 "SOCIAL MEDIA")
Saraswati Devi:
ରାମ,ଭାରତର ଆତ୍ମା । ହଜାର ହଜାର ବର୍ଷ ଧରି ରାମ ଭାରତରେ ଆତ୍ମାରେ ବାସ କରୁଛନ୍ତି । ବିଦେଶୀ ଆକ୍ରାନ୍ତା ତାଙ୍କ ଜନ୍ମଭୂମୀ ଉପରେ ଆକ୍ରମଣ କରି ତାଙ୍କ ମନ୍ଦିରକୁ ଧ୍ୱଂସ କରି ଭାରତର ପରିଚୟକୁ ଧ୍ୱଂସ କରିବାକୁ ଚାହୁଁଥିଲେ । ସେଥିପାଇଁ ଜଣେ ବିଦେଶୀ ଶାସକ ମନ୍ଦୀରର ଧ୍ୱଂସସ୍ତୁପ ଉପରେ ମସଜିଦ ଛିଡ଼ା କରାଇଥିଲା । କିନ୍ତୁ ରାମଙ୍କୁ ଭାରତର ଆତ୍ମାରୁ ଅଲଗା କରି ପାରିନଥିଲା । ରାମ ଓ ତାଙ୍କ ଜନ୍ମସ୍ଥାନକୁ ନେଇ ପ୍ରତିବଧତା କେତେ ତାହାର ଉଦାହରଣ ଢେର ଅଛି । ଅଯୋଧ୍ଯା ନିକଟବର୍ତ୍ତି ଗୋଟିଏ ଗାଁର କ୍ଷତ୍ରିୟ ମାନେ ପାଖାପାଖି ୫ଶହ ବର୍ଷ ପରେ ଜୋତା ଓ ପଗଡ଼ି ପିନ୍ଧିବେ ମନ୍ଦିର ପ୍ରତିଷ୍ଠା ପରେ । କାରଣ ତାଙ୍କ ପୂର୍ବ ପୁରୁଷ ମନ୍ଦିର ପ୍ରତିଷ୍ଠା ନହେବା ପର୍ଯ୍ୟନ୍ତ ଜୋତା ଓ ପଗଡି଼ ପିନ୍ଧିବେ ନାହିଁ ବୋଲି ପ୍ରତିଜ୍ଞା କରିଥିଲେ । ରାମ ପ୍ରେମର ଆଉ ଗୋଟିଏ ଉଦାହରଣ ହେଉଛନ୍ତି ଝାଡଖଣ୍ଡର ଜଣେ ୮୫ ବର୍ଷୀୟା ବୃଦ୍ଧା । ପ୍ରଭୁ ରାମଙ୍କ ଅପେକ୍ଷାରେ ଗତ ୩୦ ବର୍ଷ ଧରି ମୌନ ବ୍ରତ ଅବଲମ୍ବନ କରିଥିବା ଏହି ବୃଦ୍ଧା ଜାନୁଆରୀ ୨୨ ତାରିଖରେ ନିଜ ମୌନବ୍ରତ ଭାଙ୍ଗିବେ ।
ପ୍ରଭୁ ରାମଙ୍କ ପାଇଁ ମୌନବ୍ରତ
ଜାନୁୟାରୀ ୨୨ ରେ ୮୫ ବର୍ଷ ବୟସ୍କା ବୃଦ୍ଧ ମହିଳାଙ୍କ ସ୍ୱପ୍ନ ସାକାର ହେବାକୁ ଯାଉଛି। ବୃଦ୍ଧ ମହିଳା ଅଯୋଧ୍ୟାରେ ରାମ ମନ୍ଦିରର ସ୍ୱପ୍ନ ଦେଖିଥିଲେ। ଜାନୁଆରୀ ୨୨ ରେ ଯଦି ତାଙ୍କର ସ୍ୱପ୍ନ ସାକାର ହେବାକୁ ଯାଉଛି । ଆଉ ସେହିଦିନ ୮୫ ବର୍ଷ ବୟସ୍କା ବୃଦ୍ଧା ଦେବୀ ସରସ୍ୱତୀ ତିନି