ಗುರು ಪೂರ್ಣಿಮಾದ ಮಹತ್ವ: ಇದರ ಐತಿಹಾಸಿಕ ಹಿನ್ನೆಲೆ ಏನು?

ಗುರು-ಶಿಷ್ಯ ಸಂಬಂಧ ಭಾರತದ ಸಾಂಸ್ಕೃತಿಕ ಆತ್ಮದ ಮೂಲವಾಗಿದೆ. ಹಿಂದಿನ ಕಾಲದಲ್ಲಿ ಶಿಷ್ಯರು ಗುರುಕುಲದಲ್ಲಿ ನೆಲೆಸಿ ಗುರುವಿನ ಸೇವೆಯ ಮೂಲಕ ಜ್ಞಾನವನ್ನು ಪಡೆಯುತ್ತಿದ್ದರು. ಇಂದಿಗೂ ಈ ಸಂಬಂಧದ ಪ್ರಭಾವವನ್ನು ಗುರು ಪೂರ್ಣಿಮಾದಂದು ಕಾಣಬಹುದು.

Significance of Guru Purnima: ಪ್ರತಿ ವರ್ಷ ಆಷಾಢ ಮಾಸದ ಶುಕ್ಲ ಪಕ್ಷದ ಹುಣ್ಣಿಮೆಯಂದು ದೇಶಾದ್ಯಂತ ಗುರು ಪೂರ್ಣಿಮಾದ ಸಂಭ್ರಮ. ಈ ದಿನ ಗುರುವಿನ ಪಾವಿತ್ರ್ಯವನ್ನು ಸಾರುವುದಷ್ಟೇ ಅಲ್ಲ, ಜೀವನದಲ್ಲಿ ಜ್ಞಾನದ ಮೌಲ್ಯವನ್ನು ಎತ್ತಿ ತೋರಿಸುತ್ತದೆ. ಗುರು ಎಂದರೆ ಕೇವಲ ಶಿಕ್ಷಕನಲ್ಲ, ಜೀವನದ ಕತ್ತಲಿಂದ ಬೆಳಕಿನೆಡೆಗೆ ಕರೆದೊಯ್ಯುವ ದಾರಿದೀಪ. ಆದರೆ ಈಗ ಈ ದಿನವನ್ನು ಏಕೆ ಆಚರಿಸಲಾಗುತ್ತದೆ? ಇದರ ಹಿನ್ನೆಲೆ ಏನು? ಎನ್ನುವುದರ ಕುರಿತಾಗಿ ತಿಳಿಯೋಣ ಬನ್ನಿ.

ಗುರು ಪೂರ್ಣಿಮಾದ ಐತಿಹಾಸಿಕ ಹಿನ್ನೆಲೆ

ಗುರು ಪೂರ್ಣಿಮಾದ ಮೂಲ ವೇದಕಾಲದಷ್ಟು ಹಳೆಯದು. ಈ ದಿನವನ್ನು ಮಹರ್ಷಿ ವೇದವ್ಯಾಸರ ಜನ್ಮದಿನವೆಂದು ಪರಿಗಣಿಸಲಾಗುತ್ತದೆ. ವೇದವ್ಯಾಸರು ವೇದಗಳನ್ನು ವಿಭಾಗಿಸಿ, ಮಹಾಭಾರತ, ೧೮ ಪುರಾಣಗಳು ಮತ್ತು ಉಪನಿಷದ್‌ಗಳನ್ನು ರಚಿಸಿದ ಮಹಾನ್ ಗುರು. ಅವರ ಜ್ಞಾನದ ಕೊಡುಗೆಗೆ ಗೌರವವಾಗಿ ಈ ದಿನವನ್ನು “ವ್ಯಾಸ ಪೂರ್ಣಿಮಾ” ಎಂದೂ ಕರೆಯಲಾಗುತ್ತದೆ. ಬೌದ್ಧ ಧರ್ಮದಲ್ಲಿ ಈ ದಿನಕ್ಕೆ ವಿಶೇಷ ಸ್ಥಾನವಿದೆ. ಗೌತಮ ಬುದ್ಧರು ತಮ್ಮ ಮೊದಲ ಉಪದೇಶವನ್ನು ಸಾರನಾಥದಲ್ಲಿ ಐವರು ಶಿಷ್ಯರಿಗೆ ನೀಡಿದ್ದು ಈ ದಿನವೇ ಎಂದು ನಂಬಲಾಗಿದೆ. ಈ ಉಪದೇಶ “ಧರ್ಮಚಕ್ರ ಪ್ರವರ್ತನ” ಎಂದು ಖ್ಯಾತವಾಯಿತು. ಜೈನ ಧರ್ಮದಲ್ಲಿಯೂ ಗುರು ಪೂರ್ಣಿಮಾದಂದು ತೀರ್ಥಂಕರರ ಮಾರ್ಗದರ್ಶನವನ್ನು ಸ್ಮರಿಸಲಾಗುತ್ತದೆ. ಈ ರೀತಿಯಾಗಿ, ಗುರು ಪೂರ್ಣಿಮಾ ಭಾರತೀಯ ಸಂಸ್ಕೃತಿಯ ಎಲ್ಲ ಧರ್ಮಗಳಿಗೂ ಒಂದು ಸಾಮಾನ್ಯ ದಾರಿಯಾಗಿದೆ.

