Jio Prepaid Plan: ಐದು ಅಗ್ಗದ ಪ್ರಿಪೇಯ್ಡ್ ಪ್ಲಾನ್ ಬಿಡುಗಡೆ ಮಾಡಿದ ಮುಖೇಶ್ ಅಂಬಾನಿ

ದೇಶದ ಶ್ರೀಮಂತ ಉದ್ಯಮಿ ಮುಖೇಶ್ ಅಂಬಾನಿ ಮಾಲೀಕತ್ವದ ಜಿಯೋ ತನ್ನ ಬಳಕೆದಾರರಿಗಾಗಿ ಅತ್ಯಂತ ಕೈಗೆಟುಕುವ ಬೆಲೆಯಲ್ಲಿ ರಿಚಾರ್ಜ್ ಯೋಜನೆಗಳನ್ನು ಪರಿಚಯಿಸಿದೆ. ಕೇವಲ 11ರೂ.ಗಳಿಂದ ಆರಂಭವಾಗಲಿರುವ ಈ ಯೋಜನೆಗಳಲ್ಲಿ ಗ್ರಾಹಕರಿಗೆ ಹಲವು ಪ್ರಯೋಜನಗಳು ಲಭ್ಯವಾಗಲಿವೆ.

ಜಿಯೋ ಅತ್ಯಂತ ಅಗ್ಗದ ಬೆಲೆಯಲ್ಲಿ ಎಂದರೆ ಕೇವಲ 11 ರೂ.ಗೆ  ರೀಚಾರ್ಜ್ ಪ್ಲಾನ್ ಬಿಡುಗಡೆ ಮಾಡಿದೆ. ಕೇವಲ 1 ಗಂಟೆಯ ವ್ಯಾಲಿಡಿಟಿಯೊಂದಿಗೆ ಲಭ್ಯವಿರುವ ಈ ರಿಚಾರ್ಜ್ ಪ್ಲಾನ್ ನಲ್ಲಿ 10 GB ಹೈ ಸ್ಪೀಡ್ ಡೇಟಾ ಲಭ್ಯವಿದ್ದು, ಡೇಟಾ ಮಿತಿ ಪೂರ್ಣಗೊಂಡ ನಂತರ, ವೇಗವು 64kbps ಗೆ ಇಳಿಕೆಯಾಗುತ್ತದೆ.

ಜಿಯೋದ ಇನ್ನೊಂದು ಅಗ್ಗದ ರಿಚಾರ್ಜ್ ಪ್ಲಾನ್ ಎಂದರೆ 19 ರೂಪಾಯಿಗಳ ಪ್ರಿಪೇಯ್ಡ್ ಪ್ಲಾನ್. ಇದರಲ್ಲಿ, 1 GB ಹೈಸ್ಪೀಡ್ ಡೇಟಾ ಲಭ್ಯವಿದ್ದು, 1 ದಿನದ ಮಾನ್ಯತೆಯೊಂದಿಗೆ ಬರುತ್ತದೆ. 

ಹೆಚ್ಚಿನ ಡೇಟಾ ಅವಶ್ಯಕತೆ ಇರುವವರಿಗೆ ಜಿಯೋ 29ರೂ. ಪ್ರಿಪೇಯ್ಡ್ ಪ್ಲಾನ್ ಪ್ರಯೋಜನಕಾರಿ ಆಗಿದೆ. ಎರಡು ದಿನಗಳ ಮಾನ್ಯತೆಯೊಂದಿಗೆ ಬರುವ ಈ ಯೋಜನೆಯಲ್ಲಿ 2ಜಿ‌ಬಿ ಹೈ ಸ್ಪೀಡ್ ಡೇಟಾ ಲಭ್ಯವಿದೆ.  

ರಿಲಯನ್ಸ್ ಜಿಯೋದ 49 ರೂ. ರಿಚಾರ್ಜ್ ಯೋಜನೆ 1 ದಿನದ ಮಾನ್ಯತೆಯೊಂದಿಗೆ 25 ಜಿಬಿ ಹೈ ಸ್ಪೀಡ್ ಡೇಟಾದ ಪ್ರಯೋಜನವನ್ನು ನೀಡುತ್ತದೆ. ಮಾನ್ಯತೆ ಅವಧಿ ಮುಗಿಯುವ ಮೊದಲು ನೀವು ಎಲ್ಲಾ ಡೇಟಾವನ್ನು ಬಳಸಿದರೆ, ಇಂಟರ್ನೆಟ್ ವೇಗವು 64kbpsಗೆ ಇಳಿಕೆಯಾಗುತ್ತದೆ.

ಜಿಯೋದ ಮತ್ತೊಂದು ಅಗ್ಗದ ರಿಚಾರ್ಜ್ ಯೋಜನೆ ಎಂದರೆ 69 ರೂಪಾಯಿಗಳ ಪ್ರಿಪೇಯ್ಡ್ ಪ್ಲಾನ್. ಬರೋಬ್ಬರಿ 7 ದಿನಗಳ ಮಾನ್ಯತೆಯೊಂದಿಗೆ ಬರುವ ಈ ಯೋಜನೆಯಲ್ಲಿ 6ಜಿಬಿ ಹೈಸ್ಪೀಡ್ ಇಂಟರ್ನೆಟ್‌ನ ಪ್ರಯೋಜನ ಲಭ್ಯವಿದೆ. ಆದಾಗ್ಯೂ, ಇವೆಲ್ಲವೂ ಡೇಟಾ ಪ್ಯಾಕ್‌ಗಳಾಗಿದ್ದು ಇದರಲ್ಲಿ ಕರೆ, ಎಸ್ಎಂಎಸ್ ನಂತಹ ಯಾವುದೇ ಪ್ರಯೋಜನಗಳು ಲಭ್ಯವಿಲ್ಲ.