)
'महाराष्ट्रातील हास्यजत्रा' हा कार्यक्रम प्रेक्षकांच्या पसंतीला पडत आहे. या कार्यक्रमातील प्रत्येक कलाकार स्वतःचं वेगळेपण जपून आहे. त्यांनी साकारलेलं प्रत्येक पात्र अतिशय जिवंत आणि आपलंस वाटतं. अशातच एका अभिनेत्री चक्क आपलं नाव बदलण्याची वेळ आली आहे. नेमकं असं काय झालं? समीर चौघुले, प्रसाद खांडेकर, नम्रता आवटे-संभेराव, ओंकार राऊत, चेतना भट, श्याम राजपूत, रोहित माने, इशा डे, रसिका वेंगुर्लेकर प्रेक्षकांना मन भरुन आनंद देतात.
महाराष्ट्राची हास्यजत्रा या मालिकेतील अभिनेत्रीला स्वतःच नाव बदलण्याची वेळ आहे. नेमकं काय झालं ते अभिनेत्री इशाने सांगितलं आहे. कार्यक्रमात इशानं 'मी बंगाली नाही; तर मराठीच आहे, असं सांगत आडनाव बदलाची कहाणी प्रेक्षकांना सांगितली. 'इशा डे' या नावामुळं अनेकजण तिला अमराठी समजतात. हा गैरसमज तिनं यावेळी दूर केलाय. लंडनमध्ये अभिनयाचं शिक्षण घेताना नावात बदल करण्याचा निर्णय घेतल्याचं तिनं यावेळी सांगितलं.
मी मराठीच आहे, बंगाली नाहीये. माझं आडवान हे वडनेरकर असं आहे. मी इशा वडनेरकर. मी लंडन स्कूल ऑफ ड्रामात शिकायला होते. तेव्हा तिथं ऑडिशन द्यायला जायचे, 15 मिनिटांचा तो स्लॉट असायचा. आपले उच्चार आणि त्यांचे उच्चार फार वेगळे आहेत. मी माझं नाव सांगायचे, ते तिथल्या लोकांना कळायचं नाही. माझं नाव घेण्यात त्यांची पाच मिनिटं जायची. तेव्हा आमचे एक ट्युटर होते त्यांनी नाव बदलण्याचा सल्ला दिला. त्यामुळं सहज सोपं म्हणू इशा डे हे नाव दिलं...असं इशा म्हणाली.टइशाचं खरं नाव काय?
एका मुलाखतीत बोलताना इशा म्हणाली, “माझं खरं नाव इशा वडनेरकर आहे. मी ड्रामा स्टुडिओ लंडनमध्ये शिकत होते तर तिथे जनरल ई स्टेज नेम स्क्रीन घेण्याची पद्धत आहे. आमच्या कोर्सच्या शेवटच्या दिवसात आम्ही कास्टिंग ऑडिशन्सला जायला लागलो. तिथे पंक्च्युअॅलिटी खूप पाळली जाते. मी ऑडिशनला गेली आहे आणि 'व्हॉट्स यॉर नेम?' असं विचारल्यावर मी 'ईशा वडनेरकर' असं म्हटलं. त्यानंतर त्यांना माझं आडनाव नीट बोलता यायचं नाही. ”
Newsletter