ଦଶନ୍ଧି ଧରି ଚାଲିଆସୁଥିବା 'ନୀରବତାର ଶପଥ' ଭାଙ୍ଗିବେ । ତାଙ୍କ ପରିବାର ଅନୁସାରେ ଯେଉଁ ଦିନ ୧୯୯୨ ରେ ବାବ୍ରି ମସଜିଦ ଭାଙ୍ଗି ଦିଆଯାଇଥିଲା, ସେହି ଦିନ ଦେବୀ ସରସ୍ୱତୀ ଶପଥ ନେଇଥିଲେ ଯେ ରାମ ମନ୍ଦିର ପ୍ରତିଷ୍ଠା ଦିନ ହିଁ ସେ ମୌନବ୍ରତ ଭାଙ୍ଗିବେ ।
ଅଯୋଧ୍ୟାରେ ସିଏ ମୌନୀ ମାତା
ଝାଡ଼ଖଣ୍ଡ ଧନବାଦ୍ ବାସିନ୍ଦା ସରସ୍ୱତୀ ଦେବୀ ସୋମବାର ରାତିରେ ଟ୍ରେନ୍ ଯୋଗେ ଉତ୍ତରପ୍ରଦେଶର ଅଯୋଧ୍ୟା ଅଭିମୁଖେ ଯାତ୍ରା କରିଛନ୍ତି । ସରସ୍ୱତୀ ଦେବୀ ଅଯୋଧ୍ୟାରେ 'ମୌନି ମାତା' ଭାବରେ ଜଣାଶୁଣା । ସେ ସଙ୍କେତ ଦ୍ୱାରା କଥା ହୁଅନ୍ତି । ୩୦ ବର୍ଷ ହେଲା ପଦୁଟିଏ ବି କାହା ସହିତ କଥା ହୋଇନାହାନ୍ତି । ଦରକାର ହେଲେ ସେ ହାତରେ ଲେଖି ନିଜ ଭାବନା ବ୍ୟକ୍ତ କରନ୍ତି । ୨୦୨୦ ପର୍ଯନ୍ତ ସେ ପ୍ରତିଦିନ ଅପରାହ୍ନରେ ଏକ ଘଣ୍ଟା କଥା ହେଉଥିଲେ। କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମନ୍ଦିରର ଭିତ୍ତିପ୍ରସ୍ତର ସ୍ଥାପନ କରିବା ଦିନଠାରୁ ସେ ଆଉ କଥା ହୋଇନାହାନ୍ତି ।
'ରାମ ମନ୍ଦିର ନିର୍ମାଣ ପର୍ଯ୍ୟନ୍ତ ମାତା ନୀରବତାର ଶପଥ ନେଇଥିଲେ।'
ସରସ୍ୱତୀ ଦେବୀଙ୍କ ସାନପୁଅ ହରେରାମ ଅଗ୍ରୱାଲ କହିଛନ୍ତି ଯେ 'ଡିସେମ୍ବର ୬, ୧୯୯୨ ରେ ଯେତେବେଳେ ବାବ୍ରି ମସଜିଦ ଧ୍ୱଂସ ହେଲା, ସେତେବେଳେ ମୋ ମା ଅଯୋଧ୍ୟାରେ ରାମ ମନ୍ଦିର ନିର୍ମାଣ ପର୍ଯ୍ୟନ୍ତ ମୌନ ରହିବାକୁ ଶପଥ ନେଇଥିଲେ। ମନ୍ଦିର ପ୍ରତିଷ୍ଠା ତାରିଖ ଘୋଷଣା ହେବା ଦିନଠାରୁ ସେ ବହୁତ ଖୁସି ଅଛନ୍ତି।
ସରସ୍ୱତୀ ଦେବଙ୍କୁ ମହନ୍ତ ନ୍ରିତ୍ୟ ଗୋପାଳ ଦାସଙ୍କ ଶିଷ୍ୟ ନିମନ୍ତ୍ରଣ କରିଛନ୍ତି
