 "ਪੰਜ਼ਾਬ ਸਰਕਾਰ ਦੇ ਹੁਕਮਾਂ ਦੇ ਬਾਵਜੂਦ ਮਰੀਜ਼ਾਂ ਨੂੰ ਮਹਿੰਗੀਆਂ ਦਵਾਈਆਂ ਖਰੀਦਣ ਲਈ ਮਜਬੂਰ ਕਰਨ ਦਾ ਮਾਮਲਾ")
Zirakpur News (ਸੰਜੀਵ ਭੰਡਾਰੀ): ਡੇਰਾਬੱਸੀ ਸਿਵਿਲ ਹਸਪਤਾਲ ਵਿੱਚ ਸਰਕਾਰ ਦੇ ਹੁਕਮਾਂ ਦੇ ਉਲਟ, ਦਵਾਈਆਂ ਦੇ ਭੰਡਾਰ ਹੋਣ ਦੇ ਬਾਵਜੂਦ ਮਰੀਜ਼ ਬਾਹਰੋਂ ਮਹਿੰਗੀਆਂ ਦਵਾਈਆਂ ਖਰੀਦਣ ਲਈ ਮਜਬੂਰ ਹਨ। ਇਹ ਦਵਾਈਆਂ ਹਸਪਤਾਲ ਵਿੱਚ ਨਾ ਹੋਣ ਦੇ ਬਾਵਜੂਦ ਵੀ ਖਰੀਦਣ ਲਈ ਐਸਐਮਓ ਨੂੰ ਲੱਖਾਂ ਦਾ ਫੰਡ ਮਿਲਿਆ ਹੋਇਆ ਹੈ, ਪਰ ਹਸਪਤਾਲ ਦੇ ਡਾਕਟਰ ਮਰੀਜ਼ਾਂ ਨੂੰ ਐਸਐਮਓ ਦੇ ਕੋਲ ਭੇਜਣ ਦੀ ਬਜਾਏ ਉਨ੍ਹਾਂ ਨੂੰ ਮੈਡੀਕਲ ਸਟੋਰਾਂ 'ਤੇ ਭੇਜ ਰਹੇ ਹਨ, ਜਿਸ ਕਾਰਨ ਆਪਸੀ ਮਿਲੀਭੁਗਤ ਦੇ ਵੀ ਆਰੋਪ ਲੱਗ ਰਹੇ ਹਨ। ਇਸ ਮਾਮਲੇ ਵਿੱਚ ਲਗਾਤਰ ਮਿਲ ਰਹੀਆਂ ਸ਼ਿਕਾਇਤਾਂ ਤੋਂ ਬਾਅਦ ਮੋਹਾਲੀ ਸਿਵਿਲ ਸਰਜਨ ਨੇ ਡੇਰਾਬੱਸੀ ਹਸਪਤਾਲ ਵਿਖੇ ਅਚਨਚੇਤ ਦੌਰਾ ਕੀਤਾ।
ਸਿਵਿਲ ਸਰਜਨ ਦੀ ਕਾਰਵਾਈ
ਸਿਵਿਲ ਸਰਜਨ, ਮੋਹਾਲੀ ਨੇ ਛੇ ਮਰੀਜ਼ਾਂ ਨੂੰ ਸਰਕਾਰੀ ਪਰਚੀ 'ਤੇ ਮੈਡੀਕਲ ਸਟੋਰਾਂ ਤੋਂ ਮਹਿੰਗੀਆਂ ਦਵਾਈਆਂ ਖਰੀਦ ਦੇ ਹੋਏ ਫੜਿਆ ਅਤੇ ਨਾ ਸਿਰਫ ਮਰੀਜ਼ਾਂ ਦੇ ਪੈਸੇ ਵਾਪਸ ਕਰਵਾਏ ਗਏ, ਬਲਕਿ ਦਵਾਈਆਂ ਦੇ ਪੈਸੇ ਐਸਐਮਓ ਤੋਂ ਵੀ ਮਿਲਵਾਏ ਗਏ। ਸਿਵਿਲ ਸਰਜਨ ਨੇ ਇਸ ਬਾਰੇ ਸਾਫ ਸਪਸ਼ਟੀਕਰਨ ਵੀ ਮੰਗਿਆ ਹੈ ਅਤੇ ਸਿਹਤ ਵਿਭਾਗ ਦੇ ਡਾਇਰੈਕਟਰ ਨੂੰ ਵੀ ਸ਼ਿਕਾਇਤ ਕੀਤੀ ਹੈ।
ਸਰਕਾਰੀ ਵਾਅਦਾ ਅਤੇ ਦਵਾਈਆਂ ਦੀ ਉਪਲਬਧਤਾ
ਜਾਣਕਾਰੀ ਮੁਤਾਬਕ, ਸਰਕਾਰ ਨੇ ਸਰਕਾਰੀ ਹਸਪਤਾਲ ਆਉਣ ਵਾਲੇ ਹਰ ਮਰੀਜ਼ ਨੂੰ ਵਾਅਦਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਜਰੂਰਤ ਦੀਆਂ ਸਾਰੀਆਂ ਦਵਾਈਆਂ ਹਸਪਤਾਲ ਵਿੱਚ ਉਪਲਬਧ ਮਿਲਣਗੀਆਂ। ਇਸ ਵਿੱਚ ਐਸੇਨਸ਼ੀਅਲ ਡਰਗਸ ਲਿਸਟ (EDL) ਅਤੇ ਨਾਨ-ਐਸੇਨਸ਼ੀਅਲ ਡਰਗਸ ਲਿਸਟ ਦੇ ਤਹਿਤ ਕੁੱਲ 336 ਦਵਾਈਆਂ ਦਾ ਸਟਾਕ ਸ਼ਾਮਲ ਹੈ ਜੋ ਹਸਪਤਾਲ ਨੂੰ ਉਪਲਬਧ ਕਰਵਾਇਆ ਗਿਆ ਹੈ। ਜੇਕਰ ਕੋਈ ਦਵਾਈ ਆਉਟ ਆਫ ਸਟਾਕ ਵੀ ਹੁੰਦੀ ਹੈ, ਤਾਂ ਹਸਪਤਾਲ ਦੇ ਡਾਕਟਰ ਐਸਐਮਓ ਨੂੰ ਪਰਚੀ ਭੇਜਣਗੇ, ਜੋ ਹਸਪਤਾਲ ਦੇ ਫੰਡ ਤੋਂ ਦਵਾਈਆਂ ਖਰੀਦ ਕੇ ਮਰੀਜ਼ਾਂ ਨੂੰ ਮੁਫਤ ਦੇਣਗੇ, ਪਰ ਇਹ ਨਹੀਂ ਹੋ ਰਿਹਾ।
ਸਿਵਿਲ ਸਰਜਨ ਦੀ ਸਖ਼ਤ ਨਿਗਰਾਨੀ
ਮੋਹਾਲੀ ਦੀ ਸਿਵਿਲ ਸਰਜਨ ਡਾ. ਸੰਗੀਤਾ ਜੈਨ ਨੇ ਕਿਹਾ ਕਿ ਇਸ ਬਾਰੇ ਹੈਲਥ ਮੰਤਰੀ ਦੇ ਸਾਫ਼ ਦਿਸ਼ਾ-ਨਿਰਦੇਸ਼ ਹਨ। ਉਹ ਖੁਦ ਵੀ ਜਿਲ੍ਹੇ ਵਿੱਚ 15 ਤੋਂ 20 ਵੀਡੀਓ ਕਾਨਫਰੈਂਸਾਂ ਦੇ ਜ਼ਰੀਏ ਐਸਐਮਓ ਸਮੇਤ ਸਾਰੇ ਸਰਕਾਰੀ ਡਾਕਟਰਾਂ ਨੂੰ ਇਸ ਬਾਰੇ ਬਾਰ-ਬਾਰ ਸੁਚੇਤ ਕਰ ਚੁੱਕੀਆਂ ਹਨ। ਪਰ, ਫਿਰ ਵੀ ਮਰੀਜ਼ਾਂ ਨੂੰ ਮੁਫਤ ਦਵਾਈਆਂ ਦੇਣ ਦੀ ਬਜਾਏ ਮੈਡੀਕਲ ਸਟੋਰਾਂ 'ਤੇ ਭੇਜਿਆ ਜਾ ਰਿਹਾ ਹੈ।
ਮੌਕੇ 'ਤੇ ਐਸਐਮਓ ਡਾ. ਧਰਮਿੰਦਰ ਸਿੰਘ ਨੂੰ ਬੁਲਾਇਆ ਗਿਆ ਅਤੇ ਉਨ੍ਹਾਂ ਨੂੰ ਇਸ ਪੂਰੇ ਮਾਮਲੇ ਵਿੱਚ ਲਤਾੜ ਵੀ ਲਗਾਈ ਗਈ। ਸਿਵਿਲ ਸਰਜਨ ਨੇ ਸਾਫ਼ ਕਿਹਾ ਕਿ ਜੇਕਰ ਸਰਕਾਰੀ ਡਾਕਟਰ ਮਰੀਜ਼ ਨੂੰ ਬਾਹਰੋਂ ਦਵਾਈਆਂ ਖਰੀਦਣ ਦੀ ਸਲਾਹ ਦੇ ਰਹੇ ਹਨ ਜਾਂ ਉਨ੍ਹਾਂ ਨੂੰ ਮਜਬੂਰ ਕਰਦੇ ਹਨ, ਤਾਂ ਉਸਨੂੰ ਕ੍ਰੀਮਿਨਲ ਪ੍ਰਕਿਰਿਆ ਵਿੱਚ ਸ਼ਾਮਲ ਕੀਤਾ ਜਾਏਗਾ।
ਉਨ੍ਹਾਂ ਨੇ ਸਰਕਾਰੀ ਪਰਚੀਆਂ ਦੇ ਨਾਲ-ਨਾਲ ਛੋਟੀਆਂ ਪਰਚੀਆਂ ਵੀ ਫੜੀਆਂ ਹਨ, ਹਾਲਾਂਕਿ ਇਨ੍ਹਾਂ 'ਤੇ ਡਾਕਟਰਾਂ ਦੇ ਸਾਇਨ ਨਹੀਂ ਹਨ। ਉਨ੍ਹਾਂ ਨੇ ਐਸਐਮਓ ਨੂੰ ਸਾਫ਼ ਕਿਹਾ ਕਿ ਜੇਕਰ ਫਿਰ ਵੀ ਕੋਈ ਡਾਕਟਰ ਬਾਜ਼ ਨਹੀਂ ਆਉਂਦਾ, ਤਾਂ ਉਸ ਨੂੰ ਮਰੀਜ਼ ਦੇਖਣ ਤੋਂ ਹੀ ਹਟਾ ਦਿੱਤਾ ਜਾਵੇਗਾ।
Newsletter
