ಬಿಗ್‌ ಬಾಸ್‌ ತಂಡದ ಪ್ರೆಸ್‌ಮೀಟ್‌ ಬೆನ್ನಲ್ಲೇ... ಸೀಸನ್‌ 12ರ ಸ್ಪರ್ಧಿಗಳ ಹೆಸರು ಲೀಕ್‌!! ಡಾ.ಬ್ರೋ, KGF ನಟಿ... See More

ಕೊನೆಗೂ ಬಿಗ್ ಬಾಸ್ ಸೀಸನ್ 12ರ ಹೋಸ್ಟ್‌ ಯಾರೆಂಬುದು ಗೊತ್ತಾಗಿದೆ. ಕಿಚ್ಚ ಸುದೀಪ್‌ ಅವರೇ ಮುಂದಿನ ಸೀಸನ್‌ ನಡೆಸಿಕೊಡಲಿದ್ದಾರೆ ಎಂದು ಕಳೆದ ಕೆಲ ದಿನಗಳ ಹಿಂದೆ ಪತ್ರಿಕಾಗೋಷ್ಠಿಯಲ್ಲಿ ಸ್ಪಷ್ಟನೆ ನೀಡಲಾಗಿತ್ತು. ಈ ಬೆನ್ನಲ್ಲೇ ಸೋಶಿಯಲ್‌ ಮೀಡಿಯಾದಲ್ಲಿ ವರದಿಯೊಂದು ಹರಿದಾಡುತ್ತಿದ್ದು, ಅದರ ಪ್ರಕಾರ ಈ ಬಾರಿ ದೊಡ್ಮನೆ ಒಳಗೆ ಯಾರ್ಯಾರು ಎಂಟ್ರಿ ಪಡೆಯುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. 

ಕಿಚ್ಚ ಸುದೀಪ್ ಈ ಬಾರಿ ಮಾತ್ರವಲ್ಲ ಮುಂದಿನ 4 ಸೀಸನ್‌ಗಳನ್ನೂ ಹೋಸ್ಟ್ ಮಾಡಲಿದ್ದಾರೆ. ಆದರೆ ಹೊಸ ಸೀಸನ್ ಯಾವಾಗ ಪ್ರಾರಂಭವಾಗುತ್ತದೆ? ಯಾರೆಲ್ಲಾ ಸ್ಪರ್ಧಿಗಳಿದ್ದಾರೆ ಎಂಬದಕ್ಕೆ ಉತ್ತರ ಸಿಕ್ಕಿಲ್ಲ. ಅನೇಕ ಹೆಸರುಗಳು ಈಗಾಗಲೇ ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿವೆ. ಅಂತಹ ಹೆಸರುಗಳಲ್ಲಿ ಸಂಭಾವ್ಯ ಸ್ಪರ್ಧಿಗಳು ಯಾರೆಂಬುದನ್ನು ತಿಳಿಯೋಣ. 

ಚಂದನ್ ಶರ್ಮಾ: ಬಿಗ್ ಬಾಸ್ ಸೀಸನ್ 12 ಪ್ರಾರಂಭವಾಗುವ ಮೊದಲು ಪ್ರಸಿದ್ಧ ಸುದ್ದಿ ನಿರೂಪಕ ಚಂದನ್ ಶರ್ಮಾ ಅವರ ಹೆಸರು ಕೇಳಿಬಂದಿದೆ. ಈ ಬಾರಿಯ ಬಿಗ್‌ ಬಾಸ್‌ಗೆ ಎಂಟ್ರಿ ಕೊಡಲಿದ್ದಾರೆ ಎನ್ನಲಾಗುತ್ತಿದೆ. ಕನ್ನಡ ಸುದ್ದಿ ವಾಹಿನಿಗಳಲ್ಲಿ ಚಂದನ್‌ ಶರ್ಮಾ ಪ್ರಸಿದ್ಧಿ ಪಡೆದಿದ್ದು, ಮಾಧ್ಯಮ ಪ್ರಪಂಚದಿಂದ ಇವರನ್ನು ಆಯ್ಕೆ ಮಾಡುವ ಸಾಧ್ಯತೆ ಹೆಚ್ಚಿದೆ. 

ಡಾ. ಬ್ರೋ: ಯೂಟ್ಯೂಬ್‌ನಲ್ಲಿ ಕನ್ನಡ ನಟರನ್ನೇ ಮೀರಿಸುವಷ್ಟು ಸಬ್‌ಸ್ಕ್ರೈಬರ್ಸ್‌ಗಳನ್ನು ಹೊಂದಿರುವ ಡಾ. ಬ್ರೋ ಖ್ಯಾತಿಯ ಗಗನ್‌ ಈ ಬಾರಿ ಬಿಗ್ ಬಾಸ್‌ಗೆ ಬರುವ ಮಾತು ಕೇಳಿ ಬರುತ್ತಿದೆ. ಈ ಹಿಂದೆಯೂ ಗಗನ್‌ ಬಿಗ್‌ ಬಾಸ್‌ ಮನೆಗೆ ಬರುವ ಗುಸುಗುಸು ಇತ್ತು. ಆದರೆ ಬಂದಿರಲಿಲ್ಲ. ಹೀಗಿರುವಾಗ ಈ ಬಾರಿ ಖಂಡಿತವಾಗಿಯೂ ಬಿಗ್ ಬಾಸ್‌ಗೆ ಬರುತ್ತಾರೆ ಎಂದು ಹೇಳಲಾಗುತ್ತಿದೆ. 