ବାଗମରା ବ୍ଲକର ଭୌଂର ନରା ନିବାସୀ ହରେରାମ କହିଛନ୍ତି ଯେ, 'ସରସ୍ୱତୀ ଦେବୀ ସୋମବାର ରାତିରେ ଧାନବାଦ୍ ରେଳ ଷ୍ଟେସନରୁ ଗଙ୍ଗା-ସତଲେଜ ଏକ୍ସପ୍ରେସରେ ଅଯୋଧ୍ୟା ଅଭିମୁଖେ ଯାତ୍ରା କରିଛନ୍ତି। ସେ ଜାନୁଆରୀ ୨୨ ରେ ନୀରବତା ଭାଙ୍ଗିବେ । ସେ କହିଛନ୍ତି ଯେ ରାମ ମନ୍ଦିରର ଉଦ୍ଘାଟନୀ କାର୍ଯ୍ୟକ୍ରମରେ ଯୋଗଦେବା ପାଇଁ ସରସ୍ୱତୀ ଦେବଙ୍କୁ ମହନ୍ତ ନୃତ୍ୟ ଗୋପାଳ ଦାସଙ୍କ ଶିଷ୍ୟମାନେ ନିମନ୍ତ୍ରଣ କରିଛନ୍ତି।
ପତିଙ୍କ ଦେହାନ୍ତ ପରେ ରାମଙ୍କୁ ସମର୍ପିତ ଜୀବନ
ପରିବାର ସଦସ୍ୟଙ୍କ ଅନୁସାରେ ଚାରି ଝିଅଙ୍କ ସମେତ ଆଠଟି ସନ୍ତାନର ମାତା,ଦେବୀ ସରସ୍ୱତୀ ୧୯୮୬ ରେ ତାଙ୍କ ସ୍ୱାମୀ ଦେବକିନନ୍ଦନ ଅଗ୍ରୱାଲଙ୍କ ମୃତ୍ୟୁ ପରେ ପ୍ରଭୁ ରାମଙ୍କ ନିକଟରେ ନିଜ ଜୀବନ ଉତ୍ସର୍ଗ କରିଥିଲେ ଏବଂ ଅଧିକାଂଶ ସମୟ ତୀର୍ଥଯାତ୍ରାରେ ବିତାଇଥିଲେ। ସରସ୍ୱତୀ ଦେବୀ ବର୍ତ୍ତମାନ ଦ୍ୱିତୀୟ ପୁଅ ନନ୍ଦଲାଲ ଅଗ୍ରୱାଲଙ୍କ ସହ ଧନବାଡର ଧାଇଆରେ ରହୁଛନ୍ତି, ଯିଏ କି କୋଲ୍ ଇଣ୍ଡିଆର ଶାଖା ଭରତ କୋକିଂ କୋଲ୍ ଲିମିଟେଡ (ବିସିସିଆଇ) ରେ ଅଧିକାରୀ ଭାବରେ କାର୍ଯ୍ୟ କରନ୍ତି।
ଶାଶୁ କାଗଜରେ ଲେଖି ମନକଥା କୁହନ୍ତି
ନନ୍ଦଲାଲଙ୍କ ପତ୍ନୀ ଇନୁ ଅଗ୍ରୱାଲ (୫୩) କହିଛନ୍ତି ଯେ ବିବାହର କିଛି ମାସ ପରେ ସେ ତାଙ୍କ ଶାଶୁଙ୍କୁ ପ୍ରଭୁ ରାମଙ୍କ ଭକ୍ତିରେ ମୌନବ୍ରତ ପାଳନ କରୁଥିବା ଜାଣିବାକୁ ପାଇଥିଲେ । ବୋହୂ ଇନ୍ନୁ ଅଗ୍ରୱାଲଙ୍କ ଅନୁସାରେ, 'ଯଦିଓ ଆମେ ତାଙ୍କର ଅଧିକାଂଶ ସଙ୍କେତ ଭାଷା ବୁଝିପାରୁ ତେବେ କିଛି ଜଟିଳ କଥା କହିବାର ଥିଲେ ସେ କାଗଜରେ ଲେ
Newsletter
