)
Kubra Sait one Night Stand Pregnancy Abortion: कुब्रा सैत सेक्रेड गेम्स मालिकेत दिसली आहे आणि अलीकडेच तिने तिच्या गर्भपाताबद्दल सांगितलं आहे. ती 41 वर्षांची असून वन नाईट स्टँडनंतर ती गर्भवती राहिली. अभिनेत्रीने स्वतः हे उघड केले.
कुब्रा सैतने असेही म्हटले की यानंतर गर्भपात करणे ही तिची स्वतःची इच्छा होती आणि तिला मूल नको होते. सुरुवातीला तिला जेव्हा हे कळलं तेव्हा ती घाबरली होती आणि तरीही तिने ही सगळी प्रक्रिया एकटीनेच केली आणि त्याबद्दल कोणालाही सांगितले नाही. बॉलीवूड बबलशी बोलताना कुब्रा सैत म्हणाली, "जेव्हा मी गर्भपात केला तेव्हा मला अजिबात ताकद वाटत नव्हती. गर्भपात केल्यानंतर अतिशय थकल्यासारख वाटत होते. जरी आपण हे केले नाही तरी आपण जगू शकतो हे सांगण्याची हिंमत किंवा जोश माझ्यात नव्हता."
अभिनेत्री पुढे म्हणाली, "मला असं वाटू लागलं की, माझ्यात काहीच ताकद उरली नाहीये. मला आतून खूप रिकामे वाटत होतं आणि मला असं वाटू लागलं की, मी या सगळ्याच्या योग्यतेचीच नाही. पण खूप दिवसांनी मला जे वाटलं ते खरं धाडस होतं." कुब्रा सैत म्हणाली, "मी स्वतःसाठी निर्णय घेण्यास सक्षम बनू शकले. मी जे काही केले ते पूर्णपणे बरोबर होते आणि मी स्वतःला पाठिंबा दिला आहे. मी माझ्या निर्णयाचा आदर देखील करते. मी स्टिरियोटाइप पॅटर्न तोडण्यात यशस्वी झाले आहे आणि त्या सामाजिक बंधनातून बाहेर पडण्यातही यशस्वी झाले आहे."
यावर पुढे बोलताना अभिनेत्री म्हणाली, "मी स्वतः गर्भपातासाठी गेले होते आणि तेही एकटी. माझ्यासोबत कोणीही गेले नव्हते आणि मी संपूर्ण प्रक्रियेचा सामना एकटीने केला." कुब्रा सैतच्या कारकिर्दीबद्दल बोलायचे झाले तर, ती जवानी जानेमन आणि सेक्रेड गेम्स सारख्या चित्रपटांमध्ये दिसली आहे आणि ती सध्या अविवाहित आहे.
Newsletter