ಇದನ್ನೂ ಓದಿ: ಹಾಗಲಕಾಯಿ: ಆರೋಗ್ಯಕ್ಕೆ ಒಳ್ಳೆಯದು, ಆದರೆ ಎಲ್ಲರಿಗೂ ಸೂಕ್ತವೇ?

ಗುರುವಿಗೆ ಈ ದಿನವೇಕೆ?

ಭಾರತೀಯ ದರ್ಶನದಲ್ಲಿ ಗುರುವಿಗೆ ದೇವರಿಗಿಂತಲೂ ಉನ್ನತ ಸ್ಥಾನ. “ಗುರುರ್ಬ್ರಹ್ಮಾ, ಗುರುರ್ವಿಷ್ಣು, ಗುರುರ್ದೇವೋ ಮಹೇಶ್ವರಃ” ಎಂಬ ಶ್ಲೋಕದಲ್ಲಿ ಗುರುವನ್ನು ಸೃಷ್ಟಿಕರ್ತ, ಪಾಲಕ ಮತ್ತು ಸಂಹಾರಕನೆಂದು ಕೊಂಡಾಡಲಾಗಿದೆ. ಗುರುವಿಲ್ಲದೆ ಜ್ಞಾನವಿಲ್ಲ, ಜ್ಞಾನವಿಲ್ಲದೆ ಮುಕ್ತಿಯಿಲ್ಲ ಎಂಬುದು ಶಾಸ್ತ್ರದ ಸಾರ. ಗುರು ಶಿಷ್ಯನಿಗೆ ಕೇವಲ ಪಾಠವನ್ನಲ್ಲ, ಜೀವನದ ಸತ್ಯವನ್ನು, ಧರ್ಮವನ್ನು, ಮೌಲ್ಯಾಧಾರವನ್ನೂ ಕಲಿಸುತ್ತಾನೆ.ಗುರು-ಶಿಷ್ಯ ಸಂಬಂಧ ಭಾರತದ ಸಾಂಸ್ಕೃತಿಕ ಆತ್ಮದ ಜೀವಾಳ. ಒಂದು ಕಾಲದಲ್ಲಿ ಶಿಷ್ಯರು ಗುರುಕುಲದಲ್ಲಿ ವಾಸಿಸಿ, ಗತ್ತಿನಿಂದ ಸೇವೆ ಮಾಡಿ ಜ್ಞಾನಾರ್ಜನೆ ಮಾಡುತ್ತಿದ್ದರು. ಈಗಲೂ, ಆಶ್ರಮಗಳಲ್ಲಿ, ದೇವಾಲಯಗಳಲ್ಲಿ ಶಿಷ್ಯರು ಗುರುವಿಗೆ ಪಾದಪೂಜೆ ಮಾಡಿ, ಕೃತಜ್ಞತೆ ಸಲ್ಲಿಸುವ ದೃಶ್ಯವನ್ನು ನೋಡಬಹುದು

ಇದನ್ನೂ ಓದಿ- ಗಿಡ ನೆಡಲು ಗುಂಡಿ ತೋಡುವಾಗ ಪ್ರಾಚೀನ ಮಡಕೆಗಳು ಪತ್ತೆ..! ಒಳಗೆ ಇದ್ದ ವಸ್ತುಗಳನ್ನು ನೋಡಿ

