Dubai Rains : ਦੁਬਈ 'ਚ ਹੜ੍ਹ ਕਾਰਨ 2 ਭਾਰਤੀ ਪਹਿਲਵਾਨ ਨੂੰ ਝਟਕਾ! ਓਲੰਪਿਕ ਕੁਆਲੀਫਾਇਰ 'ਚ ਨਹੀਂ ਲੈ ਪਾਉਣਗੇ ਹਿੱਸਾ

Deepak Punia and Sujeet Kalakal stranded in Dubai rains: ਦੁਬਈ 'ਚ ਹੜ੍ਹ ਕਾਰਨ ਭਾਰਤੀ ਪਹਿਲਵਾਨ ਦੀਪਕ ਪੂਨੀਆ ਅਤੇ ਸੁਜੀਤ ਕਾਲਕਲ ਦਾ ਓਲੰਪਿਕ ਸੁਪਨਾ ਚਕਨਾਚੂਰ ਹੋ ਸਕਦਾ ਹੈ। ਉਹ ਕੁਆਲੀਫਾਇਰ ਲਈ ਦੇਰੀ ਨਾਲ ਪਹੁੰਚੇ ਅਤੇ ਪ੍ਰਬੰਧਕਾਂ ਨੇ ਉਨ੍ਹਾਂ ਨੂੰ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਦੀ ਇਜਾਜ਼ਤ ਨਹੀਂ ਦਿੱਤੀ ਹੈ।

Deepak Punia and Sujeet Kalakal stranded in Dubai rains:  ਟੋਕੀਓ ਓਲੰਪਿਕ 'ਚ ਤਮਗਾ ਜਿੱਤਣ ਤੋਂ ਖੁੰਝਣ ਵਾਲੇ ਦੀਪਕ ਪੂਨੀਆ ਪੈਰਿਸ ਓਲੰਪਿਕ 'ਚ ਭਾਰਤ ਦੀਆਂ ਉਮੀਦਾਂ 'ਚ ਸ਼ਾਮਿਲ ਹਨ ਹਾਲਾਂਕਿ ਉਸ ਦੇ ਓਲੰਪਿਕ ਸੁਪਨੇ ਨੂੰ ਵੱਡਾ ਝਟਕਾ ਲੱਗ ਰਿਹਾ ਹੈ। ਦਰਅਸਲ, ਇੱਕ ਰਿਪੋਰਟ ਦੇ ਅਨੁਸਾਰ, ਉਸਨੂੰ ਅਤੇ ਸਾਥੀ ਪਹਿਲਵਾਨ ਸੁਜੀਤ ਕਾਲਕਲ ਨੂੰ ਸ਼ੁੱਕਰਵਾਰ ਨੂੰ ਏਸ਼ੀਆਈ ਓਲੰਪਿਕ ਕੁਆਲੀਫਾਇਰ ਵਿੱਚ ਹਿੱਸਾ ਲੈਣ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ ਸੀ। 

ਪਤਾ ਲੱਗਾ ਹੈ ਕਿ ਮੰਗਲਵਾਰ ਤੋਂ ਦੁਬਈ ਏਅਰਪੋਰਟ 'ਤੇ ਫਸੇ ਇਹ ਦੋਵੇਂ ਪਹਿਲਵਾਨ ਸ਼ੁੱਕਰਵਾਰ ਸਵੇਰੇ 8 ਵਜੇ ਤੋਂ ਬਾਅਦ ਮੇਜ਼ਬਾਨ ਸ਼ਹਿਰ ਬਿਸ਼ਕੇਕ ਪਹੁੰਚ ਗਏ। ਉਦੋਂ ਤੱਕ, ਵਜ਼ਨ ਦੀ ਪ੍ਰਕਿਰਿਆ ਸ਼ੁਰੂ ਹੋ ਚੁੱਕੀ ਸੀ, ਜਿਸ ਵਿੱਚ ਪਹਿਲਵਾਨਾਂ ਨੂੰ ਆਪਣਾ ਭਾਰ ਦਰਜ ਕਰਨਾ ਹੁੰਦਾ ਹੈ ਅਤੇ ਦਿਖਾਉਣਾ ਹੁੰਦਾ ਹੈ ਕਿ ਉਹ ਮਾਪਦੰਡਾਂ ਨੂੰ ਪੂਰਾ ਕਰਦੇ ਹਨ।

ਇਹ ਵੀ ਪੜ੍ਹੋ: Punjab Lok Sabha polls 2024: ਪੰਜਾਬ ਚੋਣ ਅਧਿਕਾਰੀ ਨੇ ਬੱਸਾਂ ਤੋਂ ਭਿੰਡਰਾਂਵਾਲੇ ਦੀ ਫੋਟੋ ਹਟਾਉਣ ਦੇ ਦਿੱਤੇ ਹੁਕਮ 

ਜਦੋਂ ਭਾਰਤੀ ਪਹਿਲਵਾਨ ਪਹੁੰਚੇ ਤਾਂ ਪ੍ਰਬੰਧਕਾਂ ਨੇ ਉਨ੍ਹਾਂ ਨੂੰ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਅਜਿਹਾ ਦੁਬਈ ਵਿੱਚ ਹੜ੍ਹਾਂ ਕਾਰਨ ਵਾਪਰਿਆ ਹੈ ਪਰ ਪ੍ਰਬੰਧਕਾਂ ਨੇ ਅਜੇ ਤੱਕ ਕੋਈ ਢਿੱਲ ਨਹੀਂ ਦਿੱਤੀ ਹੈ। ਪੂਨੀਆ ਅਤੇ ਕਾਲਕਲ ਕੋਲ ਹੁਣ ਪੈਰਿਸ ਓਲੰਪਿਕ ਲਈ ਕੁਆਲੀਫਾਈ ਕਰਨ ਦਾ ਆਖਰੀ ਮੌਕਾ ਹੈ, ਜਿਸ ਤੋਂ ਬਾਅਦ ਅਗਲੇ ਮਹੀਨੇ ਹੋਣ ਵਾਲੇ ਵਿਸ਼ਵ ਕੁਆਲੀਫਾਇਰ ਹੋਣਗੇ।

ਗੌਰਤਲਬ ਹੈ ਕਿ ਬੀਤੇ ਦਿਨੀ ਭਾਰਤੀ ਪਹਿਲਵਾਨ ਦੀਪਕ ਪੂਨੀਆ ਅਤੇ ਸੁਜੀਤ ਕਾਲਕਲ 2024 ਪੈਰਿਸ ਓਲੰਪਿਕ ਕੁਆਲੀਫਾਇਰ ਲਈ ਕਿਰਗਿਸਤਾਨ ਦੇ ਬਿਸ਼ਕੇਕ ਜਾ ਰਹੇ ਸਮੇਂ ਭਾਰੀ ਮੀਂਹ ਕਾਰਨ ਮੰਗਲਵਾਰ ਤੋਂ ਦੁਬਈ ਹਵਾਈ ਅੱਡੇ 'ਤੇ ਫਸੇ ਹੋਏ ਸਨ। 

ਆਈਏਐਨਐਸ ਨਾਲ ਗੱਲ ਕਰਦੇ ਹੋਏ, ਪਹਿਲਵਾਨਾਂ ਦੇ ਨਜ਼ਦੀਕੀ ਸੂਤਰਾਂ ਨੇ ਕਿਹਾ ਕਿ ਇਹ ਜੋੜੀ ਵੀਰਵਾਰ ਨੂੰ ਰਾਤ 11 ਵਜੇ ਉਡਾਣ ਭਰੇਗੀ ਅਤੇ ਉਨ੍ਹਾਂ ਦੇ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਦੀ ਸੰਭਾਵਨਾ 50-50 ਸੀ।

'ਉਹ ਪਿਛਲੇ ਦੋ ਦਿਨਾਂ ਤੋਂ ਉਥੇ ਹਨ। ਸਾਰੇ ਹੋਟਲ ਭਰੇ ਹੋਏ ਹਨ ਇਸ ਲਈ ਉਹ ਏਅਰਪੋਰਟ 'ਤੇ ਫਰਸ਼ 'ਤੇ ਸੌਂ ਰਹੇ ਹਨ। ਉਨ੍ਹਾਂ ਦੇ ਕੁਆਲੀਫਾਇਰ ਵਿੱਚ ਹਿੱਸਾ ਲੈਣ ਦੀ ਸੰਭਾਵਨਾ 50-50 ਹੈ। ਸ਼ਾਇਦ ਉਹ ਵਜ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਬਿਸ਼ਕੇਕ ਪਹੁੰਚ ਜਾਣਗੇ। ਜੇਕਰ ਉਹ ਅੱਜ ਦੇਰ ਰਾਤ ਦੁਬਈ ਛੱਡਣ ਦਾ ਪ੍ਰਬੰਧ ਕਰਦੇ ਹਨ। ਏਸ਼ੀਆਈ ਕੁਸ਼ਤੀ ਓਲੰਪਿਕ ਕੁਆਲੀਫਾਇਰ 19 ਅਪ੍ਰੈਲ ਤੋਂ ਬਿਸ਼ਕੇਕ 'ਚ ਸ਼ੁਰੂ ਹੋਣ ਵਾਲਾ ਹੈ। ਬਿਸ਼ਕੇਕ ਵਿੱਚ 18 ਭਾਰ ਵਰਗਾਂ ਵਿੱਚ ਕੁੱਲ 36 ਪੈਰਿਸ 2024 ਕੋਟੇ ਦੀ ਪੇਸ਼ਕਸ਼ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ: Iran Israel War: ਹੁਣ ਮੱਧ ਪੂਰਬ 'ਚ ਹੋਵੇਗੀ ਇੱਕ ਵੱਡੀ ਜੰਗ ! ਇਜ਼ਰਾਈਲ ਨੇ ਈਰਾਨ 'ਤੇ ਕੀਤਾ ਮਿਜ਼ਾਈਲ ਹਮਲਾ