टॅनिंग दूर करण्याचे परिणामकारक असे ४ घरगुती उपाय!

मुंबई : उन्हाच्या झळा जाणवू लागल्या आहेत. लवकच त्याचा प्रहार वाढले. मग त्वचेच्या अनेक समस्या उद्भवू लागतील. त्वचा टॅनिंगची समस्या तर अगदी सामान्य. यावर घरगुती उपाय केल्यास टॅनिंग दूर होण्यास मदत होईल.

• पाच चमचे ग्लिसरीनमध्ये चमचाभर लिंबाचा रस घाला. हे मिश्रण अतिशय पातळ करु नका. हे मिश्रण चेहऱ्याला, मानेला लावा. अर्ध्या तासानंतर चेहरा स्वच्छ धुवा.
• २ चमचा बेसनमध्ये चिमूटभर हळद घाला. त्यानंतर काही थेंब लिंबाचा रस आणि दूध घाला. हे मिश्रण चेहऱ्याला लावून काही वेळाने चेहरा थंड पाण्याने धुवा.
• मुलतानी मातीमध्ये चमचाभर कोरफड जेल किंवा कोरफडीचा गर घाला. त्यात गुलाबजल घालून चांगली पेस्ट बनवा. चेहऱ्याला, मानेला हा पॅक लावा. १५ मिनिटांनंतर चेहरा स्वच्छ करा. 
• पपईचा गर आणि मध एकत्र करुन चेहऱ्याला लावल्यानेही टॅनिंग दूर होते. हे मिश्रण ३० मिनिटे चेहऱ्यावर ठेवा आणि त्यानंतर थंड पाण्याने चेहरा धुवा.