)
नवी दिल्ली : इस्त्रोने पहिल्यांदाच चंद्राच्या पृष्ठभागाचा थ्रीडी व्ह्यू फोटो जाहीर केला आहे. इस्त्रोने हा फोटो ट्विटरवर पोस्ट केला आहे. हा फोटो 'चांद्रयान-२'च्या टेर्रेन मॅपिंग कॅमेराने (Terrain Mapping Camera-2) लिंडबर्ग क्रेटरडवळ काढण्यात आला आहे.
टीएमसी-२ वरुन संपूर्ण चंद्राच्या पृष्ठभागाचे डिजिटल एलिव्हेशन मॉडेल तयार करण्यासाठी, ५ एम स्पेटियल रिजॉल्यूशन आणि स्टिरियो ट्रिपलेटमध्ये छायाचित्रे घेतली जाऊ शकत असल्याचे इस्त्रोने आपल्या ट्विटमध्ये सांगितलं आहे.
#ISRO
— ISRO (@isro) November 13, 2019
Have a look of 3D view of a crater imaged by TMC-2 of #Chandrayaan2. TMC-2 provides images at 5m spatial resolution & stereo triplets (fore, nadir and aft views) for preparing DEM of the complete lunar surface.
For more details visit https://t.co/urlZqzg3Gw pic.twitter.com/VBvUeH1L8s
चंद्राचा ३डी फोटो पाहून सोशल मीडियावर ही इस्त्रोची सर्वात मोठी कामगिरी असल्याचं बोललं जात आहे. 'चांद्रयान-२'कडून आता तिसऱ्यांदा फोटो जाहीर करण्यात आला आहे. याआधी, 'चांद्रयान-२'कडून, अंतराळातून घेतलेल्या पृथ्वीचे आणि चंद्राच्या पृष्ठभागाचे फोटो पाठवण्यात आले होते.
'चांद्रयान-२' मिशन २२ जुलै रोजी लॉन्च करण्यात आलं होतं. आंध्र प्रदेशच्या नेल्लोर जिल्ह्यातील श्रीहरिकोटातील सतिश धवन अंतराळ केंद्रातून त्याचं लॉन्चिंग करण्यात आलं होतं.
Newsletter