)
Ram Mandir Pran Pratishtha Live Updates : प्रभू श्रीराम यांच्या नगरीमध्ये अर्थात अयोध्येमध्ये पुन्हा एकदा संपूर्ण वातावरण राममय झालं असून, तिथं कणाकणात रामाचा वावर जाणवत आहे. निमित्त आहे ते म्हणजे बहुप्रतिक्षित राम मंदिर उद्घाटन आणि रामलल्लाच्या मूर्तीच्या प्राणप्रतिष्ठा सोहळ्याचं.
सोमवारी, 22 जानेवारी 2024 रोजी अयोध्येत रामलल्लाच्या मूर्तीची प्राणप्रतिष्ठा होणार आहे. देशाचे पंतप्रधान नरेंद्र मोदी आणि अनेक मान्यवरांच्या उपस्थितीमध्ये दुपारी 12 वाजून 20 मिनिटांनी राम मंदिरात मूर्तीची प्राणप्रतिष्ठा विधीवत (Ram lala Pran Pratishtha) पार पडणार आहे. अयोध्येतील या ऐतिहासिक सोहळ्याच्या निमित्तानं देशभरात दीपोत्सवही साजरा केला जाणार आहे. अशा या सोहळ्यासाठी तुम्ही सज्ज आहात ना? या सोहळ्यादरम्यान अयोध्येतील सर्व घडामोडींचे लाईव्ह अपडेट्स तुम्हाला इथं मिळणार आहेत. (Ram Mandir Inaugration)
'प्रत्येक युगात लोकांनी राम जगला आहे. प्रत्येक युगात लोकांनी आपापल्या परीने राम त्यांच्या शब्दात व्यक्त केला आहे. हा रामरस जीवनाच्या प्रवाहासारखा अखंड वाहतो. राम अग्नी नसून ऊर्जा आहे. राम उपाय आहे, वाद नाही, असेही पंतप्रधान म्हणाले.
आमच्या अनेक पिढ्या रामापासून विभक्त झाल्या आहेत. आपल्या संविधानाच्या पहिल्या प्रतिमध्येही राम आहे. न्यायाची प्रतिष्ठा जपणाऱ्या भारतीय न्यायव्यवस्थेबद्दल मी कृतज्ञता व्यक्त करू इच्छितो. न्यायाला समानार्थी असलेले प्रभू रामाचे मंदिरही न्याय्य पद्धतीने बांधले गेले. आज प्रत्येक गावात कीर्तन होत आहे. मंदिरांमध्ये उत्सव होत आहेत. संपूर्ण देश आज दिवाळी साजरी करत आहे. आज संध्याकाळी घरोघरी रामज्योती लावण्याची तयारी सुरू आहे.
'आमचा रामलला आता तंबूत राहणार नाही. आता रामलला दिव्य मंदिरात राहणार आहेत. आज आमचा राम आला आहे. आज आपल्याला श्री रामाचे मंदिर सापडले आहे. गुलामगिरीची मानसिकता मोडून राष्ट्र उभे राहिले आहे. ही वेळ सामान्य नाही. प्रदीर्घ वियोगामुळे आलेला त्रास आता संपला आहे. प्रदीर्घ वियोगामुळे आलेला त्रास आता संपला आहे. राज्यघटना अस्तित्वात आल्यानंतरही भगवान श्रीरामाच्या अस्तित्वावरून कायदेशीर लढाई लढली गेली,' असे पंतप्रधान मोदी म्हणाले.
'ज्या महान हस्तींमुळं हे दीव्य कार्य घडलं, त्यांचा सहवास मला जाणवतोय. मी प्रभू श्रीराम यांच्यापुढं नसमस्तक होतो. त्यांच्यापुढं क्षमायाचनाही करत आहे. पुरुषार्थ, त्याग आणि तपस्येमध्ये राहिलेल्या काही त्रुटी राहिल्या असतील, कारण इतक्या पिढ्यांपर्यंत हे काम करता आलं नाही, पण आज मात्र ती उणीवही भरून निघाली आहे. मला विश्वास आहे की श्रीराम आपल्याला नक्कीच क्षमा करतील', असं म्हणत आपल्या दैवी अनुभवांचं कथन पंतप्रधान नरेंद्र मोदी यांनी केलं.
गर्भगृहातील अनुभवाचं कथन करत असताना मोठ्या जनसमुदायासमोर पंतप्रधान नरेंद्र मोदी भावूक झाल्याचं पाहायला मिळालं. माझं शरीर अजूनही स्पंदीत असून, चित्त प्राणप्रतिष्ठेच्याच क्षणात लीन असल्याचं पंतप्रधान नरेंद्र मोदी म्हणाले. आता रामलल्ला तंबूत राहणार नाहीत, असं म्हणताना त्यांचा कंठ दाटून आला होता.
