School Holiday: ରାଜଧାନୀ ଦିଲ୍ଲୀର ସରକାରୀ ବିଦ୍ୟାଳୟଗୁଡ଼ିକ ପାଇଁ ଶୀତକାଳୀନ ଛୁଟି ଘୋଷଣା କରାଯାଇଛି। ଦିଲ୍ଲୀ ଶିକ୍ଷା ନିର୍ଦ୍ଦେଶାଳୟ ଦ୍ୱାରା ଜାରି କରାଯାଇଥିବା ସର୍କୁଲାର ଅନୁଯାୟୀ ଦିଲ୍ଲୀର ସମସ୍ତ ସରକାରୀ ବିଦ୍ୟାଳୟ ୧ ରୁ ୧୫ ଜାନୁୟାରୀ ୨୦୨୫ ପର୍ଯ୍ୟନ୍ତ ବନ୍ଦ ରହିବ। ଯଦିଓ ନବମରୁ ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀମାନେ ସେମାନଙ୍କର ଏକାଡେମିକ୍ ସାମର୍ଥ୍ୟ ବଢ଼ାଇବାକୁ ଏକ ସୁଯୋଗ ପାଇବେ। ଛୁଟିଦିନରେ ନବମରୁ ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀ ମାନଙ୍କ ପାଇଁ ପ୍ରତିକାର କ୍ଲାସ୍ ଅନୁଷ୍ଠିତ ହେବ।
ଏଥିରେ କୁହାଯାଇଛି ଯେ ପ୍ରତିକାର ଅଧିବେଶନ ୯ମ ଓ ୧୧ମ ଶ୍ରେଣୀ ପାଇଁ ଇଂରାଜୀ, ଗଣିତ ଏବଂ ବିଜ୍ଞାନ ପରି ମୂଳ ବିଷୟ ଉପରେ ଆଧାରିତ ହୋଇଥିବାବେଳେ ୧୦ମ ଓ ୧୨ମ ଶ୍ରେଣୀ ପାଇଁ ଗୁରୁତ୍ୱପୂର୍ଣ୍ଣ ପ୍ରି-ବୋର୍ଡ ପ୍ରସଙ୍ଗ ଏବଂ ପରୀକ୍ଷା ପ୍ରଶ୍ନ ଉପରେ ଧ୍ୟାନ ଦିଆଯିବ। ସମସ୍ତ ଛାତ୍ରଛାତ୍ରୀଙ୍କ ପାଇଁ ଉପସ୍ଥାନ ବାଧ୍ୟତାମୂଳକ ବୋଲି ଶିକ୍ଷା ନିର୍ଦ୍ଦେଶାଳୟ କହିଛି। ଛାତ୍ରଛାତ୍ରୀଙ୍କୁ ନିଜ ସ୍କୁଲ ୟୁନିଫର୍ମରେ କ୍ଲାସରେ ଯୋଗଦେବାକୁ ପଡିବ।
ଏହି ପରିପ୍ରେକ୍ଷୀରେ ସମସ୍ତ ସରକାରୀ ବିଦ୍ୟାଳୟର ମୁଖ୍ୟମାନଙ୍କୁ ଏକ ସର୍କୁଲାର ମାଧ୍ୟମରେ ନିର୍ଦ୍ଦେଶ ଦିଆଯାଇଛି। ସକାଳ ୮:୩୦ ରୁ ୧୨:୫୦ ପର୍ଯ୍ୟନ୍ତ ସକାଳ ଶିଫ୍ଟ ସ୍କୁଲର ଛାତ୍ରଛାତ୍ରୀ ମାନଙ୍କ ପାଇଁ କ୍ଲାସ୍ ଅନୁଷ୍ଠିତ ହେବ। ସନ୍ଧ୍ୟା ଶିଫ୍ଟ ସ୍କୁଲରେ ଛାତ୍ରଛାତ୍ରୀ ମାନଙ୍କ ପାଇଁ କ୍ଲାସ୍ ଅପରାହ୍ନ ୧:୩୦ ରୁ ୫:୫୦ ପର୍ଯ୍ୟନ୍ତ ଅନୁଷ୍ଠିତ ହେବ।
ଏକ ନିର୍ଦ୍ଦିଷ୍ଟ ସମୟ ସାରଣୀ ଅନୁଯାୟୀ ପ୍ରତିକାର କ୍ଲାସ୍ କରାଯିବ। ପ୍ରତ୍ୟେକ ଅଧିବେଶନ ଅତିକମରେ ଏକ ଘଣ୍ଟା ଧରି ଚାଲିବ। ଉଭୟ ସକାଳ ଏବଂ ସନ୍ଧ୍ୟା ଶିଫ୍ଟ ଉପଲବ୍ଧ ହେବ। ଶୀତଦିନିଆ ଛୁଟି ଆରମ୍ଭ ପୂର୍ବରୁ ସ୍କୁଲ ମୁଖ୍ୟମାନେ ଏ ବାବଦରେ ଚୂଡ଼ାନ୍ତ ରୂପରେଖ ଦାଖଲ କରିବେ ବୋଲି ଆଶା କରାଯାଉଛି। ଯଦି ଦୁଇଟି ସିଫ୍ଟ ଚଳାଇବା ପାଇଁ ଏକ ବିଦ୍ୟାଳୟରେ ଜାଗାର ଅଭାବ ଥାଏ, ତେବେ ସନ୍ଧ୍ୟା ସିଫ୍ଟର ମୁଖ୍ୟ ସମୟ ନିୟନ୍ତ୍ରଣ କରିବା ପାଇଁ ଜିଲ୍ଲା କାର୍ଯ୍ୟାଳୟ ସହିତ ଯୋଗାଯୋଗ କରିପାରିବେ।
Newsletter
