SBI मध्ये या पदांवर नोकरीची संधी, 1,0000000 पगार अन्...; कोणते उमेदवार करू शकतात अर्ज जाणून घ्या!

SBI Bank Vaccancy: भारतीय स्टेट बँक ऑफ इंडियात नोकरीसाठी जाहिरात प्रसिद्ध करण्यात आली आहे. किती असेल पगार आणि वयाची मर्यादा जाणून घेऊयात सविस्तर माहिती.

SBI Bank Vaccancy: तुम्हाला देखील बँकेत नोकरी हवीये का? तर तुमच्यासाठी सुवर्णसंधी चालून आली आहे. भारतीय स्टेट बँकेने स्पेशालिस्ट कॅडर ऑफिसर पदासाठी भरतीची जाहिरात काढली आहे. या पदासाठी अर्जा दाखल करण्याची प्रक्रिया सुरू झाली आहे. इच्छुक उमेदवार त्यांच्या अधिकृत वेबसाइटवर जाऊन अर्ज करु शकतात. भरतीसाठी अप्लाय करण्याची शेवटची तारीख 30 जुलै 2025 आहे. कसा आणि कुठे करायचा अर्ज? जाणून घ्या. 

एसबीआयची ही भरती एकूण 33 पदांवर केली जाणार आहे. यातील सर्वात जास्त पद हे डेप्युटी मॅनेजर पदासाठी आहे. त्यानंतर 14 पदावर असिस्टंट व्हॉइस प्रेसिडेंट आणि 1 पद जनरल मॅनेजर पदासाठी आहे. अशातच अर्ज दाखल करण्याआधी उमेदवारांनी भरतीची जाहिरात एकदा लक्ष देऊन वाचावीत. कारण या पदांसाठी विविध योग्यता आणि वयाची सीमा निर्धारित केली आहे.  

उपव्यवस्थापक - या पदासाठी उमेदवाराकडे संगणक विज्ञान, सॉफ्टवेअर अभियांत्रिकी, आयटी, इलेक्ट्रॉनिक्स या विषयात बी.ई./बी.टेक पदवी असणे आवश्यक आहे. तसेच, CISA (प्रमाणित माहिती प्रणाली लेखापरीक्षक)-ISACA USA कडून प्रमाणपत्र आवश्यक आहे.

सहाय्यक उपाध्यक्ष - या पदासाठी, उमेदवाराकडे संगणक विज्ञान, सॉफ्टवेअर अभियांत्रिकी, आयटी, इलेक्ट्रॉनिक्स या विषयात बी.ई./बी.टेक किंवा समकक्ष पदवी किमान ५०% गुणांसह असणे आवश्यक आहे. तसेच, CISA (प्रमाणित माहिती प्रणाली लेखापरीक्षक) - ISACA USA कडून ISO 27001:2022 LA - NABCB कडून दोन्ही प्रमाणपत्रे अनिवार्य आहेत.

जनरल मॅनेजर- या पदासाठी उमेदवारांकडे संगणक विज्ञान, संगणक विज्ञान आणि अभियांत्रिकी, आयटी, माहिती सुरक्षा, इलेक्ट्रॉनिक्स, इलेक्ट्रॉनिक्स आणि कम्युनिकेशन अभियांत्रिकी, सॉफ्टवेअर अभियांत्रिकी या विषयात बी.ई., बी.टेक किंवा फिजिक्स एम.टेक/एम.एससी असणे आवश्यक आहे. ची पदवी असणे आवश्यक आहे.

पगार व वयाची मर्यादा किती असेल?

उपव्यवस्थापक - पगार MMGS-II स्केलनुसार असेल. वय 25 ते 35 वर्षांच्या दरम्यान असावे.

सहाय्यक उपाध्यक्ष - पगार दरवर्षी 44 लाख रुपयांपर्यंत असू शकतो. वय किमान 33 वर्षे आणि कमाल 45 वर्षे असावे.

जनरल मॅनेजर - पगार वार्षिक 1 कोटी रुपयांपर्यंत असू शकतो. 30 जून 2025 रोजी ज्यांचे वय किमान 45 वर्षे आणि कमाल 55 वर्षे आहे ते अर्ज करू शकतात.

अर्ज कसा करावा?

या एसबीआय भरतीसाठी, तुम्हाला bank.sbi/web/careers/current-openings या वेबसाइटला भेट द्यावी लागेल.

येथे तुम्हाला जाहिरात क्रमांक मिळेल. तुम्हाला CRPD/SCO/2025-26/05 वर क्लिक करावे लागेल आणि सूचना काळजीपूर्वक वाचावी लागेल.

आता अप्लाय टॅबवर क्लिक करा आणि फॉर्म योग्यरित्या भरा आणि सर्व कागदपत्रांसह फॉर्म सबमिट करा.