Radhika Apte On Postpartum Depression: मराठी अभिनेत्री राधिका आपटे आणि तिचा पती बेनेडिक्ट टेलर यांनी डिसेंबर 2024 मध्ये त्यांच्या पहिल्या मुलाचे स्वागत केले आहे. मुलीला जन्म दिल्यानंतर राधिका आई होण्याच्या जबाबदाऱ्या आणि तिच्या व्यावसायिक कामात संतुलन साधत आहे. तिने गर्भधारणेदरम्यान शरीरात होणाऱ्या बदलांबद्दल आणि तिला येणाऱ्या अडचणींबद्दल यापूर्वी अनेकदा बोलले आहे. अलिकडेच दिलेल्या एका मुलाखतीत अभिनेत्री राधिका आपटेने तिच्या मुलीच्या जन्मानंतरचे भावनिक गोष्टी सांगितल्या आहेत.
अभिनेत्रीने तिचे अनुभव शेअर केले आहेत. राधिकाने एएनआयशी बोलताना आई झाल्यानंतर तिने स्वतःला आयुष्यासाठी मानसिकदृष्ट्या कसे तयार केले होते याबद्दल सांगितले आहे. प्रसूतीनंतरचे नैराश्य असेल तर मदत मिळावी म्हणून तिने तिच्या जवळच्या मित्रांशी आणि कुटुंबाशी आधीच बोलली होती. राधिका म्हणाली की जेव्हा माझ्या स्वतःच्या अपेक्षांच्या विरुद्ध मला मूल झाले तेव्हा मी खूप आनंदी होते. सुदैवाने मला कधीही गंभीर नैराश्याचा सामना करावा लागला नाही.
आई झाल्यानंतर राधिकाने शेअर केला भावनिक प्रवास
राधिका पुढे म्हणाली की, आई होणे हा एक भावनिक प्रवास आहे. ज्यामध्ये अनेक चढ-उतार येतात. 24 तास मुलाची काळजी घेणे खूप कठीण आहे. यामुळे जीवनात अनेक मोठे बदल होतात. कधीकधी तुम्हाला खूप थकवा आणि हरवलेले वाटते. तर कधीकधी तुम्ही तुमच्या मुलासोबत प्रेम आणि आनंदाने भरलेले असता. या काळात झोपेचा अभाव हे देखील एक मोठे आव्हान बनते. कधीकधी असे वाटते की तुम्ही काय विचार करत आहात ते समजू शकत नाही.
कधीकधी भावना इतक्या गुंततात की स्वतःला समजून घेणे कठीण होते. पण जेव्हा तुम्ही तुमच्या मुलाला पाहता तेव्हा सर्वात मोठे बळ येते. राधिकाने या संपूर्ण अनुभवाचे वर्णन एका रोलरकोस्टर राईडसारखे केले. ज्यामध्ये प्रेम, थकवा आणि एका नवीन आयुष्याची सुरुवात होती. राधिकाने 2012 मध्ये ब्रिटिश संगीतकार आणि वायलिन वादक बेनेडिक्ट टेलरशी लग्न केले. दोघांचेही गुप्त आणि जिव्हाळ्याचे लग्न होते. दोघांची भेट 2011 मध्ये लंडनमध्ये झाली होती.
Newsletter