Sunjay Kapur Passed Away: നടി കരിഷ്മ കപൂറിന്റെ മുൻ ഭർത്താവ് അന്തരിച്ചു

Sunjay Kapur Passed Away: ബോളിവുഡ് നടി കരിഷ്മ കപൂറിന്റെ മുൻ ഭർത്താവും പോളോ താരവുമായ സഞ്ജയ് കപൂർ യുകെയിൽ അന്തരിച്ചു

ന്യൂഡൽഹി: നടി കരിഷ്മ കപൂറിന്റെ മുൻ ഭർത്താവും പ്രമുഖ പോളോ താരവും വ്യവസായിയുമായ സഞ്ജയ് കപൂർ അന്തരിച്ചു. പോളോ കളിക്കുന്നതിനിടെ ഹൃദയാഘാതത്തിനെ തുടർന്നാണ് മരണം സംഭവിച്ചതെന്നാണ് റിപ്പോർട്ട്. 53 വയസായിരുന്നു.  

പോളോ കളിക്കുന്നതിനിടെ കുതിരപ്പുറത്ത് കയറുമ്പോൾ തനീച്ച വായിൽ കയറിയതിനെ പിന്നാലെയാണ് അദ്ദേഹത്തിന് അസ്വസ്ഥത ഉണ്ടായതെന്നാണ് റിപ്പോർട്ട്. അത് തൊണ്ടയില്‍ കുടുങ്ങുകയും തുടർന്ന് ശ്വാസതടസവും പിന്നാലെ ഹൃദയാഘാതവും സംഭവിക്കുകയായിരുന്നു എന്നാണ് വിവരം ലഭിക്കുന്നത്.  

നടി കരിഷ്മയുമായുള്ള വിവാഹബന്ധം വേര്‍പിരിഞ്ഞ ശേഷം സഞ്ജയ് പ്രിയ സച്ച്ദേവിനെ വിവാഹം കഴിച്ചിരുന്നു. ഓട്ടോ കമ്പോണന്റ്സ് കമ്പനിയായ സോന കോംസ്റ്റാറിന്റെ ചെയർമാനായിരുന്നു അദ്ദേഹം.