टीव्ही अभिनेत्री चारू असोपा मुंबई सोडून गेल्यापासून, तिच्या आणि तिच्या Ex नवरा राजीव सेन यांच्यातील वाद सुरूच आहे. आता राजीव सेनने चारूबद्दल एक धक्कादायक खुलासा केला आहे. तो म्हणतो की, त्याने चारूला त्याच्या २० वर्षांच्या जिवलग मित्रासोबत बोलताना पकडले.
टाईम्स ऑफ इंडियाशी बोलताना राजीव सेन म्हणाले, आम्ही सर्वजण दुबईला सुट्टीसाठी गेलो होतो. या काळात मी चारूला माझ्या २० वर्षांपासूनच्या जवळच्या मित्राशी लपून बोलताना पाहिले. एवढेच नाही तर चारू त्याला इंस्टाग्रामवरही फॉलो करत होती. मी तिला याबद्दल विचारले तेव्हा ती गप्प राहिली. चारुचे अनेक पुरुष मित्र असले तरी, माझ्या जवळच्या मित्राशी असं लपून बोलणे किंवा लपून मैत्री करणे म्हणजे तिच्याकडून मर्यादा ओलांडण्यासारखे होते. तेव्हापासून आमच्यात सगळं वाईट झालं. मी अशा गोष्टी अजिबात सहन करणार नाही.
जेव्हा राजीवला त्यांची मुलगी जियानाबद्दल विचारण्यात आले तेव्हा तो म्हणाला की, 'मला माझ्या मुलीला भेटू दिले जात नाहीये. मला तिची खूप आठवण येते. ती खूप लहान आहे. तिला या सर्व गोष्टी समजत नाहीत. पण मी एक वडिल आहे आणि हे माझ्यासाठी खूप वेदनादायक आहे.
हिंदुस्तान टाईम्सशी बोलताना राजीव सेन म्हणाला होता की, चारू कोणत्याही प्रकारच्या आर्थिक संकटाचा सामना करत नाही आहे. ती तिच्या भावा आणि वहिनीसोबत क्रूझ ट्रिपवर गेली, ज्याचा खर्च खूप आहे. या प्रवासात, त्याने स्वतः सर्वांच्या तिकिटांचे पैसे दिले. अशा परिस्थितीत हे आर्थिक संकट कुठून आले? त्याच वेळी, चारूने तिच्या इंस्टाग्रामवर एक पोस्ट देखील शेअर केली, ज्यामध्ये ती तिचा पूर्वाश्रमीचा पती राजीव सेनवर टीका करताना दिसली. तिने म्हटले की ती काहीही करत असली तरी, या माणसाला (राजीव सेन) सर्वकाही फक्त नाटक वाटते.
Newsletter