Atul Subhash: ଅତୁଲ ସୁଭାଷଙ୍କର କ'ଣ ଥିଲା ଶେଷ ୩ ଇଚ୍ଛା, ଜୀବନ ହାରିବା ପୂର୍ବରୁ କହିଗଲେ; ପିତାମାତାଙ୍କୁ କରିଛନ୍ତି ଏହି ନିବେଦନ

Atul Subhash Story: ଅତୁଲ ସୁଭାଷ ଯେଉଁଥିପାଇଁ ନିଜ ଜୀବନ ହାରିବାର ଚରମ ନିଷ୍ପତି ନେଇଥିଲେ ତାହା ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଛି। ସେ ତାଙ୍କ ପତ୍ନୀ ନିକିତା ସିଙ୍ଗାନିଆଙ୍କୁ ହଇରାଣ କରିବା, ଟଙ୍କା ଲୁଟିବା ଏବଂ ପିଲା ସହ ମିଶିବାକୁ ନ ଦେବା ଅଭିଯୋଗ କରି ଆତ୍ମହତ୍ୟା କରିଛନ୍ତି। ସେ ଏହି ମାମଲାର ଶୁଣାଣି କରୁଥିବା ଫ୍ୟାମିଲି କୋର୍ଟର ବିଚାରପତି ରୀତା କୈଶିକଙ୍କୁ ଲାଞ୍ଚ ନେଇଥିବା ମଧ୍ୟ ଅଭିଯୋଗ କରିଛନ୍ତି।

Atul Subhash News: ବେଙ୍ଗାଲୁରୁର ଏକ ଆର୍ଟିଫିସିଆଲ୍ ଇଣ୍ଟେଲିଜେନ୍ସ କମ୍ପାନୀରେ କାମ କରୁଥିବା ଇଞ୍ଜିନିୟର ଅତୁଲ ସୁଭାଷଙ୍କ ଆତ୍ମହତ୍ୟା ସମସ୍ତଙ୍କୁ ଚକିତ କରିଛି। ୨୪ ପୃଷ୍ଠାର ଚିଠି ଏବଂ ଏକ ଭିଡିଓ କରି ଆତ୍ମହତ୍ୟା କରିଥିବା ଅତୁଲ ସୁଭାଷଙ୍କ ମୃତ୍ୟୁ ପରେ ଯୌତୁକ ନିର୍ଯ୍ୟାତନା ତଥା ଘରୋଇ ହିଂସା ସମ୍ପର୍କ ଥିବା ଭାରକ ଆଇନ ଉପରେ ଏବେ ପ୍ରଶ୍ନବାଚୀ ଉଠିଛି। ବିଶେଷକରି ଅତୁଲ ସୁଭାଷଙ୍କ ମାନସିକ ସ୍ଥିତି ଏବଂ ସେ କିପରି ଏପରି ଚରମ ପଦକ୍ଷେପ ନେଇଛନ୍ତି ସେ ବିଷୟରେ ଆଲୋଚନା ହେଉଛି। ସେ ତାଙ୍କ ପତ୍ନୀ ନିକିତା ସିଙ୍ଗାନିଆଙ୍କୁ ହଇରାଣ କରିବା, ଟଙ୍କା ଲୁଟିବା ଏବଂ ତାଙ୍କ ପିଲା ଠାରୁ ଦୂରେଇ ରଖିବା ଅଭିଯୋଗ କରି ଆତ୍ମହତ୍ୟା କରିଛନ୍ତି। କେବଳ ଏତିକି ନୁହେଁ ଏହି ମାମଲାର ଶୁଣାଣି କରୁଥିବା ଫ୍ୟାମିଲି କୋର୍ଟର ବିଚାରପତି ରୀତା କୌଶିକଙ୍କୁ ଲାଞ୍ଚ ନେଇଥିବା ଅଭିଯୋଗ କରିଛନ୍ତି।

ଆତ୍ମହତ୍ୟା କରିବା ପୂର୍ବରୁ ଅତୁଲ ସୁଭାଷଙ୍କ ଦ୍ୱାରା ଜାରି କରାଯାଇଥିବା ଭିଡିଓରେ ସେ ନିଜର ଶେଷ ଇଚ୍ଛା ମଧ୍ୟ ଜଣାଇଛନ୍ତି। ଅତୁଲ ସୁଭାଷ କହିଛନ୍ତି, 'ମୁଁ ବିଶ୍ୱାସ କରେ ଯେ ନିଜକୁ ହତ୍ୟା କରିବା ମୋ ପାଇଁ ସର୍ବୋତ୍ତମ। ମୁଁ ଯେଉଁ ଟଙ୍କା ରୋଜଗାର କରୁଛି ତାହା କେବଳ ମୋର ଶତ୍ରୁକୁ ଶକ୍ତିଶାଳୀ କରୁଛି। ସେହି ଟଙ୍କା ମୋ ଏବଂ ମୋ ପରିବାର ବିରୁଦ୍ଧରେ ବ୍ୟବହୃତ ହେଉଛି ଏବଂ ଏହି ଚକ୍ର ଶେଷ ହେବ ନାହିଁ। ଆଗକୁ ସେ କୁହନ୍ତି ଯେ ମୋର ମଧ୍ୟ କିଛି ଶେଷ ଇଚ୍ଛା ଅଛି। ମୋ ପତ୍ନୀଙ୍କ ଠାରୁ ମୋର କୌସି ଆଶା ନାହିଁ, କିନ୍ତୁ ମୋର ଇଚ୍ଛା ଅଛି ଯେ ସେ ମୋ ପିଲାକୁ ପିତାମାତାଙ୍କୁ ଦିଅନ୍ତୁ।'

