हेल्मेटशिवाय बाईक चालवल्याने सोनू सूद अडचणीत, नेटकऱ्यांनी सुनावले खडेबोल

हिमाचल प्रदेशातील स्पिती व्हॅलीमध्ये सोनू सूद हेल्मेट किंवा इतर सेफ्टी शिवाय बाईक चालवताना दिसला. त्याचा एक व्हिडीओ सोशल मीडियावर व्हायरल झाला आहे. यानंतर सोनू सूदवर प्रचंड टीका होत आहे.

हिमाचल प्रदेशामधील प्रसिद्ध व्हॅली स्पिती येथे बॉलिवूड अभिनेता सोनू सूद हेल्मेट आणि इतर सुरक्षा उपकरणांशिवाय बाईक चालवताना दिसला. याचा एक व्हिडीओ सोशल मीडियावर मोठ्या प्रमाणावर व्हायरल झाला आहे. त्यानंतर लोकांनी तिरस्काराची भाषा करण्यास सुरुवात केली आहे.

या व्हिडीओमध्ये सोनू सूद शर्ट न घातलेला, सनग्लासेस लावलेला, बर्फाच्छादित कड्यावर एका ग्रुपसोबत बाईक चालवताना दिसतो. ही क्लिप Ride With Victor नावाच्या इन्स्टाग्राम पेजवर शेअर करण्यात आली होती. त्या पेजवर आणखी एक व्हिडीओ देखील आहे. ज्यामध्ये सोनू हेल्मेट आणि सेफ्टी गियर वापरताना दिसतो, मात्र यातील हेल्मेटशिवायचा व्हिडीओच चर्चेत आला आहे.

So will @himachalpolice take any action on @SonuSood for riding naked without a helmet in Spiti? No protective gear, no clothes — for god knows what he is trying to promote. Are celebrities above the law?@splahhp #HimachalPradesh
pic.twitter.com/3XUDBYkXqN

— Nikhil saini (@iNikhilsaini) May 26, 2025

या घटनेमुळे सोनू सूदवर सोशल मीडियावर जोरदार टीका झाली आहे. काही नेटकऱ्यांनी त्याच्या वर्तनाला कायद्याच्या आधारे कारवाईची मागणी केली आहे. एका  नेटकऱ्याने विचारले की, 'स्पितीमध्ये हेल्मेटशिवाय बाईक चालवल्याबद्दल हिमाचल पोलिस काही कारवाई करतील का?' तर दुसऱ्या नेटकऱ्याने म्हटले की, 'तो आता आपल्या फ्लॉप करिअरला पुन्हा सुरू करण्याचा प्रयत्न करत आहे'. तिसऱ्या नेटकऱ्याने म्हटले, की सोनू सूदने लक्ष वेधण्यासाठी केलेले हे वर्तन 'निरुपयोगी आणि अश्लील' आहे.

हे ही वाचा: शाहरुख आणि गौरीने सरोगसीचा निर्णय का घेतला? अब्रामच्या जन्मामागचं सत्य

याबाबत लाहौल-स्पिती पोलिसांनीही ट्विटरवर अधिकृत विधान दिले आहे. त्यांनी सांगितले की, 'सोशल मीडियावर व्हायरल झालेला व्हिडीओ 2023 सालचा असल्याचा प्राथमिक तपास लागलेला आहे. डीएसपी मुख्यालय, कायलांग यांना सत्यता तपासण्याचे काम सोपवण्यात आले आहे.' तसेच पोलिसांनी सांगितले की, 'कायद्यानुसार आवश्यक ती कारवाई केली जाईल. आम्ही सर्व नागरिकांना आणि पर्यटकांना वाहतूक नियमांचे काटेकोर पालन करण्याचे आवाहन करतो.'

काही दिवसांपूर्वीच सोनू सूदने रस्ता सुरक्षा मोहीमेचा प्रचार करत लोकांना हेल्मेट वापरणे आणि वाहन नियमांचे पालन करण्याचे आवाहन केले होते. मात्र, सध्या व्हायरल झालेल्या या व्हिडीओमुळे त्याला विरोधाचा सामना करावा लागत आहे. अद्याप या प्रकरणावर सोनू सूदकडून कोणतीही प्रतिक्रिया आलेली नाही. सोनू सूद सामाजिक कार्यासाठी प्रसिद्ध आहे. त्याने कोरोना काळात अनेक लोकांची मदत केली होती. पण त्याचा हा हेल्मेटशिवाय बाईक चालवण्याचा व्हिडीओ त्याच्या प्रतिमेस मोठा फटका देऊ शकतो.