अभिनयासाठी वाढवले वजन, शिकली बंदूक चालवायला; बॉलिवूडच्या 'या' दमदार अभिनेत्रीला ओळखलंत का?

आज बॉलिवूडमधील एक बहुपरिचित आणि कौतुकास्पद अभिनेत्री तिचा 36 वा वाढदिवस साजरा करत आहे. 2015 मध्ये 'दम लगा के हईशा' या चित्रपटातून तिने आपल्या अभिनय प्रवासाची सुरुवात केली होती. तिच्या वाढदिवसानिमित्त पाहूयात तिने आपल्या कारकिर्दीत कोणकोणते चित्रपट केले.

Guess These Bollywood Actress: ग्लॅमरच्या दुनियेत यशस्वीपणे अभिनय करत राहणाऱ्या अभिनेत्रींपैकी एक म्हणजे भूमी पेडणेकर. भूमिकेसाठी समर्पण म्हणजे काय याचा आदर्श उदाहरण म्हणजे भूमी. 'दम लगा के हईशा'साठी तिने 12 किलो वजन वाढवलं, तर 'सोनचिराय्या'साठी ती दोन महिने बंदूक चालवण्याचं प्रशिक्षण घेत राहिली. त्या भूमिकांसाठी ती फक्त शारीरिक रूपातच नव्हे, तर मानसिक आणि भावनिकदृष्ट्याही तयार झाली होती.

18 जुलै 1989 रोजी मुंबईत जन्मलेली भूमी कोकणी आणि हरियाणवी पार्श्वभूमीतून आलेली आहे. तिचे वडील सतीश पेडणेकर हे महाराष्ट्र सरकारचे माजी मंत्री होते. भूमीला अभिनयाची आवड लहानपणापासूनच होती. यशराज फिल्म्समध्ये सहाय्यक कास्टिंग डायरेक्टर म्हणून काम करताना तिने फिल्म इंडस्ट्रीची बारकावे शिकले.

'दम लगा के हईशा'मधील तिच्या भूमिकेसाठी तिने स्वतःला पूर्णपणे बदलले. एका जाड वधूची भूमिका तिने अतिशय सुंदर पद्धतीने साकारत प्रेक्षक आणि चाहत्यांचे लक्ष वेधून घेतले. या चित्रपटासाठी तिला फिल्मफेअरचा 'सर्वोत्कृष्ट पदार्पण अभिनेत्री' पुरस्कार मिळाला.

View this post on Instagram

यानंतर 'टॉयलेट: एक प्रेम कथा', 'शुभ मंगल सावधान' आणि 'बाला' यांसारख्या चित्रपटांमध्ये ती झळकली, जिथे तिने छोट्या शहरातील हट्टी आणि आत्मविश्वासी महिलांचे वास्तवदर्शी चित्रण केले. 'सोनचिराय्या' चित्रपटासाठी तिने गावकऱ्यांचे जीवन जवळून समजून घेतले. तिचा प्रयत्न आणि शुटिंगपूर्वी केलेली तयारी यावरून तिने तिच्या भूमिकेसाठी किती कष्ट घेतले हे स्पष्ट दिसून आले.

'सांड की आंख'मध्ये 70 वर्षांच्या शार्प शूटरची भूमिका करताना तिने कृत्रिम मेकअप, उन्हाचे तडाखे आणि मानसिक तयारी यांना धाडसाने सामोरे जात प्रामाणिकपणे काम केलं.

हे ही वाचा: स्टंटमन राजूच्या मृत्यूने अक्षय कुमार हादरला! थेट 3 कोटींहून अधिक रुपयांचा...; हजारोजणांना होणार फायदा

भूमीला तिच्या अभिनयासाठी अनेक पुरस्कारांनी गौरवण्यात आले आहे. तिने तीन फिल्मफेअर पुरस्कार पटकावले असून तिच्या भूमिकांमुळे प्रेक्षक आणि चाहते दोघांनीही तिला प्रेम दिले आहे. अभिनयासोबतच ती पर्यावरण रक्षणासाठी सक्रिय आहे आणि संयुक्त राष्ट्र विकास कार्यक्रमासाठी काम करत आहे. ती हवामान बदलावर जनजागृती करत असते.

सध्या नेटफ्लिक्सवरील तिची वेब सिरीज 'द रॉयल्स' चर्चेत आहे, ज्यात इशान खट्टर, नोरा फतेही, डिनो मोरिया, झीनत अमान, चंकी पांडे आणि विहान सामत यांसारखे कलाकार तिच्यासोबत झळकत आहेत.