Mohali Fraud News: ਮੋਹਾਲੀ OMAX ਐਨਕਲੇਵ ਦੇ ਮਾਲਕ ਤੇ ਦੋ ਮੈਨੇਜਰਾਂ ਖਿਲਾਫ਼ ਧੋਖਾਧੜੀ ਦਾ ਮਾਮਲਾ ਦਰਜ

Mohali Fraud News: ਮੋਹਾਲੀ OMAX ਐਨਕਲੇਵ ਦੇ ਮਾਲਕ ਤੇ ਦੋ ਮੈਨੇਜਰਾਂ ਖਿਲਾਫ਼ ਧੋਖਾਧੜੀ ਦਾ ਮਾਮਲਾ ਦਰਜ ਕਰ ਲਿਆ ਹੈ।

Mohali Fraud News/ਮਨੀਸ਼ ਸ਼ੰਕਰ: ਮੋਹਾਲੀ ਦੇ ਕਸਬਾ ਨਿਊ ਚੰਡੀਗੜ੍ਹ ਸਥਿਤ OMAX ਐਨਕਲੇਵ ਦੇ ਮਾਲਕ ਅਤੇ ਦੋ ਮੈਨੇਜਰਾਂ ਖਿਲਾਫ਼ ਧੋਖਧੜੀ ਦਾ ਮਾਮਲਾ ਦਰਜ ਕਰ ਲਿਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਮੈਰੀਕਾ ਨਿਵਾਸੀ ਨਰੇਸ਼ ਕੌਸ਼ਲ ਨੇ omax ਇਨਕਲੇਵ ਵਿੱਚ 1.38 ਕਰੋੜ ਰੁਪਏ ਦਾ ਫਲੈਟ 28.5 ਲੱਖ ਰੁਪਏ ਬੁਕਿੰਗ ਅਮਾਊਂਟ ਦੇ ਕੇ ਬੁੱਕ ਕਰਵਾਇਆ ਸੀ ਅਤੇ ਕੁਝ ਮਹੀਨੇ ਬਾਅਦ 6.5 ਲੱਖ ਰੁਪਏ ਹੋਰ ਦੇ ਦਿੱਤੇl

ਜਦੋਂ ਸ਼ਿਕਾਇਤ ਕਰਤਾ ਮਾਜਰੀ ਤਹਿਸੀਲ ਰਜਿਸਟਰੀ ਕਰਵਾਉਣ ਪਹੁੰਚੇ ਤਾਂ ਉਨਾਂ ਨੂੰ ਪਤਾ ਲੱਗਿਆ ਕਿ ਪ੍ਰੋਜੈਕਟ ਤੇ ਸੁਪਰੀਮ ਕੋਰਟ ਵੱਲੋਂ ਸਟੇ ਲਗਾਈ ਜਾ ਚੁੱਕੀ ਹੈ ਜਿਸ ਦੇ ਸੰਬੰਧ ਵਿੱਚ ਉਹਨਾਂ ਵੱਲੋਂ ਕੰਪਨੀ ਨਾਲ ਗੱਲਬਾਤ ਕੀਤੀ ਗਈ ਤਾਂ ਕੰਪਨੀ ਦੇ ਮੈਨੇਜਰ ਮਨੋਜ ਸੂਰੀ ਨੇ ਦੱਸਿਆ ਕਿ ਪ੍ਰੋਜੈਕਟ ਰੇਰਾ ਅਪਰੂਵਡ ਹੈl

ਇਹ ਵੀ ਪੜ੍ਹੋ: Taran Tarn News: ਸਾਬਕਾ ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਅਤੇ 6 ਅਧਿਕਾਰੀਆਂ ਵਿਰੁੱਧ ਧੋਖਾਧੜੀ ਦਾ ਮਾਮਲਾ ਦਰਜ

ਇਸ ਤੋਂ ਬਾਅਦ ਕੰਪਨੀ ਵੱਲੋਂ ਫਲੈਟ ਨੂੰ 1.61 ਕਰੋੜ ਰੁਪਏ ਵਿੱਚ ਕਿਸੇ ਹੋਰ ਵਿਅਕਤੀ ਨੂੰ ਵੇਚ ਦਿੱਤਾ l ਜਦੋਂ ਇਸ ਸਬੰਧੀ ਕੰਪਨੀ ਦੇ ਅਧਿਕਾਰੀਆਂ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨਾਂ ਵੱਲੋਂ ਕਿਹਾ ਗਿਆ ਕਿ ਨਰੇਸ਼ ਕੌਸ਼ਲ ਨੂੰ ਉਸਦੇ ਪੁਰਾਣੇ ਪਤੇ ਉੱਤੇ ਈਮੇਲ ਰਾਹੀਂ ਸੂਚਿਤ ਕਾਰ ਦਿੱਤਾ ਗਿਆ ਸੀ ਕਿ ਉਸ ਦੀ ਬੁਕਿੰਗ ਕੈਂਸਲ ਕਰ ਦਿੱਤੀ ਗਈ ਹੈ। 

ਲੇਕਿਨ ਨਰੇਸ਼ ਕੌਸ਼ਲ ਨੇ ਦੱਸਿਆ ਕਿ ਉਸ ਨੂੰ ਬਿਨਾਂ ਦੱਸੇ ਕੰਪਨੀ ਵੱਲੋਂ ਉਸ ਦਾ ਫਲੈਟ ਕਿਸੇ ਹੋਰ ਨੂੰ ਵੇਚ ਦਿੱਤਾ ਗਿਆ ਜਿਸ ਸਬੰਧੀ ਸ਼ਿਕਾਇਤ ਉਸ ਵੱਲੋਂ ਐਨਆਰਆਈ ਸੈਲ ਵਿੱਚ ਦਰਜ ਕਰਵਾਈ ਗਈ ਜਿਸ ਉੱਤੇ ਕਾਰਵਾਈ ਕਰਦੇ ਹੋਏ ਐਨਆਰਆਈ ਥਾਣੇ ਵੱਲੋਂ ਅਮੈਕਸ ਕੰਪਨੀ ਦੇ ਮਾਲਕ ਰੋਤਾਸ ਗੋਇਲ, ਮੈਨੇਜਰ ਮਨੋਜ ਸੂਰੀ ਅਤੇ ਰੋਹਿਤ ਕੁਮਾਰ ਉੱਤੇ ਮੁਕਦਮਾ ਦਰਜ ਕੀਤਾ ਗਿਆl

ਇਹ ਵੀ ਪੜ੍ਹੋ: Amritsar News: ਵਪਾਰੀ ਦੇ ਘਰ ਹੋਈ ਲੁੱਟ ਦਾ ਮਾਮਲਾ, ਪੁਲਿਸ ਨੇ ਕੈਸ਼ ਸਮੇਤ 7 ਕੀਤੇ ਕਾਬੂ