ପରେ ପୋଲିସ ଘଟଣାସ୍ଥଳରେ ପହଞ୍ଚି ଯୁବକଙ୍କୁ ଗିରଫ ଧରିଥିଲା। ଯେତେବେଳେ ତାଙ୍କୁ ଥାନାକୁ ଆଣି ପଚରାଉଚରା କରାଯାଇଥିଲା, ସେତେବେଳେ ସମସ୍ତ ଘଟଣା ଜଣାପଡ଼ିଥିଲା। ଯୁବକ ଜଣକ ଜଣେ ନକଲି ଇନ୍ସପେକ୍ଟର ବୋଲି ଜଣାପଡ଼ିଥିଲା। ପଚରାଉଚରା ସମୟରେ ସେ କହିଥିଲେ ଯେ ସେ ପ୍ରାୟ ଦୁଇ ବର୍ଷ ପୂର୍ବେ କିଛି ମାସ ପାଇଁ ବନ ବିଭାଗରେ ଅସ୍ଥାୟୀ ଚାକିରି କରିଥିଲେ।
ଏଠାରୁ ସେ ସରକାରୀ ବ୍ୟବସ୍ଥାକୁ ନିକଟରୁ ଦେଖି ନକଲି ପରିଚୟ ବିଷୟରେ ଧାରଣା ପାଇଲେ। ଅଭିଯୁକ୍ତଙ୍କଠାରୁ ପୋଲିସ ପୋଲିସ ୟୁନିଫର୍ମ, ଚାରିଟି ଷ୍ଟାର, ଆଙ୍ଗୋଲା ସାର୍ଟ, ପୋଲିସ କ୍ୟାପ୍, ନକଲି ନେମ୍ ପ୍ଲେଟ୍, ନକଲି ପୋଲିସ ପରିଚୟପତ୍ର ଏବଂ ମୋବାଇଲ୍ ଜବତ କରିଛି। ମୋବାଇଲ୍ରେ ୟୁନିଫର୍ମର ଫଟୋ ଏବଂ ରିଲ୍ ମଧ୍ୟ ସେ କରିଥିଲା। ପଚରାଉଚରା ସମୟରେ ଅଭିଯୁକ୍ତ କହିଛି ଯେ ସେ ମୁଜାଫରନଗରର ଜଣେ ଦର୍ଜୀଙ୍କଠାରୁ ୟୁନିଫର୍ମ ସିଲେଇ କରିଥିଲେ।
ମିରଟ୍ ଏସ୍ ଏସ୍ ପି ବିପିନ ତାଡା କହିଛନ୍ତି ଯେ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ କରାଯାଇଛି ଏବଂ ତାଙ୍କୁ ଗିରଫ କରାଯାଇଛି ଏବଂ ଜେଲ୍ ପଠାଇବା ପ୍ରକ୍ରିୟା ଆରମ୍ଭ କରାଯାଇଛି। ମହିଳାଙ୍କ ଦ୍ୱାରା କୌଣସି ଅଭିଯୋଗ ଦିଆଯାଇ ନାହିଁ, କିନ୍ତୁ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଏହି ମାମଲା ପୋଲିସ-ପ୍ରଶାସନକୁ ମଧ୍ୟ ଚକିତ କରିଛି।
Newsletter
