 "5T Chairman VK Pandian: ମୁଖ୍ୟମନ୍ତ୍ରୀ ନିର୍ଦ୍ଦେଶକ୍ରମେ ଗଞ୍ଜାମ ଜିଲ୍ଲା ଗସ୍ତରେ ୫ଟି ସଚିବ")
5T Chairman VK Pandian Visits Ganjam District: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ୫ଟି ତଥା ନବୀନ ଓଡ଼ିଶା ଅଧ୍ୟକ୍ଷ ଭିକେ ପାଣ୍ଡିଆନ ଗଞ୍ଜାମ ଜିଲ୍ଲା ପରିଦର୍ଶନ କରିଛନ୍ତି। ଗଞ୍ଜାମ ଗସ୍ତ ଅବସରରେ ଜିଲ୍ଲାରେ କାର୍ଯ୍ୟକାରୀ ହେଉଥିବା ବିଭିନ୍ନ ବିକାଶମୂଳକ କାର୍ଯ୍ୟର ଅଗ୍ରଗତି ସମ୍ପର୍କରେ ସମୀକ୍ଷା କରିଥିଲେ। ଏହା ସହିତ ଛାତ୍ର, କୃଷକ, ମିଶନ୍ ଶକ୍ତି ଗୋଷ୍ଠୀର ସଦସ୍ୟ ଏବଂ ଅନ୍ୟାନ୍ୟ ହିତାଧିକାରୀଙ୍କ ସହ ଆଲୋଚନା କରିଥିଲେ ୫ଟି ଅଧ୍ୟକ୍ଷ ଭିକେ ପାଣ୍ଡିଆନ।
ଶନିବାର ଗଞ୍ଜାମ ଜିଲ୍ଲା ଗସ୍ତ ଅବସରରେ ୫ଟି ଅଧ୍ୟକ୍ଷ ଭିକେ ପାଣ୍ଡିଆନ୍ ୧୮.୯୧ କୋଟି ଟଙ୍କା ମୂଲ୍ୟରେ ବ୍ରହ୍ମପୁର ଠାରେ ଅବସ୍ଥିତ ମାଆ ବୁଢୀ ଠାକୁରାଣୀ ମନ୍ଦିରର ମନ୍ଦିରରେ କାର୍ଯ୍ୟକାରୀ ହେଉଥିବା ପ୍ରକଳ୍ପର ଅଗ୍ରଗତି ସମ୍ପର୍କରେ ସମୀକ୍ଷା କରିଥିଲେ। ସେହିପରି ଜିଲ୍ଲାର ହିଞ୍ଜିଲିକାଟୁ ବ୍ଲକ ସ୍ଥିତ ପୋଚିଲିମା ଖମ୍ବେୟା ଦୋରା ଜୁନିଅର ସାଇନ୍ସ କଲେଜ ଠାରେ ଚାଲିଥିବା ୧.୭୧ କୋଟି ଟଙ୍କାର ବିକାଶମୂଳକ କାର୍ଯ୍ୟ ସମ୍ପର୍କରେ ମଧ୍ୟ ସମୀକ୍ଷା କରିଛନ୍ତି। ହିଞ୍ଜିଲିକାଟୁ ସ୍ଥିତ ମିନି ଷ୍ଟାଡିୟମ୍ ଠାରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ଏହି ହିଞ୍ଜିଳିକାଟୁ ପୌରପାଳିକା ସହ ବ୍ଲକ୍ ଏବଂ ଶେରଗଡ଼ ବ୍ଲକ ଅଞ୍ଚଳରେ ଅବସ୍ଥିତ ସମସ୍ତ କଲେଜ ଛାତ୍ରଛାତ୍ରୀଙ୍କ ସହ କଥାବାର୍ତ୍ତା କରିଥିଲେ। ଏହି ଅବସରରେ ସେ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ ଯେ କିପରି ନୂତନ କାର୍ଯ୍ୟକ୍ରମ ଯୁବପିଢିଙ୍କ ପ୍ରତିଭା ପ୍ରଦର୍ଶନ କରିବା ପାଇଁ ଏକ ରାସ୍ତା ପ୍ରଦାନ କରିଥାଏ ଏବଂ ସେମାନଙ୍କର ଏକାଡେମିକ୍ ସଫଳତା ସହିତ ସାମଗ୍ରିକ ବ୍ୟକ୍ତିତ୍ୱର ବିକାଶରେ ସାହାଯ୍ୟ କରେ। ପରେ ହିଞ୍ଜିଳିକଟୁ ଠାରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ।
