ਫਾਜ਼ਿਲਕਾ ਵਿੱਚ ਡਰ ਦਾ ਮਾਹੌਲ: ਸੂਰਜ ਢਲਦਿਆਂ ਹੀ ਪਿੰਡ ਹੋ ਜਾਂਦਾ ਖਾਲੀ, ਲੱਗ ਜਾਂਦੇ ਘਰਾਂ ਨੂੰ ਤਾਲੇ

ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਭਾਵੇਂ ਹਾਲਾਤ ਆਮ ਹੋ ਰਹੇ ਹਨ, ਪਰ ਸਰਹੱਦ ਨਾਲ ਲੱਗਦੇ ਪਿੰਡਾਂ ਵਿੱਚ ਅਜੇ ਵੀ ਅਸੁਰੱਖਿਆ ਦਾ ਮਾਹੌਲ ਬਣਿਆ ਹੋਇਆ ਹੈ। ਫਾਜ਼ਿਲਕਾ ਜ਼ਿਲ੍ਹੇ ਵਿੱਚ ਅੰਤਰਰਾਸ਼ਟਰੀ ਸਰਹੱਦ ਤੋਂ ਸਿਰਫ਼ 400 ਮੀਟਰ ਦੀ ਦੂਰੀ 'ਤੇ ਸਥਿਤ ਕਾਦਰ ਬਖਸ਼ ਪਿੰਡ ਇਸਦੀ ਇੱਕ ਜਿਉਂਦੀ ਜਾਗਦੀ ਉਦਾਹਰਣ ਹੈ।

Fazilka News(ਸੁਨੀਲ ਨਾਗਪਾਲ): ਭਾਰਤ ਪਾਕਿਸਤਾਨ ਵਿਚਾਲੇ ਤਣਾਅ ਦਾ ਮਾਹੌਲ ਘੱਟ ਗਿਆ ਹੈ । ਪਰ ਫਾਜ਼ਿਲਕਾ ਦੇ ਬਾਰਡਰ ਦੇ ਇਸ ਪਿੰਡ ਕਾਦਰ ਬਖਸ਼ ਦੇ ਹਾਲਾਤ ਇਹ ਨੇ ਕਿ ਇਹ ਪਿੰਡ ਅੱਜ ਵੀ ਸ਼ਾਮ ਨੂੰ ਖਾਲੀ ਹੋ ਜਾਂਦਾ ਹੈ l ਪਿੰਡ ਦੇ ਲੋਕ ਸੂਰਜ ਢਲਦਿਆਂ ਹੀ ਆਪਣੇ ਘਰਾਂ ਨੂੰ ਤਾਲੇ ਲਾ ਕੇ ਸੁਰੱਖਿਅਤ ਥਾਵਾਂ ਤੇ ਚਲੇ ਜਾਂਦੇ ਨੇ l ਤੇ ਫਿਰ ਅਗਲੇ ਦਿਨ ਸਵੇਰੇ ਪਿੰਡ ਦੇ ਵਿੱਚ ਆ ਜਾਂਦੇ ਨੇ l ਬੱਸ ਇਹੀ ਕੁੱਝ ਚੱਲ ਰਿਹਾ ਹੈ l 

ਹਾਲਾਂਕਿ ਪਿੰਡ ਦੇ ਲੋਕਾਂ ਦਾ ਕਹਿਣਾ ਕਿ ਭਾਰਤ ਪਾਕਿਸਤਾਨ ਵਿਚਾਲੇ ਭਾਵੇਂ ਤਣਾਅ ਘੱਟ ਹੋ ਗਿਆ ਹੈ l ਪਰ ਉਨ੍ਹਾਂ ਨੂੰ ਪਾਕਿਸਤਾਨ ਤੇ ਵਿਸ਼ਵਾਸ ਨਹੀਂ ਹੈ l ਕਿਉਂਕਿ ਉਨ੍ਹਾਂ ਦਾ ਪਿੰਡ ਬਿਲਕੁਲ ਬਾਰਡਰ ਦੇ ਉੱਤੇ ਹੈ l ਤੇ ਮਹਿਜ਼ 400 ਮੀਟਰ ਤੇ ਕੌਮਾਂਤਰੀ ਤਾਰ ਬੰਦੀ ਹੈ l ਇਸ ਕਰ ਕੇ ਪਿੰਡ ਦੇ ਲੋਕ ਡਰਦੇ ਨੇ l ਹਾਲਾਂਕਿ ਪ੍ਰਸ਼ਾਸਨ ਵੱਲੋਂ ਉਨ੍ਹਾਂ ਨੂੰ ਨਾ ਤਾਂ ਉੱਠਣ ਦੇ ਲਈ ਕਿਹਾ ਗਿਆ ਤੇ ਨਾ ਹੀ ਪਿੰਡ ਛੱਡਣ ਦੇ ਲਈ l 

