'ऑपरेशन सिंदूरनंतर पाकिस्तान आपली बायको झाली, तिला घरी आणा,' लोकसभेत खासदाराचं विधान

राष्ट्रीय लोकतांत्रित पक्षाचे प्रमुख आणि नागौरमधील खासदार हनुमान बेनिवाल यांनी लोकसभेत ऑपरेशन सिंदूरसंदर्भात बोलताना असं काही विधान केलं ज्यामुळे सर्व खासदारांना हसू अनावर झालं.

संसदेत ऑपरेशन सिंदूरवरुन चर्चासत्र सुरु असून, यावरुन सत्ताधारी आणि विरोधकांमध्ये आरोप-प्रत्यारोप सुरु आहेत. चर्चेदरम्यान सभागृहात वाद आणि तणावाचं वातावरण निर्माण होत आहे. मात्र काही खासदरांच्या विधानामुळे काही काळ हशाही पिकत असून, तणाव कमी होण्यास मदत होत आहे. काही खासदारांच्या विधानावर सत्ताधारी आणि विरोधक अशा दोन्ही बाजूचे नेते खळखळून हसत आहेत. असंच काहीसं राष्ट्रीय लोकतांत्रित पक्षाचे प्रमुख आणि नागौरमधील खासदार हनुमान बेनिवाल बोलायला उभे राहिल्यानंतर झालं होतं. "ऑपरेशन सिंदूरनंतर पाकिस्तान आपली बायको झाली असून, आता सरकारने तिला घरी आणलं पाहिजे," असं त्यांनी म्हणताच त्यांच्या पक्षातील आणि इतर खासदार जोरजोरात हसू लागले होते. 

सोमवारी रात्री उशिरा सभागृहाला संबोधित करताना बेनिवाल म्हणाले की, ऑपरेशन सिंदूर दरम्यान सरकारने पाकिस्तानला गुडघे टेकवायला भाग पाडलं. "तुम्ही 'सिंदूर' हे नाव ठेवलं. भारताने पाकिस्तानच्या केसांमध्ये सिंदूर लावलं असं दिसत आहे. हिंदू श्रद्धेनुसार, एक महिला तिच्या पतीला तिचे सिंदूर मानते. भारत पाकिस्तानला सिंदूर लावतो, याचा अर्थ पाकिस्तान त्याची पत्नी बनला आहे. फक्त पाठवणी (वधूचा निरोप) उरली आहे. तुम्ही जा आणि पाकिस्तानला घरी आणा," असे ते म्हणाले, तेव्हा पक्षीय रेषा ओलांडून सदस्य हसायला लागले.

ऑपरेशन सिंदूर पर लोक सभा में हुई विशेष चर्चा में भाग लेते हुए कई महत्वपूर्ण बिंदुओं पर सरकार से सवाल किए |#OperationSindoorDebate pic.twitter.com/cXqY4NCnL7

— HANUMAN BENIWAL (@hanumanbeniwal) July 29, 2025

राजस्थानमधील खासदार बेनिवाल यांच्या शेजारी बसलेले नगीना खासदार आणि आझाद समाज पक्षाचे प्रमुख चंद्रशेखर आझाद हे ऐकून जोरजोरात हसू लागले होते. कोणीतरी त्यांना अडवून लवकर बोलण्यास सांगितलं तेव्हा बेनिवाल म्हणाले, "तुम्ही अर्धा तास बोललात आणि तुम्ही मला जायला सांगत आहात?" जेव्हा बजर वाजला, ज्याने त्यांचा वेळ संपल्याचे संकेत दिले, तेव्हा नागौरच्या खासदाराने उत्तर दिले, "काय झालं ?". आझाद यांनी हस्तक्षेप केला आणि त्यांच्या शेजाऱ्यासाठी थोडा वेळ मागितला. त्यानंतर बेनिवाल यांनी अध्यक्षांना सांगितले, "तुम्ही मला सकाळी 10.30 वाजता बोलायला लावत आहात. माझे म्हणणx वर्तमानपत्रात छापले जाणार नाही. मला सोशल मीडियाचा वापर करावा लागेल," असx त्यांनी सांगताच सभागृहात पुन्हा एकदा हशा पिकला. 

सरकारला प्रश्न विचारताना बेनिवाल यांनी पहलगाम हल्ल्याला कारणीभूत असलेल्या सुरक्षेतील त्रुटींची चौकशी झाली पाहिजे आणि हा हल्ला कसा झाला हे जाणून घेण्याचा देशाला अधिकार आहे असंही सांगितलं. सरकारने अग्निवीर भरती योजना आणल्यानंतर सशस्त्र दलांचे मनोबल कमी झाले आहे असा दावाही त्यांनी केला आणि ही योजना मागे घेण्याची मागणी केली.