#WATCH | Prime Minister Narendra Modi addresses people after the ‘Pran Pratishtha’ ceremony at the Shri Ram Janmaboomi Temple in Ayodhya. #RamMandirPranPrathistha pic.twitter.com/ugAIrpDCM5
— ANI (@ANI) January 22, 2024
पंतप्रधान नरेंद्र मोदी यांनी राम मंदिर प्राणप्रतिष्ठेच्या कारणास्तव 11 दिवसांचं अनुष्ठान ठेवलं आणि अखेर त्यांचा हा संकल्प सिद्धीस गेल्यानंतर रामाच्याच भूमीत त्यांनी हे अनुष्ठान महंतांच्या हस्ते जल ग्रहण करत पूर्णत्वास नेलं.
माता कौशल्येनं रामलल्लाला दिलेल्या राघव या नावासह पाच वर्षांच्या बालरुपात रामलल्ला अयोध्येतील आपल्या जन्म भूमीत उभारण्यात आलेल्या मंदिरात विराजमान झाले आहेत. या क्षणी पंतप्रधान नरेंद्र मोदी भावूक झाल्याचं पाहायला मिळालं.
पंतप्रधान नरेंद्र मोदींकडून रामलल्लांना साष्टांग दंडवत; प्राणप्रतिष्ठेनंतरच्या विधींदरम्यान पंतप्रधान मोदी यांनी रामाच्या सुरेख मूर्तीपुढं साष्टांग दंडवत घातला.
#WATCH | PM Modi performs 'Dandavat Pranam' at the Shri Ram Janmaboomi Temple in Ayodhya. #RamMandirPranPrathistha pic.twitter.com/kAw0eNjXRb
— ANI (@ANI) January 22, 2024
श्री राम चंद्र कृपालु भजमन हरण भाव भय दारुणम्। नवकंज लोचन कंज मुखकर, कंज पद कन्जारुणम्। अशा रामस्तुतीच्या स्वरांनी फक्त अयोध्याच नव्हे देशही दुमदुमला...
पंतप्रधान नरेंद्र मोदी यांच्या हस्ते रामलल्लाची पहिली आरती संपन्न झाली. यावेळी मंदिर परिसरात एकच उत्साह पाहायला मिळाला.
#WATCH | 'Aarti' of Ram Lalla idol underway at the Shri Ram Janmaboomi Temple in Ayodhya#RamMandirPranPrathistha pic.twitter.com/fEmJlKsDsF
— ANI (@ANI) January 22, 2024
रघुपती राघव राजाराम.. च्या भजनानं अयोध्येतील वातावरण अतिशय मंगलमय झालं असून, मंदिरात श्रीरामचरणी पंतप्रधान मोदी श्रद्धासुमनं अर्पण करताना दिसत आहेत.
#WATCH | PM Narendra Modi offers prayers to Ram Lalla. The idol was unveiled at the Ram Temple in Ayodhya during the pranpratishtha ceremony.#RamMandirPranPrathistha pic.twitter.com/bHvY3L4Ynk
— ANI (@ANI) January 22, 2024
पायो जी मैनै राम रतन धन पायो... अशा मंगल स्वरांच्या माध्यमातून रामलल्लांची पहिली झलक संपूर्ण जगानं पाहिली. सनई चौघडे आणि शंखानादानं अयोध्येत रामनामाचा गजर केला आणि रोमहर्षक वातावरणानं सारेच भारावले.
#WATCH | First visuals of the Ram Lalla idol at the Shri Ram Janmaboomi Temple in Ayodhya pic.twitter.com/E0VIhkWu4g
— ANI (@ANI) January 22, 2024
इंद्र, आनंद, सर्वार्थ सिद्धी अशा पंचबान न झाल्यामुळं एक अदभूत योग तयार झाला असून, त्याच मुहूर्तावर राम मंदिरात प्राणप्रतिष्ठा होत आहे. प्राणप्रतिष्ठा विधीसाठी राम मंदिरातील गर्भगृहात सरसंघचालक मोहन भागवत, पंतप्रधान मोदी, आनंदीबेन पटेल, योदी आदित्यनाथ यांची उपस्थिती पाहायला मिळत आहे.
#WATCH | Prime Minister Narendra Modi at the Pran Pratishtha ceremony of the Shri Ram Janmaboomi Temple in Ayodhya#RamMandirAyodhya pic.twitter.com/1XzG8kAQxT
— ANI (@ANI) January 22, 2024
गेल्या 11 दिवसांपासून एका योगी, तपस्वीप्रमाणं पंतप्रधान मोदी यांनी ध्यानधारणा केली असून, आज ते रामलल्लांपुढं नतमस्तक होताना दिसत आहेत.
#WATCH | Ram Temple Pran Pratishtha ceremony underway in Ayodhya in the presence of Prime Minister Narendra Modi and RSS chief Mohan Bhagwat#RamTemplePranPratishtha pic.twitter.com/AETmZ9rAnl
— ANI (@ANI) January 22, 2024
पंतप्रधान नरेंद्र मोदी अयोध्येतील राम मंदिरात दाखल झाले असून, यावेळी त्यांच्या चेहऱ्यावर असणारी प्रफुल्लित मुद्रा पाहण्याजोगी होती.
