पाकिस्तानी अभिनेत्रीचा 20 दिवस नव्हे तर 9 महिन्यांपूर्वीच झाला मृत्यू; पोलीस तपासात धक्कादायक खुलासा

Humaira Asghar : पाकिस्तानी अभिनेत्रीचं निधन झाल्याची बातमी बऱ्याच दिवसांपासून सुरु होती सुरुवातीला तिचं निधन होऊन 9 दिवस झाल्याचे म्हटले जात होते तर आता तिचा मृत्यू होऊन 9 महिने झाल्याचे म्हटले जात आहे.

Humaira Asghar : पाकिस्तानी अभिनेत्री हुमैरा असगर ही तिच्या कराचीच्या अपार्टमेंटमध्ये मृतावस्थेत आढळली. हुमैरा ही 32 वर्षांची होती आणि तिच्या अपार्टमेंटच्या मालकानं तिच्या विरोधात तक्रार केल्यानंतर लगेच पोलिसांनी चौकशी केली. हुमैरा ही बऱ्याच काळापासून अपार्टमेंटमध्ये एकटी राहत होती. तर तिनं बऱ्याच काळापासून अपार्टमेंटचं भाडं देखील दिलं नव्हतं. 

हुमैराचं पार्थीव हे सडलेल्या अवस्थेत सापडलं. ती ज्या घरात राहत होती त्या घरच्या मालकानं तिनं भाडं दिलं नाही या प्रकरणात तक्रार दाखल केली. त्यानंतर तिच्याच घरातून तिचं पार्थीव सापडलं. तपास केल्यानंतर आणि स्थानिक लोकांना जेव्हा या सगळ्या घटनेविषयी कळताच त्यांना देखील आश्चर्य झालं की त्यांना याविषयी कसं कळलं नाही. अरब न्यूजनं दिलेल्या एका रिपोर्टनुसार, ज्या अपार्टमेंटमध्ये ती राहत होती, त्या मजल्यावर दुसरं कोणीच राहत नव्हतं आणि बाल्कनीचा दरवाजा हा उघडा होता. 

पोलिसांना विश्वास आहे की जर 9 महिन्यांआधी निधन झालं आहे. तर यावर्षी फेब्रुवारीमध्ये जेव्हा शेजारी परत आले तोपर्यंत दुर्गंध पूर्णपणे गेली होती. खरंतर, तिचं निधन कधी झालं याचा गुंथा हा सुटलेला नाही. त्यावर अजून पोलीस शोध घेत आहेत. घरातील कोरडे आणि गंज लागलेल्या पाण्याचे पाइप, एक्सपायर झालेले खाद्यपदार्थ, जे कमीत कमी सहा महिन्यांपूर्वी एक्सपायर झाल्याचं म्हटलं जातंय आणि त्यामुळे असं म्हटलं जातंय की ती बऱ्याच काळापासून याकडे कोणी लक्ष न दिल्याचं म्हटलं जातंय. 

अधिकाऱ्यांनी हे देखील सांगितलं की 'घरात मेणबत्ती किंवा अशी कोणती गोष्ट नाही जे पाहून असं ठरवता येईल की वीजेचं बील देऊ शकत नाही म्हणून या सगळ्या गोष्टींचा वापर केला. खरंतर विजेच बील न दिल्यानं ऑक्टोबर 2024 मध्ये तिची घरातील इलेक्ट्रिसीटी कनेक्शन हे काढून टाकण्यात आलं होतं. एनडीटीव्हीच्या रिपोर्टनुसार, हुमैराचं पार्थीव नऊ महिन्यांपासून तिथं होतं. तिचं निधन हे तिचं शेवटच्या बील पेमेंट आणि ऑक्टोबर 2024 मध्ये वीजेचं बील पे करू शकत नसल्याच्या दरम्यान झाली. कारण ऑक्टोबर महिन्यात तिचं विजेचं कनेक्शन कापण्यात आलं.' 

कराचीचे पोलिस सर्जन डॉ. सुमैया सय्यद यांनी केलेल्या पोस्टमार्टम रिपोर्टमध्ये असं नमूद करण्यात आलं आहे की हुमैराचा मृतदेह फारच सडलेला होता. त्यामुळे प्राथमिक अंदाज असा होता की तिचा मृत्यू किमान एक महिन्यांपूर्वी झाला असावा. पण नंतर तिचे कॉल रेकॉर्ड आणि इतर पुरावे तपासल्यानंतर असे दिसून आले की हुमैराचा मृत्यू कदाचित ऑक्टोबर 2024 मध्येच झाला असावा.