ಗುರು ಪೂರ್ಣಿಮಾದಂದು ಶಿಷ್ಯರು ತಮ್ಮ ಗುರುಗಳಿಗ ಭೇಟಿಯಾಗಿ, ಆಶೀರ್ವಾದ ಪಡೆಯುತ್ತಾರೆ. ದೇವಾಲಯಗಳಲ್ಲಿ ವಿಶೇಷ ಪೂಜೆ, ಹೋಮ-ಹವನಗಳು ನಡೆಯುತ್ತವೆ. ಶಾಲಾ-ಕಾಲೇಜುಗಳಲ್ಲಿ ಗುರುವಿಗೆ ಗೌರವ ಸಲ್ಲಿಸುವ ಕಾರ್ಯಕ್ರಮ ನಡೆಯುತ್ತವೆ, ಆಶ್ರಮಗಳಲ್ಲಿ ಉಪನ್ಯಾಸ, ಭಕ್ತಿಗೀತೆ, ಧ್ಯಾನ ಕಾರ್ಯಕ್ರಮಗಳು ಜರುಗುತ್ತವೆ. ಕೆಲವೆಡೆ ಗುರುವಿಗೆ ಗುರುದಕ್ಷಿಣೆ ಅರ್ಪಿಸಿ, ಕೃತಜ್ಞತೆ ವ್ಯಕ್ತಪಡಿಸಲಾಗುತ್ತದೆ.ಈ ದಿನ ಗುರುವಿನ ಕೊಡುಗೆಯನ್ನು ಸ್ಮರಿಸಲಾಗುತ್ತದೆ.ಆಧುನಿಕ ಜಗತ್ತಿನಲ್ಲಿ ಗುರು ಎಂದರೆ ಕೇವಲ ಧಾರ್ಮಿಕ ಮಾರ್ಗದರ್ಶಿಯಲ್ಲ. ಜೀವನದ ಯಾವುದೇ ಕ್ಷೇತ್ರದಲ್ಲಿ ಸರಿಯಾದ ದಾರಿ ತೋರಿಸುವವರೆ ಶಿಕ್ಷಕ, ತಂದೆ-ತಾಯಿ, ಸ್ನೇಹಿತ, ಸಲಹೆಗಾರ ಗುರುವಾಗಿರಬಹುದು. ಇಂದಿನ ಯುವಕ, “ನನ್ನ ಶಿಕ್ಷಕರು ನನಗೆ ಓದಷ್ಟೇ ಅಲ್ಲ, ಜೀವನದ ಧೈರ್ಯವನ್ನೂ ಕಲಿಸಿದರು,” ಎಂದು ಹೇಳುತ್ತಾನೆ. ಈ ದಿನ, ಈ ಎಲ್ಲ ಗುರುಗಳಿಗೂ ಕೃತಜ್ಞತೆ ಸಲ್ಲಿಸುವ ಸಂದರ್ಭವಾಗಿದೆ. ಗುರು ಪೂರ್ಣಿಮಾದ ಈ ಪವಿತ್ರ ದಿನ ಎಲ್ಲರಿಗೂ ಶಾಂತಿ, ಸಮೃದ್ಧಿ, ಮತ್ತು ಜ್ಞಾನವನ್ನು ತರುವಂತಾಗಲಿ ಎಂದು ಹಾರೈಸುತ್ತೇವೆ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l
Sharechat Link - https://bit.ly/3LCjokI
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.

ನಿಮ್ಮ ಜೀ ಕನ್ನಡ ನ್ಯೂಸ್‌ ಈಗ: Zee5ನಲ್ಲೂ ಜೀ ಕನ್ನಡ ನ್ಯೂಸ್‌ ಲಭ್ಯ 
Sun Direct-292 
TATA PLAY- 1664 
JIO TV-1334 
NXT Digital-30 
IN-CABLE-30 
U-Digital-162 
GTPL-17 
Rockline Telecommunications ಬೆಂಗಳೂರು-42
 V4 Digital Infotech ಮಂಗಳೂರು-628
Malanad infotech Pvt Ltd-56 
Metrocast ಬೆಂಗಳೂರು, ಬೆಳಗಾವಿ-830 ಲಭ್ಯ.