ସେ କୁହନ୍ତି, 'ମୋ ପତ୍ନୀଙ୍କର କୌ​​ଣସି ମୂଲ୍ୟ ନାହିଁ, କିନ୍ତୁ ମୋର ପିତାମାତା ପିଲାଟିକୁ ଭଲ ଭାବରେ ବଂଚାଇ ପାରିବେ। ପିଲାଟିଏ ପାଳିବାକୁ ତାଙ୍କ ପାଖରେ ସାମର୍ଥ୍ୟ ନାହିଁ ଏବଂ ସେ ନିଜେ କୁହନ୍ତି ଯେ ତାଙ୍କ ପାଖରେ ଟଙ୍କା ନାହିଁ। ଗୋଟିଏ ଇଚ୍ଛା ହେଉଛି ଯେବେ ବି ମୋ ପରିବାର ନିକିତା ଏବଂ ତାଙ୍କ ପରିବାରକୁ ଭେଟନ୍ତି, ସେମାନେ କ୍ୟାମେରା ଆଗରେ ସାକ୍ଷାତ କରିବା ଉଚିତ୍। ଅତୁଲ ସୁଭାଷ କହିଛନ୍ତି ଯେ ମୋର ଦ୍ୱିତୀୟ ଇଚ୍ଛା ହେଉଛି ମୋର ମୃତ୍ୟୁ ପରେ ମୋ ଶରୀରକୁ ମୋ ପତ୍ନୀ କିମ୍ବା ତାଙ୍କ ପରିବାରର କେହି ସ୍ପର୍ଶ କରିବା ଉଚିତ୍ ନୁହେଁ। ସେମାନଙ୍କୁ ଏହାର ଆଖପାଖକୁ ମଧ୍ୟ ଆସିବାକୁ ଦେବା ଉଚିତ୍ ନୁହେଁ।'

ନିଜର ତୃତୀୟ ଇଚ୍ଛା ପ୍ରକାଶ କରି ଅତୁଲ ସୁଭାଷ କହିଛନ୍ତି, 'ଯେଉଁମାନେ ମୋତେ ନିର୍ଯାତନା ଦେଉଛନ୍ତି ସେମାନଙ୍କୁ ଦଣ୍ଡ ନ ମିଳିବା ପର୍ଯ୍ୟନ୍ତ ମୋର ଅସ୍ଥି ବିସର୍ଜନ କରିବା ଉଚିତ୍ ନୁହେଁ। ଯଦି ଏସବୁ ପରେ କୋର୍ଟ ଅପରାଧୀଙ୍କୁ ନିର୍ଦ୍ଦୋଷରେ ଖଲାସ କରନ୍ତି, ତେବେ ଏହି ଅସ୍ଥି ପାଉଁଶକୁ କୋର୍ଟ ବାହାରେ ଏକ ନାଳରେ ପକାଇ ଦେବେ। ମୁଁ କୋର୍ଟରେ ଆବେଦନ କରୁଛି ଯେ ମୋ ପରିବାରକୁ ହଇରାଣ କରା ନ ଯାଉ। ବର୍ତ୍ତମାନ ସେମାନଙ୍କୁ ଏହି ମାମଲାରୁ ଆରାମ ଦିଆଯିବା ଉଚିତ୍।'

ଅତୁଲ ସୁଭାଷଙ୍କ ଭାଇ ବିକାଶ ମୋଦୀ କହିଛନ୍ତି, 'ଭାଇଙ୍କୁ ନିର୍ଯାତନା ଦିଆଯାଉଥିଲା। ସେ ୪୦ ଥର କୋର୍ଟରେ ହାଜର ହେବା ପାଇଁ ବେଙ୍ଗାଲୁରୁରୁ ଜୈନପୁର ଯାଇଥିଲେ। ଏହା ବ୍ୟତୀତ ତାଙ୍କ ଉପରେ ମୋଟ ୯ ଟି ନକଲି ମାମଲା ଦାୟର କରାଯାଇଥିଲା। ଯେତେବେଳେ ସେ କୈଣସି ଗୋଟିଏ ମାମଲାରେ ନିର୍ଦ୍ଦୋଷରେ ଖଲାସ ହେଉଥିଲେ, ସେତେବେଳେ ଏକ ନୂତନ ମାମଲା ଦାୟର କରାଯାଉଥିଲା। ସେଟଲମେଣ୍ଟ ବଦଳରେ ନିକିତା ତାଙ୍କ ଭାଇଙ୍କ ଠାରୁ ୩ କୋଟି ଟଙ୍କା ମାଗିଥିଲେ। କୋର୍ଟ ତାଙ୍କୁ ୪୦ ହଜାର ଟଙ୍କା ମାସିକ ଭରଣପୋଷଣ ଦେବାକୁ ନିର୍ଦ୍ଦେଶ ଦେଇଥିଲେ। ଏହା ପରେ ମଧ୍ୟ ସେ ମାସକୁ ୨ ଲକ୍ଷ ଟଙ୍କା ମାଗୁଥିଲେ।"

आत्महत्या से पहले का #AtulSubhash का 63 मिनट का ये पूरा वीडियो सुनकर निःशब्द और विचलित हूं।

उफ़ ! #JusticeForAtulSubhash

pic.twitter.com/lFDQZFLEBV

— Vinod Kapri (@vinodkapri) December 10, 2024