Success Story: बारावीत नापास, 2 वर्षे विकलं दूध, नाशिकचे उमेश असे बनले IPS, कहाणी ऐकून डोळ्यात पाणी येईल!

IPS Sucess Story: उमेश गणपत खांडाबहाले यांचा प्रवास दृढनिश्चय आणि कठोर परिश्रमाचे फलित आहे.

IPS Sucess Story:  तरुण वयात घेतलेले कठोर परिश्रम, प्रामाणिक मेहनत, सातत्य हे भविष्यात चांगले फळ मिळवून देते. अनेक आयपीएस अधिकारी अशाप्रकारे संघर्ष करुन पुढे आलेले असतात, ज्यांच्या कहाण्या आपण जाणून घेत असतो. भारतीय पोलिस सेवा (आयपीएस) अधिकारी उमेश गणपत खांडाबहाले यांचीही कहाणी अशीच आहे. महाराष्ट्रातील एका छोट्याशा गावातील रहिवासी उमेश यांना बारावीच्या इंग्रजी परीक्षेत अपयश आले. त्यांना फक्त 21 गुण मिळाले होते. अपयशानंतर त्यांनी दूध विकण्यास सुरुवात केली आणि त्यांच्या वडिलांना इतर अनेक कामांमध्ये मदत केली.

तरीही त्यांच्या आयुष्याने एक वळण घेतले आणि आज ते पश्चिम बंगालच्या एका जिल्ह्यात पोलिस अधीक्षक म्हणून काम करणारे आयपीएस अधिकारी आहेत. उमेश गणपत खांडाबहाले यांचा प्रवास दृढनिश्चय आणि कठोर परिश्रमाचे फलित आहे. इंग्रजी परीक्षेत नापास होऊनही ते बारावीतही नापास झाले. ज्यामुळे त्यांना औपचारिक शिक्षण सोडावे लागले. त्यांनी त्यांच्या गावाहून दररोज नाशिकला प्रवास करून दूध विकण्यास सुरुवात केली.

नंतर त्यांनी खुल्या शालेय शिक्षणातून बारावी उत्तीर्ण केले. त्यानंतर त्यांनी महाविद्यालयीन शिक्षण घेतले. नंतर पदवीधर झाले. शेवटी त्यांनी आयपीएस परीक्षा उत्तीर्ण केली आणि यूपीएससी परीक्षेत 704 वा क्रमांक मिळवून यश मिळवले.

इंग्रजी साहित्यात एमए

उमेश गणपत खंडाबहाले दूध विकायचे तेव्हा वाटेत यशवंतराव चव्हाण महाराष्ट्र मुक्त विद्यापीठ (वायसीएमओयू) होते. त्यांच्या मनात काहीतरी विचार सुरु झाला. ते विद्यापीठासमोर थांबले आणि चौकशी करू लागले. उमेश यांनी सर्व माहिती गोळा केल्यानंतर त्यांनी ओपन युनिव्हर्सिटीतून पुन्हा बारावी केली. टाईम्स ऑफ इंडियाच्या वृत्तानुसार, बारावीनंतर त्यांनी बीएससी हॉर्टिकल्चरमध्ये प्रवेश घेतला. केटीएचएम कॉलेजमधून इंग्रजी साहित्यात एमए केले. ज्या विषयात ते बारावीत नापास झाले होते त्यालाच त्यांनी आपली ताकद बनवली. बारावीनंतर त्यांनी बीएससी हॉर्टिकल्चरमध्ये प्रवेश घेतला. केटीएचएम कॉलेजमधून इंग्रजी साहित्यात एम.ए. केले.

यूपीएससी परीक्षा कधी दिली?

उमेश यांनी 2012 मध्ये यूपीएससी सिव्हिल सर्व्हिसेस परीक्षेत पहिला प्रयत्न केला. 2015 मध्ये तो तिसऱ्या प्रयत्नात उत्तीर्ण झाला आणि 704 वा रँक मिळवला. उमेश हे त्यांच्या गावातील पहिले आयपीएस बनणारे व्यक्ती होते. उमेश यांनी बारावी फेल हा चित्रपटही पाहिला. ते त्यांच्या कथेला स्वतःला जोडू शकले. सिनेमाने त्यांना त्यांच्या संघर्षाच्या दिवसांची आठवण करून दिली आणि ते भावनिक झाले होते. रिस्टार्ट हा असा मंत्र आहे जो अशक्य ते शक्य करू शकतो, असे उमेश यांनाही वाटते. कधीकधी अपयश यशाची पायरी बनू शकते. या कथा असंख्य इतरांना प्रेरणा देतात, हे सिद्ध करतात की कठोर परिश्रम आणि दृढनिश्चयाने, कोणीही कोणताही अडथळा पार करून यश मिळवू शकतो.