ਪਰ ਉਹ ਖੁਦ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਪਿੰਡ ਨੂੰ ਛੱਡ ਚਲੇ ਜਾਂਦੇ ਨੇ l ਲੋਕਾਂ ਦਾ ਕਹਿਣਾ ਕਿ ਹਾਲਾਤ ਭਾਵੇਂ ਹੁਣ ਠੀਕ ਹੋ ਗਏ ਨੇ ਪਰ ਘਰਾਂ ਦੇ ਸਾਹਮਣੇ ਭਾਰਤ ਪਾਕਿਸਤਾਨ ਬਾਰਡਰ ਲੱਗਦਾ ਹੈ l ਇਸ ਕਰਕੇ ਉਨ੍ਹਾਂ ਨੂੰ ਡਰ ਹੈ ਕਿ ਕਿਤੇ ਪਾਕਿਸਤਾਨ ਤੋ ਕੋਈ ਅਟੈਕ ਨਾ ਕਰ ਦੇਵੇ l ਫਿਰ ਰਾਤ ਦੇ ਸਮੇਂ ਆਪਣੇ ਬੱਚਿਆਂ ਨੂੰ ਲੈ ਕੇ ਉਹ ਕਿੱਥੇ ਜਾਣਗੇ l ਸਾਰਾ ਦਿਨ ਪਿੰਡ ਵਿੱਚ ਰਹਿਣ ਤੋਂ ਬਾਅਦ ਸ਼ਾਮ ਨੂੰ ਇਹ ਸਾਰੇ ਲੋਕ ਘਰਾਂ ਨੂੰ ਤਾਲੇ ਲਾ ਸੁਰੱਖਿਅਤ ਥਾਵਾਂ ਤੇ ਚਲੇ ਜਾਂਦੇ ਨੇ l 

ਦੱਸ ਦੇਈਏ ਕਿ ਫਾਜ਼ਿਲਕਾ ਪ੍ਰਸ਼ਾਸਨ ਵੱਲੋਂ ਪਿਛਲੇ ਦੋ ਦਿਨ ਤੋਂ ਬਲੈਕਆਊਟ ਨਹੀਂ ਕੀਤੀ ਗਈ l ਤੇ ਸੋਮਵਾਰ ਵੀ ਬਾਜ਼ਾਰ ਰੋਜ਼ਾਨਾ ਦੀ ਤਰ੍ਹਾਂ ਖੁੱਲੇ ਰਹੇ l ਪਰ ਅਹਿਤਿਆਤ ਦੇ ਤੌਰ ਤੇ ਅਗਲੇ 48 ਘੰਟਿਆਂ ਲਈ ਸਕੂਲ ਜਰੂਰ ਬੰਦ ਕੀਤੇ ਗਏ ਨੇ l ਹਾਲਾਂਕਿ ਪ੍ਰਸ਼ਾਸਨ ਨੇ ਲੋਕਾਂ ਨੂੰ ਨਾ ਘਬਰਾਉਣ ਦੀ ਅਪੀਲ ਕੀਤੀ ਹੈ l ਤੇ ਕਿਹਾ ਕਿ ਕਿਸੇ ਤਰ੍ਹਾਂ ਦੀ ਕੋਈ ਘਬਰਾਉਣ ਦੀ ਜਰੂਰਤ ਨਹੀਂ ਸਭ ਕੁਝ ਠੀਕ ਹੈ l