 "IPL ਨਿਲਾਮੀ 'ਚ ਅਨਸੋਲਡ ਰਹੇ Shardul Thakur ਲਖਨਊ 'ਚ ਹੋਣਗੇ ਸ਼ਾਮਲ, ਜ਼ਖਮੀ ਮੋਹਸਿਨ ਖਾਨ ਦੀ ਲੈਣਗੇ ਜਗ੍ਹਾ")
IPL 2025: ਮੁੰਬਈ ਦੇ ਆਲਰਾਊਂਡਰ ਸ਼ਾਰਦੁਲ ਠਾਕੁਰ, ਜੋ IPL 2025 ਦੀ ਨਿਲਾਮੀ ਵਿੱਚ ਅਨਸੋਲਡ ਰਹੇ ਸਨ, ਲਖਨਊ ਸੁਪਰ ਜਾਇੰਟਸ (LSG) ਵਿੱਚ ਸ਼ਾਮਲ ਹੋਣਗੇ। ਰਿਪੋਰਟਾਂ ਦੇ ਅਨੁਸਾਰ ਉਹ ਜ਼ਖਮੀ ਖਿਡਾਰੀ ਮੋਹਸਿਨ ਖਾਨ ਦੀ ਜਗ੍ਹਾ ਲੈਣਗੇ। ਹਾਲਾਂਕਿ, ਲਖਨਊ ਸੁਪਰ ਜਾਇੰਟਸ (LSG) ਨੇ ਅਜੇ ਤੱਕ ਅਧਿਕਾਰਤ ਤੌਰ 'ਤੇ ਇਸਦਾ ਐਲਾਨ ਨਹੀਂ ਕੀਤਾ ਹੈ।
ਨਿਊਜ਼ ਏਜੰਸੀ ਦੇ ਅਨੁਸਾਰ, ਸ਼ਾਰਦੁਲ ਠਾਕੁਰ ਨੂੰ ਇਸ ਫੈਸਲੇ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਹੈ ਅਤੇ ਉਹ 24 ਮਾਰਚ ਨੂੰ ਦਿੱਲੀ ਕੈਪੀਟਲਜ਼ ਵਿਰੁੱਧ ਸੀਜ਼ਨ ਦੇ ਪਹਿਲੇ ਮੈਚ ਲਈ ਟੀਮ ਨਾਲ ਵਿਸ਼ਾਖਾਪਟਨਮ ਜਾਣਗੇ। ਸ਼ਾਰਦੁਲ ਪਿਛਲੇ 10 ਦਿਨਾਂ ਤੋਂ ਟੀਮ ਨਾਲ ਕੈਂਪ ਵਿੱਚ ਹਿੱਸਾ ਲੈ ਰਿਹਾ ਹੈ।
ਮੋਹਸਿਨ ਖਾਨ ਜ਼ਖਮੀ
ਮੋਹਸਿਨ ਖਾਨ ਗੋਡੇ ਦੇ ਲਿਗਾਮੈਂਟ ਦੀ ਸੱਟ ਕਾਰਨ ਪਿਛਲੇ ਤਿੰਨ ਮਹੀਨਿਆਂ ਤੋਂ ਕਿਸੇ ਵੀ ਕ੍ਰਿਕਟ ਮੈਚ ਵਿੱਚ ਹਿੱਸਾ ਨਹੀਂ ਲੈ ਸਕੇ ਹਨ। ਜਦੋਂ ਉਨ੍ਹਾਂ ਨੇ ਲਖਨਊ ਸੁਪਰ ਜਾਇੰਟਸ (LSG) ਦੇ ਨੈੱਟ 'ਤੇ ਗੇਂਦਬਾਜ਼ੀ ਸ਼ੁਰੂ ਕੀਤੀ, ਤਾਂ ਉਨ੍ਹਾਂ ਦੇ ਸ਼ਿਨ ਵਿੱਚ ਖਿਚਾਅ ਆ ਗਿਆ, ਜਿਸ ਨਾਲ ਉਸਦੀ ਵਾਪਸੀ ਹੋਰ ਵੀ ਮੁਸ਼ਕਲ ਹੋ ਗਈ।
ਆਕਾਸ਼ਦੀਪ, ਆਵੇਸ਼ ਖਾਨ ਅਤੇ ਮਯੰਕ ਯਾਦਵ ਵੀ ਨਹੀਂ ਹੋਏ ਟੀਮ ਵਿੱਚ ਸ਼ਾਮਲ
ਲਖਨਊ ਦੇ ਹੋਰ ਤੇਜ਼ ਗੇਂਦਬਾਜ਼ ਆਕਾਸ਼ਦੀਪ, ਮਯੰਕ ਯਾਦਵ ਅਤੇ ਆਵੇਸ਼ ਖਾਨ ਅਜੇ ਟੀਮ ਵਿੱਚ ਸ਼ਾਮਲ ਨਹੀਂ ਹੋਏ ਹਨ। ਆਕਾਸ਼ ਦੀਪ ਅਤੇ ਮਯੰਕ ਇਸ ਸਮੇਂ ਸੈਂਟਰ ਆਫ਼ ਐਕਸੀਲੈਂਸ ਵਿੱਚ ਹਨ। ਉਹ ਸੱਟ ਤੋਂ ਠੀਕ ਹੋ ਰਹੇ ਹੈ। ਭਾਵੇਂ ਮਯੰਕ ਯਾਦਵ ਨੇ ਬੈਂਗਲੁਰੂ ਵਿੱਚ ਨੈੱਟ 'ਤੇ ਗੇਂਦਬਾਜ਼ੀ ਸ਼ੁਰੂ ਕਰ ਦਿੱਤੀ ਹੈ, ਪਰ ਫਿਰ ਵੀ ਉਸਨੂੰ ਮੈਚ ਫਿਟਨੈਸ ਪ੍ਰਾਪਤ ਕਰਨ ਵਿੱਚ ਸਮਾਂ ਲੱਗੇਗਾ। ਦੂਜੇ ਪਾਸੇ, ਆਵੇਸ਼ ਖਾਨ ਗੋਡੇ ਦੀ ਸੱਟ ਤੋਂ ਠੀਕ ਹੋ ਰਿਹਾ ਹੈ ਅਤੇ ਅਜੇ ਤੱਕ ਟੀਮ ਨਾਲ ਜੁੜਿਆ ਨਹੀਂ ਹੈ।
ਸ਼ਾਰਦੁਲ ਦਾ IPL 'ਚ ਕੈਰੀਅਰ ਕਿਵੇਂ ਰਿਹਾ?
ਸ਼ਾਰਦੁਲ ਠਾਕੁਰ ਨੇ 2015 ਵਿੱਚ ਪੰਜਾਬ ਕਿੰਗਜ਼ ਨਾਲ ਆਪਣਾ ਆਈਪੀਐਲ ਕਰੀਅਰ ਸ਼ੁਰੂ ਕੀਤਾ ਸੀ। ਉਦੋਂ ਤੋਂ ਉਹ ਇਸ ਲੀਗ ਵਿੱਚ ਕੁੱਲ 5 ਟੀਮਾਂ ਲਈ ਖੇਡ ਚੁੱਕੇ ਹਨ। ਆਈਪੀਐਲ ਵਿੱਚ ਉਨ੍ਹਾਂ ਦਾ ਆਖਰੀ ਸੀਜ਼ਨ ਸੀਐਸਕੇ ਨਾਲ ਸੀ। ਇਸ ਤੋਂ ਇਲਾਵਾ ਸ਼ਾਰਦੁਲ ਰਾਈਜ਼ਿੰਗ ਪੁਣੇ ਸੁਪਰਜਾਇੰਟਸ, ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਦਿੱਲੀ ਕੈਪੀਟਲਜ਼ ਲਈ ਵੀ ਖੇਡ ਚੁੱਕੇ ਹਨ। ਇਸ ਲੀਗ ਵਿੱਚ ਉਨ੍ਹਾਂ ਦੇ ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਕੁੱਲ 95 ਮੈਚ ਖੇਡੇ ਹਨ।
Newsletter
