नवी दिल्ली : कतार एअरवेजचे QR579 हे विमान दिल्लीहून दोहाला जात होते. उड्डाणादरम्यान त्यात काही तांत्रिक बिघाड झाला, त्यानंतर विमान कराचीकडे (पाकिस्तान) वळवण्यात आले. विमान कराची विमानतळावर उतरले आहे. विमानात 100 हून अधिक प्रवासी होते. या विमानातील सर्व प्रवासी सुरक्षित असल्याची माहिती मिळत आहे.
कतार एअरवेजने दिलेल्या माहितीनुसार, 21 मार्च रोजी दिल्लीहून दोहाकडे जाणारे विमान QR579 अचानक कराचीच्या दिशेने वळवण्यात आले. त्यावेळी एकच खळबळ उडाली.
विमानाच्या कार्गो होल्डमध्ये धुर निघत असल्याचे दिसून आला. वैमानिकांनी तत्काळा आणीबाणी घोषित केली. विमान कराचीमध्ये सुरक्षितपणे उतरले. जिथे विमानाला येथे आपत्कालीन सेवा मिळाली आणि प्रवाशांना विमानातून उतरवण्यात आले.
Qatar Airways QR579 diverted to Pakistan (Karachi) airport due to technical reasons. The flight was scheduled from Delhi to Doha. Over 100 passengers on board. Details awaited
— ANI (@ANI) March 21, 2022
सध्या या घटनेची चौकशी करण्यात येत असून प्रवाशांना दोहा येथे नेण्यासाठी मदत विमानाची व्यवस्था करण्यात येत आहे. कतार एअरवेजच्या वतीने असे सांगण्यात आले आहे की, आमच्या प्रवाशांना झालेल्या गैरसोयीबद्दल आम्ही दिलगीर आहोत, त्यांना पुढील प्रवास योजनांमध्ये मदत केली जाईल.
Newsletter