रायफलमॅन Teaser : विक्की कौशलनंतर आता सुशांतही बनलाय फौजी

मुंबई : सध्या बॉक्स ऑफिसवर अभिनेता विक्की कौशलच्या 'उरी : द सर्जिकल स्ट्राईक'चा धुमाकूळ दिसतोय. अशावेळी आणखी एक अभिनेता फौजीच्या रुपात प्रेक्षकांसमोर येण्यास सज्ज झालाय... 'रायफलमॅन' या सिनेमामध्ये अभिनेता सुशांत सिंह राजपूत एका फौजीच्या भूमिकेत दिसणार आहे, हे आता स्पष्ट झालंय. मंगळवारी रात्री सुशांतनं आपल्या आगामी सिनेमाचा अर्थात रायफलमॅनचा टीझर लॉन्च केला. 

'सोन चिडिया' या सिनेमात डाकू बनलेला सुशांत सिंह राजपूत रायफलमॅनमध्ये एका सेनेच्या जवानाच्या भूमिकेत दिसणार आहेत. नुकतंच सुशांतनं आपल्या इन्स्टाग्राम अकाऊंटवरून आपल्या आगामी सिनेमाचा आनंद आपल्या फॅन्ससोबत शेअर केलाय. 

View this post on Instagram

An advancing enemy. A border to protect. One Braveheart. #RIFLEMAN On the occasion of Army Day, excited to announce my next film. @indianarmy.adgpi The film is produced by @abundantiaent & @pooja_ent

A post shared by Sushant Singh Rajput (@sushantsinghrajput) on Jan 15, 2019 at 5:42am PST

काही दिवसांपूर्वी सुशांत एकाच वेळी १२ सिनेमे मिळाल्याची माहिती देऊन चर्चेत आला होता. 

'सेना दिवसा'चं निमित्त साधत 'रायफलमॅन'चा टीझर प्रदर्शित करण्यात आला. या पोस्टमध्ये सुशांतनं लिहिलंय 'एक अग्रेसर शत्रू. सीमेचा बचाव. एक बहाद्दर... सेना दिवसाला आपल्या आगामी सिनेमाची - रायफलमॅनची घोषणा करताना मी उत्साहीत आहे'.

हा टीझर प्रदर्शित करण्याच्या एक दिवस अगोदर सुशांतनं सोशल मीडियावर एक व्हिडिओ शेअर केला होता. या व्हिडिओत सुशांत भारतीय सैनिकांसोबत ट्रेनिंग घेताना दिसतोय. अर्थातच, या सिनेमाच्या तयारीसाठी सुशांतनं कंबर कसलीय, हे दिसतंय. 

View this post on Instagram

#indianarmyday Dream 80/150 Spend at least one day, every six months with Indian Armed Forces and try to learn from the mindset of the Heroes and serve them with due respect in any way possible. #indianarmyday @indianairforce @indiannavy @indianarmy.adgpi @bsf_india @indian_paramilitary_forces #theproteam @rud3dud3 @kushalz #livingourdreams #lovingourdreams

A post shared by Sushant Singh Rajput (@sushantsinghrajput) on Jan 14, 2019 at 8:18pm PST

सध्या सुशांत आपल्या 'सोन चिडिया' या सिनेमाच्या प्रमोशनमध्ये व्यस्त आहे. या सिनेमात त्याच्यासोबत भूमी पेडणेकर, रणवीर शौरी, मनोज वाजपेयी आणि आशुतोष राणा मुख्य भूमिकेत दिसतील. यापूर्वी सुशांत केदारनाथमध्ये सारा अली खान हिच्यासोबत दिसला होता.