)
'ये रिश्ता क्या कहलाता है' फेम अभिनेत्री 'हिना खान' सध्या कठीण प्रसंगातून जात आहे. हिना खान कॅन्सरशी लढा देत आहे. हिना खान अतिशय सकारात्मकतेने कॅन्सर, किमोथेरपी याला सामोरे जात आहे. नुकतीच हिनाने एक पोस्ट शेअर करून जगासमोर एक सकारात्मक आदर्श ठेवला आहे. हिना खानची ही पोस्ट तिचं दुःख आणि तिची हिम्मत या दोन्हीच उत्तम उदाहरण आहे.
हिनाने तिच्या डोळ्यांचे दोन फोटो शेअर केले आहेत. ज्यात हिना सांगतेय की, तिची एकच पापणी शिल्लक आहे. हिना खानने पोस्ट करत लिहिले- 'तुम्हाला हे जाणून घ्यायचे आहे की, सध्या माझ्या प्रेरणेचं स्रोत काय आहे? तो एकेकाळी मजबूत आणि सुंदर ब्रिगेडचा एक भाग होता. जो माझ्या डोळ्यांना आनंद देणारा होता. माझ्या लांब आणि सुंदर पापण्या... शूर, एकटा योद्धा, माझी शेवटची पापणी उरली आहे. आणि माझ्याशी लढत आहेत. माझ्या शेवटच्या केमोमध्ये एकच पापणी ही माझी प्रेरणा आहे. या कठीण काळातही आपण मात करू.
हिनाने पुढे लिहिले- 'मी एक दशक किंवा त्याहून अधिक काळ बनावट पापण्या घातल्या नाहीत, पण आता मला माझ्या शूटसाठी त्या घालाव्या लागतील. काहीही नाही, सर्व काही ठीक होणार आहे.
हिना खानला ब्रेस्ट कॅन्सर झाला आहे. या कठीण काळात ती खूप धैर्य दाखवत आहे. हिनाचे आता शेवटचे केमो सेशन बाकी आहे. हिनाचे केसही गळायला लागले होते, म्हणूनच तिने स्वतःचे केस कापले होते. आता हिना विग घालून काम करते. हिना सतत काम करत असते. रॅम्प शोमध्ये हिना दिसली होती. नुकताच त्याने वाढदिवसही साजरा केला. प्री-बर्थडे सेलिब्रेशनसाठी ती गोव्याला गेली होती. यावेळी तिची आई आणि प्रियकरही तिच्यासोबत होते.
Newsletter