Pahalgam Attack News: 'ଆତଙ୍କବାଦୀ ପଚାରିଲେ ହିନ୍ଦୁ ନା ମୁସଲିମ, ପରିବାର ଭାବିଲେ ଏହା ଏକ ମଜାକ; ଅଚାନାକ୍ ମୁଣ୍ଡକୁ...'

Pahalgam Attack News: କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ କାନପୁର ନିବାସୀ ଶୁଭମ ଦ୍ୱିବେଦୀ ପ୍ରାଣ ହରାଇଛନ୍ତି। ଏହି ଆକ୍ରମଣ କେବଳ ତାଙ୍କ ପରିବାରକୁ ଗଭୀର ଭାବରେ ମର୍ମାହତ କରିନାହିଁ ବରଂ ସମସ୍ତଙ୍କ ମନରେ ଅନେକ ପ୍ରଶ୍ନବାଚୀ ସୃଷ୍ଟି କରିଛି।

Pahalgam Attack News: କାନପୁରର ଶୁଭମ ଦ୍ୱିବେଦୀଙ୍କ ବିବାହ ଫେବ୍ରୁଆରୀ ୧୨ ତାରିଖରେ ହୋଇଥିଲା। ଶୁଭମ ଏବଂ ତାଙ୍କ ପତ୍ନୀ ଐଶାନ୍ୟାଙ୍କର କାଶ୍ମୀର ବୁଲିବାକୁ ପ୍ରବଳ ଇଚ୍ଛା ଥିଲା। ଏଥିପାଇଁ ସେ ବହୁତ ଖୁସି ସହ ବୁଲିବାକୁ କାଶ୍ମୀରର ପହଲଗାମରେ ପହଞ୍ଚିଲେ। ଏଠାରେ ଶୁଭମ ଏକ ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଛନ୍ତି। ବ୍ୟବସାୟୀ ଶୁଭମ ଦ୍ୱିବେଦୀ ସେହି ୨୬ ଜଣ ନିରୀହ ଲୋକଙ୍କ ମଧ୍ୟରୁ ଜଣେ ଥିଲେ, ଯେଉଁମାନଙ୍କୁ ଆତଙ୍କବାଦୀମାନେ ସେମାନଙ୍କ ଧର୍ମ ବିଷୟରେ ପଚାରି ହତ୍ୟା କରିଥିଲେ। ତାଙ୍କ ସ୍ତ୍ରୀ ଐଶାନ୍ୟା ତାଙ୍କ ସ୍ୱାମୀଙ୍କ ଭୟଙ୍କର ହତ୍ୟାର କାହାଣୀ ବର୍ଣ୍ଣନା କରିଛନ୍ତି। ଐଶାନ୍ୟା କାନ୍ଦି କାନ୍ଦି କହିଛନ୍ତି, 'ଆମେ ଘୋଡାରୁ ଓହ୍ଲାଇ ଫାଟକ ଆଡ଼କୁ ଚାଲିଥିଲୁ। ଶୁଭମ୍ ତାଙ୍କ ଭଉଣୀ ସାମ୍ବଭୀଙ୍କ ସହ ବସିଥିଲେ। ଏହି ସମୟରେ ଜଣେ ବ୍ୟକ୍ତି ଆସି ପଚାରିଲେ: ତୁମେ ହିନ୍ଦୁ ନା ମୁସଲମାନ? ଆମେ କେହି ବୁଝିପାରିଲୁ ନାହିଁ, ସେ କ’ଣ କହିବାକୁ ଚାହୁଁଥିଲେ। ଆମେ ଭାବିଲୁ ହୁଏତ ସେ ମଜା କରୁଛନ୍ତି।

ହିନ୍ଦୁସ୍ତାନ ଟାଇମ୍ସ ରିପୋର୍ଟରଙ୍କ ସହ କଥାବାର୍ତ୍ତା ସମୟରେ ଐଶାନ୍ୟା କହିଛନ୍ତି, 'ସେ ପୁଣି ଥରେ ସମାନ ପ୍ରଶ୍ନ ପଚାରିଲେ। ଆମେ ବୁଝିପାରିଲୁ ନାହିଁ ଯେ ତାଙ୍କର ଉଦ୍ଦେଶ୍ୟ କ’ଣ ଥିଲା। ଆମେ ଭାବିଲୁ ସେ ମଜା କରୁଛନ୍ତି ଏବଂ ହସିବାକୁ ଲାଗିଲୁ। ଏହି ସମୟରେ ମୁଁ କହିଲି, 'ଭାଇ, ଆମେ ମୁସଲମାନ ନୁହଁ।' ଐଶ୍ନ୍ୟା କହିଥିଲେ ଯେ ମୁଁ ଏହା କହିବା ମାତ୍ରେ ସେ ଏକ ବନ୍ଧୁକ ବାହାର କରି ମୋ ସ୍ୱାମୀ ଶୁଭମ ଦ୍ୱିବେଦୀଙ୍କ ମୁଣ୍ଡକୁ ଗୁଳି ମାରିଦେଲେ। 

