)
मुंबई : बॉलिवूड अभिनेत्री काजोल (Kajol) ही लोकप्रिय अभिनेत्रींपैकी एक आहे. काजोल आणि अभिनेता अजय देवगणची जोडी ही लोकप्रिय जोड्यांपैकी एक आहे. या दोघांच्या लग्नाला जवळपास 23 वर्षे झाल्याचे म्हटले जाते. या दोघांना दोन मुलं असून मुलीच नाव न्यासा आणि मुलाचे नाव युग आहे. काजोलनं एका मुलाखतीत तिच्या 2 गर्भपाता विषयी सांगितले.
काजोलला तिच्या वेदनादायक गर्भपाताची आठवण झाली. काजोलचा पहिला गर्भपात हा 'कधी खुशी कभी गम' या चित्रपटा दरम्यान झाला आणि या वेदना सहन करत असताना तिने चित्रपटाला मिळालेलं यश सगळ्यांसोबत साजरे केले नाही. त्यानंतर झालेल्या 2 गर्भपाताविषयी सांगताना काजोल म्हणाली की तिला त्या गोष्टीला सामोरे जाणे अत्यंत कठीण झाले होते, असे सांगताना काजोल भावूक झाली.
काजोल आणि अजयनं हलचल या चित्रपटानंतर त्यांनी अनेक चित्रपटांमध्ये काम केले. 1997 मध्ये प्रदर्शित झालेल्या 'इश्क' चित्रपटात दोघांची जोडी चांगलीच पसंतीस उतरली होती. या चित्रपटात आमिर खान आणि जुही चावला देखील दिसले होते. यानंतर दोघेही 'प्यार तो होना ही था'मध्ये दिसले. या दोघांनी 'दिल क्या करे', 'राजू चाचा' आणि 'यू मी और हम' सारख्या लोकप्रिय चित्रपटांमध्ये एकत्र काम केले. दोघे सगळ्यात शेवटी 2020 मध्ये प्रदर्शित झालेल्या 'तानाजी'मध्ये एकत्र दिसले होते.
Newsletter