Train Accident: ଚଣ୍ଡିଗଡ଼-ଡିବ୍ରୁଗଡ ଏକ୍ସପ୍ରେସ ଦୁର୍ଘଟଣାଗ୍ରସ୍ତ, ୪ ମୃତ ଓ ଅନେକ ଆହତ

ୟୁପିର ଗୋଣ୍ଡାଠାରେ ଏକ ଟ୍ରେନ୍ ଦୁର୍ଘଟଣା ଘଟିଛି। ଚଣ୍ଡିଗଡ଼ରୁ ଦିବ୍ରୁଗଡକୁ ଯାଉଥିବା ୧୫୯୦୪ ଏକ୍ସପ୍ରେସ ଟ୍ରେନର ଅନେକ କୋଚ୍ ଟ୍ରାକରୁ ଖସିପଡି ଓଲଟିପଡିଛି। ଏହି ଦୁର୍ଘଟଣାରେ ଅନେକ ଆହତ ହୋଇଥିବା ଖବର ରହିଛି। ଏପର୍ଯ୍ୟନ୍ତ ଘଟଣାସ୍ଥଳରେ ଦୁଇ-ତିନି ମୃତଦେହ ମଧ୍ୟ ଦେଖିବାକୁ ମିଳିଛି। ଅନେକ ଯାତ୍ରୀ ଆହତ ହୋଇଛନ୍ତି। କୁହାଯାଉଛି ଯେ ଟ୍ରେନର ୬ଟି କୋଚ୍ ଟ୍ରାକରୁ ଖସିଯାଇଥିଲା। ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି। ଜିଲ୍ଲାର ସମସ୍ତ ଆମ୍ବୁଲାନ୍ସକୁ ଘଟଣାସ୍ଥଳକୁ ଡକାଯାଇଛି। ସିଏମ୍ ଯୋଗୀ ଅଧିକାରୀମାନଙ୍କୁ ଘଟଣାସ୍ଥଳରେ ପହଞ୍ଚିବା ଏବଂ ରିଲିଫ୍ କାର୍ଯ୍ୟକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଛନ୍ତି। ରେଳବାଇ ଏବଂ ଜିଲ୍ଲା ପ୍ରଶାସନ ଦଳ ଘଟଣାସ୍ଥଳରେ ପହଞ୍ଚିଛନ୍ତି। ଆହତମାନଙ୍କୁ ରେଲୱେ ହସ୍ପିଟାଲକୁ ନିଆଯାଉଛି। ବର୍ତ୍ତମାନ ଦୁର୍ଘଟଣାର କାରଣ ଜଣା ପଡିନାହିଁ। ଟ୍ରେନର ପରବର୍ତ୍ତୀ ଷ୍ଟେସନ ଗୋରଖପୁର ଥିଲା। ଏଭଳି ପରିସ୍ଥିତିରେ ଗୋରଖପୁରକୁ ନିଜ ପ୍ରିୟଜନଙ୍କୁ ନେବାକୁ ଆସିଥିବା ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି।