Pilibhit News: ਈਸਾਈ ਧਰਮ ਵਿੱਚ ਗਏ 60 ਪਰਿਵਾਰਾਂ ਨੇ ਮੁੜ ਅਪਣਾਇਆ ਸਿੱਖ ਧਰਮ

Pilibhit News: ਪੀਲੀਭੀਤ ਦੇ ਥਾਣਾ ਹਜ਼ਾਰਾ ਇਲਾਕੇ ਵਿੱਚ 60 ਸਿੱਖ ਪਰਿਵਾਰਾਂ ਨੇ ਘਰ ਵਾਪਸ ਕੀਤੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਨ੍ਹਾਂ ਪਰਿਵਾਰਾਂ ਨੇ ਕਿਸੇ ਕਾਰਨ ਈਸਾਈ ਧਰਮ ਨੂੰ ਅਪਣਾ ਲਿਆ ਸੀ। ਆਲ ਇੰਡੀਆ ਸਿੱਖ ਪੰਜਾਬੀ ਵੈਲਫੇਅਰ ਕੌਂਸਲ ਤੇ ਇੰਡੀਅਨ ਸਿੱਖ ਆਰਗੇਨਾਈਜ਼ੇਸ਼ਨ ਅਤੇ ਹੋਰ ਸੰਗਠਨਾਂ ਨੇ ਇਨ੍ਹਾਂ ਪਰਿਵਾਰਾਂ ਦੀ ਵਾਪਸੀ ਦੀ ਕਰਵਾਈ।

ਦਰਅਸਲ ਪੀਲੀਭੀਤ ਦੇ ਪੂਰਨਪੁਰ ਤਹਿਸੀਲ ਖੇਤਰ ਵਿੱਚ ਨੇਪਾਲ ਸਰਹੱਦ ਨਾਲ ਲੱਗਦੇ ਪਿੰਡਾਂ ਵਿੱਚ 3000 ਤੋਂ ਵੱਧ ਸਿੱਖਾਂ ਨੇ ਈਸਾਈ ਧਰਮ ਅਪਣਾਇਆ ਹੈ। ਕੁਝ ਦਿਨ ਪਹਿਲਾਂ, ਤਾਤਾਰਗੰਜ ਗੁਰਦੁਆਰੇ ਵਿੱਚ ਲਗਭਗ 500 ਲੋਕਾਂ ਦੇ ਘਰ ਵਾਪਸ ਆਉਣ ਦੀ ਗੱਲ ਕਹੀ ਗਈ ਸੀ। ਹੁਣ ਸੋਮਵਾਰ ਨੂੰ ਪਿੰਡ ਰਾਘਵਪੁਰੀ ਵਿੱਚ ਸਥਿਤ ਗੁਰਦੁਆਰੇ ਵਿੱਚ ਇੱਕ ਸਮਾਗਮ ਪ੍ਰੋਗਰਾਮ ਕਰਵਾਇਆ ਗਿਆ।

ਇਸ ਸਮਾਗਮ ਵਿੱਚ ਬਾਬਾ ਸਮੇਤ ਨੌਂ ਜਥੇਬੰਦੀਆਂ ਅਤੇ ਸਿੱਖ ਸੰਗਠਨਾਂ ਦੇ ਅਧਿਕਾਰੀਆਂ ਨੇ ਹਿੱਸਾ ਲਿਆ। ਇੰਡੀਅਨ ਸਿੱਖ ਆਰਗੇਨਾਈਜ਼ੇਸ਼ਨ ਦੇ ਰਾਸ਼ਟਰੀ ਪ੍ਰਧਾਨ ਜਸਵੀਰ ਸਿੰਘ ਵਿਰਕ ਦਾ ਦਾਅਵਾ ਹੈ ਕਿ ਇਸ ਸਮਾਗਮ ਸਮਾਰੋਹ ਵਿੱਚ 61 ਸਿੱਖ ਪਰਿਵਾਰ ਘਰ ਪਰਤੇ ਤੇ ਗੁਰਦੁਆਰੇ ਵਿੱਚ ਆਪਣਾ ਸਿਰ ਝੁਕਾਇਆ।

ਇਹ ਵੀ ਪੜ੍ਹੋ : Muktsar Accident News: ਸੀਆਈਏ ਸਟਾਫ ਦੀ ਗੱਡੀ ਟਰੱਕ ਨਾਲ ਟਕਰਾਈ; ਏਐਸਆਈ ਦੀ ਮੌਤ, ਤਿੰਨ ਜ਼ਖ਼ਮੀ

ਉਨ੍ਹਾਂ ਕਿਹਾ ਕਿ ਇਹ ਉਹ ਲੋਕ ਸਨ ਜੋ ਲੰਬੇ ਸਮੇਂ ਤੋਂ ਗੁਰਦੁਆਰੇ ਨਹੀਂ ਆ ਰਹੇ ਸਨ, ਇਸ ਲਈ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ ਸੀ ਤੇ ਸਾਰਿਆਂ ਨੂੰ ਗੁਰਦੁਆਰੇ ਬੁਲਾਇਆ ਗਿਆ ਸੀ, ਜਿਨ੍ਹਾਂ ਵਿੱਚੋਂ 61 ਪਰਿਵਾਰ ਖੁਸ਼ੀ ਨਾਲ ਗੁਰਦੁਆਰੇ ਆਏ ਤੇ ਮੱਥਾ ਟੇਕਿਆ।

ਇਸ ਸਮਾਰੋਹ ਵਿੱਚ ਮਹਾਂਗਾਪੁਰ ਦੇ ਬਾਬਾ ਗੁਰਨਾਮ ਸਿੰਘ, ਅਮਰੀਆ ਦੇ ਬਾਬਾ ਮੋਹਨ ਸਿੰਘ, ਖਜੂਰੀਆ ਦੇ ਬਾਬਾ ਸੁਲੱਖਣ ਸਿੰਘ, ਬਾਬਾ ਗੁਰਨਾਮ ਸਿੰਘ, ਬਾਬਾ ਗੁਰਵਿੰਦਰ ਸਿੰਘ, ਬਾਬਾ ਬਲਦੇਵ ਸਿੰਘ, ਆਗਰਾ ਦੇ ਬਾਬਾ ਪ੍ਰੀਤਮ ਸਿੰਘ, ਨਾਨਕ ਨਗਰੀ ਬੇਲ੍ਹਾ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਅਤੇ ਮੈਂਬਰ ਅਤੇ ਨੌਂ ਹੋਰ ਸਮੂਹ ਸ਼ਾਮਲ ਹੋਏ। ਨਾਨਕ ਨਗਰੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਗੁਰਦਿਆਲ ਸਿੰਘ ਨੇ ਕਿਹਾ ਕਿ ਦੂਜੇ ਧਰਮਾਂ ਵਿੱਚ ਤਬਦੀਲ ਹੋ ਚੁੱਕੇ ਲੋਕਾਂ ਨੇ ਸਵੈ-ਇੱਛਾ ਨਾਲ ਘਰ ਵਾਪਸ ਆਉਣ ਦਾ ਭਰੋਸਾ ਦਿੱਤਾ ਹੈ। ਕੁਝ ਪਰਿਵਾਰ ਵੀ ਘਰ ਵਾਪਸ ਆ ਗਏ ਹਨ।