ଶୁଭମ ଏବଂ ତାଙ୍କ ପରିବାର ୧୭ ଏପ୍ରିଲରେ ହିଁ ପହଲଗାମରେ ପହଞ୍ଚିଥିଲେ। ଶୁଭମଙ୍କ ମାଆ ଏବଂ ବାପା ସଞ୍ଜୟ ଏବଂ ସୀମା ଦ୍ୱିବେଦୀ ପ୍ରସିଦ୍ଧ ସ୍ଥାନ ପହଲଗାନ ବାହାରେ ଠିଆ ହୋଇଥିଲେ। ଯେତେବେଳେ ଶୁଭମ, ତାଙ୍କ ସ୍ତ୍ରୀ ଏବଂ ଭଉଣୀ ଭିତରକୁ ଗଲେ। ଯେତେବେଳେ ଆତଙ୍କବାଦୀମାନେ ଶୁଭମଙ୍କୁ ଗୁଳି କରିଥିଲେ, ତାଙ୍କ ଭଉଣୀ ଶାମ୍ଭବୀ ତାଙ୍କ ପାଖରେ ବସିଥିଲେ।

ଐଶାନ୍ୟା କହିଛନ୍ତି ଯେ ଯେତେବେଳେ ଗୁଳି ବାଜିଲା, "ମୁଁ କାନ୍ଦିବାକୁ ଲାଗିଲି ଏବଂ ଶୁଭମଙ୍କ ପାଖକୁ ଦୌଡ଼ିଗଲି। ଏହି ସମୟ ମଧ୍ୟରେ, ମାଆ ଏବଂ ବାପା ମୋତେ ଟାଣି ନେଇଥିଲେ। ହଠାତ୍ ଚାରି ଦିଗରୁ ଗୁଳି ଫୁଟିବା ଆରମ୍ଭ ହୋଇଗଲା। ଆମେ ଫେରିବା ବେଳକୁ ସେନା ଆସି ପହଞ୍ଚି ସାରିଥିଲା। ଶୁଭମ ସେଠାରେ ପଡ଼ିଥିଲେ ଏବଂ ସେ ମରିଯାଇଥିଲେ।"

ଶୁଭମଙ୍କ ପରିବାରର ଏକ ସିମେଣ୍ଟ ବ୍ୟବସାୟ ଅଛି, ଯାହାକୁ ସେ ପୂର୍ବରୁ ପରିଚାଳନା କରୁଥିଲେ। ଏପରି ଆତଙ୍କବାଦୀ ଆକ୍ରମଣରେ ପରିବାରର ଏକମାତ୍ର ପୁଅର ମୃତ୍ୟୁ ଯୋଗୁଁ ସମସ୍ତେ ମର୍ମାହତ। ଘରେ ଶୋକର ଛାୟା ଖେଳିଯାଇଛି। ଶୁଭମ ଦ୍ୱିବେଦୀଙ୍କ ପରିବାର ମୂଳତଃ ମହାରାଜପୁରର ହାତୀପୁରର, କିନ୍ତୁ ସେମାନେ ଦୀର୍ଘ ଦିନ ଧରି କାନପୁରର ବାସିନ୍ଦା ରହିଆସୁଥିଲେ। ଶୁଭମଙ୍କ ସମ୍ପର୍କୀୟ ସୌରଭ ଦ୍ୱିବେଦୀ କହିଛନ୍ତି ଯେ ବିବାହ ପରେ ଏହା ତାଙ୍କର ପ୍ରଥମ ଗସ୍ତ ଥିଲା। ବିବାହ ଦୁଇ ମାସ ପୂର୍ବେ ହୋଇଥିଲା ଏବଂ ଏକ ଦୀର୍ଘ ଯୋଜନା ପରେ ସେମାନେ କାଶ୍ମୀର ଯାଇଥିଲେ।

ଶୁଭମଙ୍କ ସ୍ତ୍ରୀ ଐଶାନ୍ୟା କହିଛନ୍ତି, "ସେମାନେ ମୋତେ ମଧ୍ୟ ମାରିପାରିଥାନ୍ତେ, କିନ୍ତୁ ସେମାନେ ତାହା କଲେ ନାହିଁ। ସେହି ଲୋକମାନେ ମୋତେ ଟାଣି ବାହାର କରିଦେଲେ। ମୁଁ ମୋ ସ୍ୱାମୀଙ୍କୁ ମରିବାର ଦେଖିଲି। ଆମେ ଆମର ଜୀବନ ଆରମ୍ଭ କରିବା ସହ ଶେଷ ହୋଇଗଲା।"

ବର୍ତ୍ତମାନ କାନପୁରରେ ଶୋକର ଛାୟା ଖେଳିଯାଇଛି। ଶୁଭମ ଦ୍ୱିବେଦୀଙ୍କ ଘରେ ବହୁ ସଂଖ୍ୟକ ଲୋକ ପହଞ୍ଚିଛନ୍ତି। ତାଙ୍କ ମୃତଦେହ ଏବଂ ପରିବାର ସଦସ୍ୟଙ୍କୁ କାନପୁର ଅଣାଯାଉଛି। ଶୁଭମଙ୍କ ଘରେ ରାଜନୈତିକ ଦଳ ଏବଂ ପ୍ରଶାସନିକ ଅଧିକାରୀଙ୍କର ବହୁ ସଂଖ୍ୟାରେ ଲୋକ ମଧ୍ୟ ପହଞ୍ଚିଛନ୍ତି।