ଶେରାଗଡ଼ ସ୍ଥିତ ଗ୍ରାମୀଣ ଇଣ୍ଡଷ୍ଟ୍ରିଆଲ୍ ପାର୍କ ପରିଦର୍ଶନ କରିଥିଲେ। ଯେଉଁଠାରେ ସେ ମିଶନ୍ ଶକ୍ତି ସଦସ୍ୟଙ୍କ ସହ କଥାବାର୍ତ୍ତା କରି ସେମାନଙ୍କ ଦ୍ୱାରା ପରିଚାଳିତ ବିଭିନ୍ନ ଜୀବିକା ପ୍ରକଳ୍ପ ଉପରେ ଆଲୋଚନା କରିଥିଲେ। ୫ଟି ଅଧ୍ୟକ୍ଷ ମହିଳାଙ୍କୁ ମୁଖ୍ୟମନ୍ତ୍ରୀଙ୍କ ପକ୍ଷରୁ ପ୍ରଦାନ କରାଯାଇଥିବା ୫ ପ୍ରମୁଖ ସୁବିଧା ଉପରେ ଗୁରୁତ୍ୱାରୋପ କରିଛନ୍ତି। ତାହା ହେଉଛି ଲକ୍ଷ୍ମୀ ବସ୍ ରେ ୫ ଟଙ୍କାରେ ମିଳୁଥିବା ଟିକେଟ୍, ଆହାର କେନ୍ଦ୍ରରେ ୫ ଟଙ୍କାରେ ମିଳୁଥିବା ଭୋଜନ, ମମତା ଯୋଜନା ଅଧିନରେ ଗର୍ଭବତୀ ମହିଳା ଏବଂ ସ୍ତନ୍ୟପାନ କରାଉଥିବା ମାଆଙ୍କୁ ୫୦୦୦ ଟଙ୍କା ପ୍ରଦାନ, ମିଶନ ଶକ୍ତି ସଦସ୍ୟଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ବିନା ସୁଧରେ ଋଣ, ବିଏସକେୱାଇ ହିତାଧିକାରୀଙ୍କ ପାଇଁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ସହୟତା।
ଶେରଗଡ଼ ବ୍ଲକ ଅଫିସ୍ ଗ୍ରାଉଣ୍ଡ ଠାରେ ଥିବା ଶେରଗଡ଼ ଏବଂ ହିଞ୍ଜିଳିକାଟୁ ବ୍ଲକ ଅଞ୍ଚଳର କୃଷକଙ୍କ ସହ ଆଲୋଚନା କରିଛନ୍ତି ୫ଟି ଅଧ୍ୟକ୍ଷ। କୃଷକଙ୍କ ଆୟ ବୃଦ୍ଧି ତଥା ସ୍ଥାନାନ୍ତରଣକୁ ରୋକିବା ପାଇଁ ଉଭୟ ବ୍ଲକ୍ ଠାରେ କାର୍ଯ୍ୟକାରୀ ହେଉଥିବା ଅତିରିକ୍ତ ଜଳସେଚନ ସୁବିଧା ବିଷୟରେ ସେମାନଙ୍କ ସହ ଆଲୋଚନା କରିଥିଲେ। ସେ କୃଷକଙ୍କ ଜଣାଇଛନ୍ତି ଯେ ଶେରଗଡ଼ ବ୍ଲକ ଅଧିନସ୍ଥ ୨୧ ଗ୍ରାମ ପଞ୍ଚୟାତ ଅନ୍ତର୍ଭୂକ୍ତ ୬୫ ଜଳସେଚନ ପ୍ରକଳ୍ପ ପାଇଁ ୧୮୬.୫ କୋଟି ଟଙ୍କା ମୂଲ୍ୟରେ ଅତିରିକ୍ତ ୧୨ ହଜାର ଏକର ଜମି ଜଳସେଚିତ ହେବ। ଏହି ପ୍ରକଳ୍ପ ଶେରଗଡ଼ ବ୍ଲକ ଅଧିନରେ ୬୦ ପ୍ରତିଶତରୁ ୯୦% ଜଳସେଚନ ଅଧିନରେ ଥିବା ୧୦ ହଜାର ଚାଷୀଙ୍କୁ ଉପକୃତ କରିବ। ସେହିପରି ହିଞ୍ଜିଳିକାଟୁ ବ୍ଲକ୍ ଅଧିନସ୍ଥ ୧୪ ଗ୍ରାମ ପଞ୍ଚାୟତ ଅନ୍ତର୍ଭୂକ୍ତ ୩୭ ପ୍ରକଳ୍ପ ପାଇଁ ୨୦.୪୫ କୋଟି ମୂଲ୍ୟରେ ୧୫୩୫ ଏକର ଜମି ଜଳସେଚିତ ହେବ। ଏହି ପ୍ରକଳ୍ପ ହିଞ୍ଜିଳିକାଟୁ ବ୍ଲକ୍ ଠାରେ ଜଳସେଚନ କ୍ଷେତ୍ରକୁ ୯୯.୫୦ ପ୍ରତିଶତକୁ ନେଇ ୨୦୦୦ କୃଷକଙ୍କୁ ଉପକୃତ କରିବ। ଏହି ପ୍ରକଳ୍ପକୁ ଠିକ ସମୟରେ ଶେଷ କରିବା ପାଇଁ ନିଶ୍ଚିତ କରିବାକୁ ୫ଟି ସଚିବ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।
Newsletter
