Taarak Mehta मधील अंजली भाभीला पैशासाठी बालपणापासूनच करावं लागलं 'हे' काम

मुंबई : 'तारक मेहता का उल्टा चष्मा' ही कॉमेडी टीव्ही मालिका 2008 पासून सातत्याने प्रसारित होत आहे. ही टीव्ही मालिका गेली अनेक वर्षे सातत्याने प्रेक्षकांच्या पसंतीस उतरली आहे. या टीव्ही सीरियलमध्ये अंजली भाभीची भूमिका साकरणारी नेहा मेहताची जागा काही काळापूर्वी अभिनेत्री सुनयना फोजदारने घेतली आहे.

जिथे नेहाला अंजली भाभीच्या भूमिकेत प्रेक्षकांचे भरभरून प्रेम मिळाले. त्याचबरोबर सुनैनालाही प्रेक्षकांचा चांगला प्रतिसाद मिळत आहे. सध्या सुनैनाच्या एका मुलाखतीबद्दल खुपच चर्चा होत आहे.

ज्यामध्ये तिने ग्लॅमरच्या जगात येण्यामागचे खरे कारण सांगितले आहे. या मुलाखतीत सुनैनाने सांगितले होते की, तिने पैशासाठी शो बिझनेसमध्ये प्रवेश केला होता.

'खुल जा सिम सिम' या टीव्ही सीरियलमधून सुनैनाने ग्लॅमर दुनियेत बालकलाकार म्हणून पदार्पण केले. सुनैना अनेक जाहिरातींमध्येही दिसली आहे. इतकंच नाही तर कॉलेजच्या दिवसांमध्येही सुनैना अभ्यासासोबतच मॉडेलिंगही करायची. टीव्हीच्या दुनियेत येण्यापूर्वी सुनैनाने दक्षिण भारतीय चित्रपटांमध्येही काम केले आहे.