ಅರ್ಚನಾ ಜೋಯಿಸ್: ಕೆಜಿಎಫ್ ಚಿತ್ರದ ಮೂಲಕ ಸದ್ದು ಮಾಡಿದ ನಟಿ ಅರ್ಚನಾ ಜೋಯಿಸ್ ಈ ಬಾರಿ ಬಿಗ್ ಬಾಸ್‌ ಮನೆಗೆ ಪ್ರವೇಶಿಸುವ ಸಾಧ್ಯತೆ ಇದೆ. ಕೆಜಿಎಫ್ ನಲ್ಲಿ ಯಶ್ ತಾಯಿಯಾಗಿ ಅಭಿನಯಿಸಿ, ಭಾರೀ ಜನಮೆಚ್ಚುಗೆ ಪಡೆದಿದ್ದ ಅರ್ಚನಾ ಜೋಯಿಸ್‌ಗೆ ಕೇವಲ 30 ವರ್ಷ.

ಪ್ರಿಯಾಂಕಾ ಉಪೇಂದ್ರ: ಇದು ಅಚ್ಚರಿಯ ಹೆಸರೇ. ರಿಯಲ್ ಸ್ಟಾರ್ ಉಪೇಂದ್ರ ಅವರ ಪತ್ನಿ, ನಟಿ ಪ್ರಿಯಾಂಕಾ ಉಪೇಂದ್ರ ಈ ಬಾರಿ ಬಿಗ್ ಬಾಸ್‌ಗೆ ಬರ್ತಾರೆ ಎಂಬ ಸುದ್ದಿ ಕಳೆದ ಕೆಲವು ದಿನಗಳಿಂದ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ. ಇದೀಗ ಈ ಮಾತು ನಿಜವಾಗುತ್ತಾ ಎಂದು ಬಿಗ್ ಬಾಸ್ ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದಾರೆ.  

ಕಾಮಿಡಿ ಖಿಲಾಡಿ ಗಿಲ್ಲಿ: ಬಿಗ್‌ ಬಾಸ್‌ನಲ್ಲಿ ಜಗಳ, ಗಲಾಟೆಗಳ ನಡುವೆ ಮನರಂಜನೆ ಸಿಗುವುದು ಕಾಮಿಡಿಯಿಂದ. ಇದುವರೆಗೆ ಬಿಗ್‌ ಬಾಸ್‌ ತಮಾಷೆಯ ವಿಚಾರದಲ್ಲಿ ಪ್ರೇಕ್ಷಕರಿಗೆ ಮೋಸ ಮಾಡಿಲ್ಲ. ಹೀಗಿರುವಾಗ ಪ್ರತೀಸಲದಂತೆ ಓರ್ವ ಹಾಸ್ಯ ಕಲಾವಿದನನ್ನು ದೊಡ್ಮನೆಗೆ ಕಳುಹಿಸುವ ಸಾಧ್ಯತೆ ಇದೆ. ಈ ಬಾರಿ ಕಾಮಿಡಿ ಖಿಲಾಡಿ ಗಿಲ್ಲಿ ಟ್ರೆಂಡಿಂಗ್‌ನಲ್ಲಿದ್ದು, ಅವರೇ ಬಿಗ್ ಬಾಸ್ ಮನೆಗೆ ಪ್ರವೇಶಿಸುವ ಸಾಧ್ಯತೆಯಿದೆ. 

ಅಂದಹಾಗೆ ಕಲರ್ಸ್ ಕನ್ನಡ ಚಾನೆಲ್ ಅಧಿಕೃತವಾಗಿ ಸುದೀಪ್ ಬಿಗ್ ಬಾಸ್ ಕನ್ನಡ ಸೀಸನ್ 12 ರ ನಿರೂಪಕರಾಗಲಿದ್ದಾರೆ ಎಂದು ಘೋಷಿಸಿದೆ ಹೊರತು, ಇಲ್ಲಿ ನೀಡಿರುವ ಸ್ಪರ್ಧಿಗಳ ಹೆಸರನ್ನಲ್ಲ. ಇಲ್ಲಿ ನೀಡಲಾದ ಸ್ಪರ್ಧಿಗಳ ಹೆಸರು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿರುವ ಹೆಸರುಗಳಷ್ಟೆ.