पुण्यातील सर्वात श्रीमंत व्यक्तीसह भारतातील 'या' लोकांकडे आहेत प्रायव्हेट विमान; नावांची यादी पाहून विश्वास बसणार नाही

भारतात अनेक बड्या उद्योगपतींसह बॉलिवूड सेलिब्रिटींकडे स्वत:चे प्रायव्हेट जेट आहे. या यादीत पुण्यातील सर्वात श्रीमंत व्यक्तीचे देखील नाव आहे.

Private Jets In India:  प्रवासाचे जलद आणि सुलभ माध्यम म्हणजे विमान प्रवास. भारतात अनेक खाजगी कंपन्यांमार्फत विमान सेवा उपलब्ध करुन दिली जाते. भारतात असे काही लोक आहेत ज्यांच्याकडे स्वत:च्या मालकीचे विमान आहे. पुण्यातील या सर्वात श्रीमंत व्यक्तीसह भारतात दहा पेक्षा जास्त लोकांकडे स्वत:चे खाजगी विमान आहे. या यादीत भारतातील बड्या उद्योगपतींसह अनेक बॉलिवूड सेलिब्रिटींचा देखील समावेश आहे. जाणून घेऊया भारतात कोणाकडे स्वत:च्या मालकीची विमानं आहेत.   

भारताबद्दल  दररोज सुमारे 4.50 लाख लोक विमानाने प्रवास करतात. या बाबतीत भारताने अमेरिका, चीन, जपान, ऑस्ट्रेलिया आणि ब्राझीललाही मागे टाकले आहे. दररोज व्यावसायिकांना कोणत्या ना कोणत्या कामासाठी देशाबाहेर प्रवास करावा लागतो. ज्यासाठी त्यांनी आता खाजगी जेटने प्रवास करण्यास सुरुवात केली आहे. त्याच वेळी, अनेक अब्जाधीश कलाकार व्यावसायिक विमानांऐवजी त्यांच्या खाजगी जेटने प्रवास करणे पसंत करतात. भारतातील कोणत्या प्रसिद्ध व्यक्तींकडे खाजगी जेट आहेत ते जाणून घेऊया. आणि खाजगी जेटची किंमत किती आहे. 

गेल्या काही वर्षांत, भारतात अब्जाधीशांसाठी खाजगी जेटने प्रवास करणे खूप सामान्य झाले आहे.  यामध्ये केवळ व्यावसायिकच नाही तर अभिनेते आणि राजकारणी देखील समाविष्ट आहेत. भारतीय नागरी उड्डाण महासंचालनालयाने म्हणजेच डीजीसीएने दिलेल्या माहितीनुसार, सध्या भारतात 550 हून अधिक खाजगी विमाने आहेत. यामध्ये खाजगी जेट आणि हेलिकॉप्टरचा समावेश आहे.

या सर्वांपैकी सर्वात महागडे खाजगी विमान भारतातील सर्वात श्रीमंत व्यक्ती मुकेश अंबानी यांच्या मालकीचे आहे. मुकेश अंबानीकडे बोईंग बिझनेस 2 जेट हे विमान आहे. त्याची किंमत 73 दशलक्ष डॉलर्स म्हणजेच भारतीय चलनात 600 कोटी रुपयांपेक्षा जास्त आहे.  लांब पल्ल्याच्या खाजगी जेटने परदेशात प्रवास करता येवू शकतो. तर फक्त आठ भारतीय व्यावसायिकांकडे खाजगी जेट आहेत. यामध्ये नवीन जिंदाल, आदर पूनावाला, कलानिधी मारन, गौतम अदानी, लक्ष्मी मित्तल, पंकज मुंजाल, अनिल अंबानी आणि मुकेश अंबानी सारखे उद्योगपती आहेत. आदर पूनावाला यांच्या वडिलांचे नाव सायरस पुनावाला असे आहे. सायरस पुनावाला हे पुण्यातील सर्वात श्रीमंत व्यक्ती आहेत. भारतातील टॉप 10 श्रीमंतांच्या यादीत पुनावाला हे टॉप 5 मध्ये आहेत.  उद्योगपतींसह बॉलिवूड सेलिब्रिटींकडेही स्वतःचे प्रायव्हेट जेट आहेत. यामध्ये शाहरुख खान , अमिताभ बच्चन, अक्षय कुमार, अजय देवगण, सलमान खान आणि इतर काही बॉलिवूड सेलिब्रिटींचा समावेश आहे. 

प्रायवेट जेटची किंमत किती आहे?

खाजगी जेटची किंमत त्याच्या आकार आणि सुविधांनुसार ठरवली जाते. साधारणपणे, प्रायव्हेट जेटची किंमत 20 कोटी रुपये असू शकते. तर त्याची किंमत 100  कोटी रुपये देखील असू शकते. जर आपण सर्वात स्वस्त खाजगी जेटबद्दल बोललो तर, सिरस व्हिजन जेट सर्वात स्वस्त आहे. त्याची किंमत सुमारे 16 कोटी रुपये आहे. त्याची रेंज सुमारे 2000 किमी आहे. भारतातील सर्वात महागड्या खाजगी जेट मुकेश अंबानी यांच्या मालकीचे आहे. याची किंमत सुमारे 603 कोटी आहे. दुसरीकडे, जर आपण जगातील सर्वात महागडे खाजगी विमान सौदी प्रिन्स अलवलीद बिन तलाल अल-सौद यांच्या मालकीचे आहे. या प्रायव्हेट जेटची किंमत 4100 कोटी आहे.