Worm Found in Food: കാര്യവട്ടം ക്യാമ്പസ് ഹോസ്റ്റൽ മെസിലെ ഭക്ഷണത്തിൽ പുഴു; പരിശോധന നടത്തി ഭക്ഷ്യ സുരക്ഷാ ഉദ്യോഗസ്ഥർ

നാലാം വർഷ ബിരുദ വിദ്യാർത്ഥിക്ക് ലഭിച്ച ഭക്ഷണത്തിലാണ് പുഴുവിനെ കണ്ടത്.

തിരുവനന്തപുരം: കാര്യവട്ടം ക്യാമ്പസ് ഹോസ്റ്റൽ മെസിലെ ഭക്ഷണത്തിൽ നിന്ന് പുഴുവിനെ കിട്ടിയതായി പരാതി. ഉച്ചയ്ക്ക് നൽകിയ സാമ്പാറിലാണ് പുഴുവിനെ കിട്ടിയത്. നാലാം വർഷ ബിരുദ വിദ്യാർത്ഥിയായ സംവേദയ്ക്ക് ലഭിച്ച സാമ്പാറിലാണ് പുഴുവിനെ കണ്ടത്. പുഴുവിനെ കണ്ടെത്തിയതിനെ തുടർന്ന് വിവരം ഭക്ഷ്യ സുരക്ഷാ വിഭാഗത്തിനെയും ക്യാമ്പസ് അധികൃതരെയും അറിയിച്ചു.

തുടർന്ന് ഭക്ഷ്യ സുരക്ഷാ ഉദ്യോഗസ്ഥർ സ്ഥലത്തെത്തി പരിശോധന നടത്തി. ക്യാമ്പസിലെ ലേഡീസ് ഹോസ്റ്റലിൽ നിന്നാണ് നാലാംവർഷ ബിരുദ വിദ്യാർത്ഥികൾക്കും ഭക്ഷണമെത്തിക്കുന്നത്. പച്ചക്കറിയിൽ നിന്നുള്ള പുഴുവായിരിക്കാമെന്നാണ് പ്രാഥമിക നിഗമനം. 150 ഓളം വിദ്യാർത്ഥികളാണ് ഈ ഹോസ്റ്റലിലുള്ളത്.