 "ବର୍ତ୍ତମାନ ଭାରତ ରାସ୍ତାରେ ଦୌଡିବ ଟେସଲା କାର")
Tesla in India: ଆଜି (୧୫ ଜୁଲାଇ ୨୦୨୫) ଭାରତୀୟ ଅଟୋମୋବାଇଲ୍ ବଜାର ଏବଂ ବିଶେଷକରି ବୈଦ୍ୟୁତିକ ଯାନ ସେଗମେଣ୍ଟ ପାଇଁ ଏକ ବହୁତ ବଡ଼ ଦିନ। କାରଣ ବିଶ୍ୱର ସବୁଠାରୁ ଲୋକପ୍ରିୟ ଇଲେକ୍ଟ୍ରିକ୍ କାର୍ କମ୍ପାନୀ ଟେସଲା ଭାରତ ବଜାରରେ ପ୍ରବେଶ କରିଛି। ହଁ ଆଜ୍ଞା, ବିଶ୍ୱର ସବୁଠାରୁ ଧନୀ ବ୍ୟକ୍ତି ଏଲୋନ୍ ମସ୍କଙ୍କ ଟେସଲା ଏବେ ଭାରତ ଆସିଛି। କମ୍ପାନୀର ପ୍ରଥମ ଶୋ’ରୁମ୍ ମୁମ୍ବାଇରେ ଖୋଲିଛି। ଏହି ଶୋ’ରୁମ୍ ମୁମ୍ବାଇର BKC ଅର୍ଥାତ୍ ବମ୍ବେ-କୁର୍ଲା କମ୍ପ୍ଲେକ୍ସରେ ଖୋଲିଛି। ଏହା ବ୍ୟତୀତ କମ୍ପାନୀ ଦିଲ୍ଲୀ ଏବଂ ବାଙ୍ଗାଲୋର ଭଳି ବଡ଼ ସହରରେ ମଧ୍ୟ ଶୋ’ରୁମ୍ ଖୋଲିବ। ଏପରି ପରିସ୍ଥିତିରେ ଅନେକ ଲୋକ ଜାଣିବାକୁ ଚାହାଁନ୍ତି ଯେ ଭାରତରେ ଟେସଲାର କାରର ମୂଲ୍ୟ କ’ଣ ହେବ। ତେବେ ଏଠାରେ ଜାଣନ୍ତୁ ଟେସଲାର କାରର ମୂଲ୍ୟ ସହ ସବୁକିଛି।
ଏଲୋନ ମସ୍କଙ୍କ କମ୍ପାନୀ ବର୍ତ୍ତମାନ ଭାରତରେ ଏହାର ଟେସଲା ମଡେଲ ୱାଇ ଲଞ୍ଚ କରିଛି। କମ୍ପାନୀର ଏହି କାର ସବୁଠାରୁ ଲୋକପ୍ରିୟ ଏବଂ ସର୍ବାଧିକ ବିକ୍ରି ହେଉଥିବା କାର। ଏହାର ମୂଲ୍ୟ ପ୍ରାୟ ୬୦ ଲକ୍ଷ ଟଙ୍କା ରଖାଯାଇଛି। ଆମଦାନୀ ହେଉଥିବାରୁ, ଏହା ଉପରେ ଆମଦାନୀ ଶୁଳ୍କ ଲାଗୁ କରାଯାଇଛି। ଯାହା ଫଳରେ ଏହା ଆମେରିକା ତୁଳନାରେ ଭାରତରେ ଟିକେ ମହଙ୍ଗା। ଏହି ସମୟରେ ମୁମ୍ବାଇ, ଦିଲ୍ଲୀ ଓ ଗୁରୁଗ୍ରାମ ପାଇଁ ଏହି କାରର ବୁକିଂ ମଧ୍ୟ ଆରମ୍ଭ ହୋଇଛି। ସେପ୍ଟେମ୍ବର ସୁଦ୍ଧା କାରର ଡେଲିଭରୀ ମଧ୍ୟ ଆରମ୍ଭ ହେବ।
ଭାରତରେ ଟେସଲାର କ’ଣ ରହିଛି ପ୍ଲାନ୍?
ଟେସଲାର ପ୍ରଥମ ଲକ୍ଷ୍ୟ ହେଉଛି ଭାରତରେ ନିଜକୁ ମଜବୁତ କରିବା। ଯଦି ଭାରତୀୟ ବଜାରରେ ଟେସଲାର କାରର ଚାହିଦା ଭଲ ରହେ ତେବେ କମ୍ପାନୀ ଭବିଷ୍ୟତରେ ଭାରତରେ ଏକ ଟେସଲା କାରଖାନା କିମ୍ବା ଆସେମ୍ବଲି ୟୁନିଟ୍ ଖୋଲିବା ବିଷୟରେ ବିଚାର କରିପାରେ। ଯଦି କମ୍ପାନୀ ଭାରତରେ ଏହାର କାରଖାନା କିମ୍ବା ଆସେମ୍ବଲି ୟୁନିଟ୍ ଏଠାରେ ଖୋଲେ ତେବେ ଭାରତରେ କେବଳ କାର ଶସ୍ତାରେ ବିକ୍ରି ହେବ ନାହିଁ ବରଂ ଭାରତୀୟ ଇଲେକ୍ଟ୍ରିକ୍ ଯାନବାହନ କ୍ଷେତ୍ର ମଧ୍ୟ ଦ୍ରୁତ ଗତିରେ ବୃଦ୍ଧି ପାଇବ।
Newsletter
