बॉलिवूड अभिनेत्री गायत्री जोशीच्या कारचा भीषण अपघात झाला आहे. इटलीमध्ये झालेल्या या अपघातात एका जोडप्याचा मृत्यू झाला आहे. या अपघाताचा व्हिडीओ बुधवारी सोशल मीडियावर व्हायरल झाला होता. अपघात झाला तेव्हा 'स्वदेस' फेम गायत्री जोशी आणि तिचा पती विकास ओबेरॉय त्यांच्या Lamborghini मध्ये होते. या अपघातात सुदैवाने त्यांना काहाही जखम झाली नाही. पण दुर्दैवाने फेरारीत प्रवास करणं जोडपं ठार झालं आहे. अपघातानंतर लागलेल्या आगीत होरपळून हे जोडपं ठार झालं.
रस्त्यावर वेगाने कार पळवत असताना एका ट्रकला धडक दिल्यानंतर ही भीषण दुर्घटना घडली. या अपघातात तीन गाड्या सहभागी होत्या. ज्यामध्ये गायत्री जोशी आणि तिच्या पतीची Lamborghini, फेरारी आणि कॅम्पर व्हॅन होती. धडक इतकी भीषण होती की, फेरारी कारने पेट घेतला. तसंच लॅम्बोर्गिनी कारचा चेंदामेंदा झाला आणि धडकेमुळे कॅम्पर व्हॅन पलटी झाली.
Indian builder vikas Oberoi and his wife Gayatri Joshi (Swades heroine)were in the blue Lamborghini and survived this car crash. Swiss couple in red Ferrari passed away due to burns@navinupadhyay99 pic.twitter.com/5xdHF4BG3E
— Madhu S (@mbmclass1990) October 5, 2023
63 वर्षीय मेलिसा आणि 67 वर्षीय मार्केस या अपघातात ठार झाले. दरम्यान इतक्या भीषण अपघातानंतरही गायत्री जोशी आणि तिचा पती विकास ओबेरॉय बचावले. अपघातानंतरचा त्यांचा फोटो समोर आला आहे. या फोटोत दोघेही अपघातग्रस्त गाड्या पाहताना दिसत आहे. यावेळी दोघांनाही प्रचंड धक्का बसल्याचं दिसत आहे.
गायत्री जोशी रस्त्यावर रडत बसलेली दिसत आहेत. यावेळी रस्त्याशेजारी अपघातग्रस्त गाडी दिसत आहे.
Sardinia Supercar Tour दरम्यान ही घटना घडली. मागील कारच्या डॅश कॅमेऱ्यात अपघाताचा व्हिडीओ कैद झाला आहे. यामध्ये अनेक स्पोर्ट्स कार एकमेकांच्या मागोमाग धावताना दिसत आहे. निळ्या रंगाची लॅम्बोर्गिनी ज्यामध्ये विकास आणि गायत्री प्रवास करत होते ती व्हॅनला ओव्हरटेक करण्यासाठी डावीकडे गेली. तसंच मागे असणारी फेरारी ओव्हरेटक करण्यासाठी डाव्या टोकाला जाते , पण नियंत्रण सुटले आणि लॅम्बोर्गिनीला धडकली.
Newsletter