बॉलिवूडचे 5 सिनेमा ज्यामुळे निर्माते गेले डिप्रेशनमध्ये, इतकं कर्ज झालं पुढची 10 वर्षे...

Bollywood Flop Films Of 80-90s: मागच्या दशकात असे अनेक चित्रपट थिएटरमध्ये आले जे आजपर्यंत प्रसिद्ध आहेत. त्यापैकी काही चित्रपट फ्लॉपही ठरले

Bollywood Flop Films Of 80-90s:  बॉलिवूडमध्ये दररोज अनेक चित्रपट प्रदर्शित होतात. ज्यासाठी निर्माते चांगले बजेट खर्च करतात. यातील अनेक चित्रपट बॉक्स ऑफिसवर हिट ठरतात तर काही चित्रपट वाईटरित्या फ्लॉप होतात. त्यानंतर निर्मात्यांना मोठे नुकसान सहन करावे लागते. 80-90 च्या दशकातील अशा चित्रपटांबद्दल जाणून घेऊया, जे करुन निर्माते चांगलेच पस्तावले.

मागच्या दशकात असे अनेक चित्रपट थिएटरमध्ये आले जे आजपर्यंत प्रसिद्ध आहेत. त्यापैकी काही चित्रपट फ्लॉपही ठरले. या चित्रपटांवर निर्मात्यांनी इतके पैसे खर्च केले की त्यांनी त्यांची सर्व जमापुंजी त्यात गुंतवली होती. त्यानंतर निर्मात्यांना मोठे नुकसान सहन करावे लागले. आणि त्यानंतर आलेल्या नैराश्येतून बाहेर पडण्यासाठी निर्मात्यांना अनेक वर्षे लागली.

'कागज के फूल'

1959 मध्ये आलेल्या 'कागज के फूल' या चित्रपटाच्या निर्मितीमध्ये निर्मात्यांनी खूप पैसे खर्च केले होते. त्या काळानुसार या चित्रपटावर खूप पैसा खर्च झाला होता. हा चित्रपट गुरु दत्त यांनी बनवला होता. गुरु दत्त निर्मित आणि दिग्दर्शित या चित्रपटाला 17 कोटींहून अधिक रुपयांचे नुकसान झाले. हा चित्रपट फ्लॉप झाल्यानंतर निर्माते नैराश्यात गेले. पण आज हा चित्रपट एक उत्कृष्ट कलाकृती मानला जातो.

'सँडविच' 

या यादीत बॉलिवूड सुपरस्टार गोविंदाच्या चित्रपटाचे नावही समाविष्ट आहे. तुम्ही 'सँडविच' या रोमँटिक कॉमेडी चित्रपटाचे नाव ऐकले असेलच. या चित्रपटात गोविंदासोबत रवीना टंडन आणि महिमा चौधरी होत्या. सुपरस्टार कलाकार असूनही चित्रपट वाईटरित्या फ्लॉप झाला. या चित्रपटावर निर्मात्यांनी पाण्यासारखे पैसे खर्च केले. चित्रपटामुळे निर्माते आणि दिग्दर्शकाचे मोठे नुकसान झाले.

'रूप की रानी चोरों का राजा'

अभिनेता अनिल कपूर आणि अभिनेत्री श्रीदेवी यांची जोडी प्रेक्षकांना खूप आवडली. दोघांनी 'रूप की रानी चोरों का राजा' या चित्रपटात एकत्र काम केले होते. पण तुम्हाला हे जाणून आश्चर्य वाटेल की हा चित्रपट बनवण्यासाठी सुमारे 6 वर्षे लागली. बोनी कपूर यांनी हा चित्रपट बनवण्यासाठी सुमारे 10 कोटी रुपये खर्च केले होते. हा चित्रपट बॉक्स ऑफिसवर येताच वाईटरित्या फ्लॉप झाला.

'जमानत'

बॉलिवूड सुपरस्टार अमिताभ बच्चन यांचा 'जमानत' हा चित्रपट बनवण्यासाठी जवळपास 10 वर्षे लागली. ते बनवण्यासाठी निर्मात्यांनी खूप पैसे खर्च केले होते. पण प्रेक्षकांना हा चित्रपट फारसा आवडला नाही आणि हा चित्रपट बॉक्स ऑफिसवर वाईटरित्या फ्लॉप झाला. एका अहवालात असे समोर आले आहे की दिग्दर्शकाकडे पैशांची कमतरता असल्याने हा चित्रपट बनवण्यासाठी 10 वर्षे लागली.

'अजूबा'

या यादीत बॉलिवूड अभिनेते अमिताभ बच्चन यांच्या 'अजूबा' चित्रपटाचे नावही समाविष्ट आहे. हा चित्रपट मोठ्या बजेटमध्ये बनवण्यात आला होता. पण हा चित्रपट बॉक्स ऑफिसवर वाईटरित्या फ्लॉप झाला. या चित्रपटाच्या निर्मितीसाठी 8 कोटी रुपये खर्च आले.