#WATCH | Prime Minister Narendra Modi at the Shri Ram Janmaboomi Temple in Ayodhya to participate in the Ram Temple Pran Pratishtha ceremony#RamMandirPranPrathistha pic.twitter.com/zm0RGJkbRU
— ANI (@ANI) January 22, 2024
राम मंदिर प्राणप्रतिष्ठा सोहळ्यासाठी राम मंदिर परिसरात दाखल झालेल्या योगीराज यांनी माध्यमांशी संवाद साधताना म्हटलं, 'सध्या मला मी स्वत: या विश्वातील सर्वात नशिबवान व्यक्ती असल्यासारखं वाटत आहे. या संपूर्ण प्रवासामध्ये मला माझ्या पूर्वजांचा, माझ्या कुटुंबीयांचा आशीर्वाद मिळाला आहे. रामलल्लांची मूर्ती साकारल्याचं वास्तव पाहतो तेव्हा मला मी स्वप्ननगरीतच असल्याचा भास होतो.'
फक्त इतर समुदायाचे लोक एखाद्या परिसरात राहतात म्हणून तिथे राम मंदिर प्राणप्रतिष्ठा सोहळ्याचं थेट प्रक्षेपण दाखवण्यावर निर्बंध घालता येणार नाहीत असे थेट आदेश सर्वोच्च न्यायालयानं तामिळनाडू सरकारला दिले आहेत. राम मंदिर प्राण प्रतिष्ठेच्या निमित्तानं न्यायालयानं हे आदेश दिले आहेत.
गायक सोनू निगम यानं अयोध्येतील भक्तिमय वातावरणाशी एकरुप होत सादर केलं गीत...
#WATCH | Singer Sonu Nigam sings 'Ram Siya Ram' at Shri Ram Janmaboomi Temple in Ayodhya ahead of the Pran Pratishtha ceremony. pic.twitter.com/LAYHhu2AvX
— ANI (@ANI) January 22, 2024
सरसंघचालक मोहन भागवत अयोध्येत दाखल झाले असून, त्यांनी उपस्थितांच्या अभिवादनाचा स्वीकार केला. साऊथ सुपरस्टार रजनीकांतही अयोध्येत दाखल झाले. रजनीकांत यांनाही या सोहळ्याचं निमंत्रण देण्यात आलंय. रजनीकांत प्रवेशद्वारापाशी येताच त्यांच्या सोबत सेल्फी काढण्यासाठी काहीशी गर्दी झाली.
हिंदी कलाजगतातील महानायक अमिताभ बच्चन आणि अभिनेता अभिषेक बच्चन अयोध्येत दाखल झाले असून, त्यांनी उपस्थितांची भेट घेत त्यांना अभिवादन केलं.
#WATCH | Uttar Pradesh: Actors Amitabh Bachchan and Abhishek Bachchan at the Shri Ram Janmabhoomi Temple in Ayodhya to attend the Ram Temple Pran Pratishtha ceremony #RamMandirPranPrathistha pic.twitter.com/Oz118X1hrO
— ANI (@ANI) January 22, 2024
हिंदू धर्माला अनुसरून मी असं अदभूत वातावरण आजपर्यंत कधीच पाहिलं नाही. हा क्षण दिवाळीहूनही मोठा असून, हीच खरी दिवाळी आहे अशी प्रतिक्रिया अयोध्येत दाखल झालेल्या ज्येष्ठ अभिनेते अनुपम खेर यांनी दिली.
अभिनेत्री कंगना रणौत, अभिनेता विवेक ओबेरॉय यांनीही या सोहळ्यासाठी अयोध्येत हजेरी लावली आहे.
#WATCH | Ayodhya, Uttar Pradesh | Actor Anupam Kher says, "Historic! Wonderful! I had never seen such an atmosphere for Hindu religion ever before. This is bigger than Diwali. This is the real Diwali...Maryada Purushottam Ram symbolised goodness and a sense of sacrifice. Today,… pic.twitter.com/zYORDFWvqs
— ANI (@ANI) January 22, 2024
प्राणप्रतिष्ठा कार्यक्रमावेळी गर्भगृहात कोण कोण असतील?
नरेंद्र मोदी, पंतप्रधान
योगी आदित्यनाथ, मुख्यमंत्री, उत्तर प्रदेश
आनंदीबेन पटेल, राज्यपाल, उत्तर प्रदेश
मोहन भागवत, सरसंघचालक
आचार्य सत्येंद्र दास, मुख्य पुजारी
अयोध्येतल्या प्राणप्रतिष्ठा सोहळ्याची लगबग सुरु असताना दुसरीकडे शहरात कडेकोट बंदोबस्त तैनात करण्यात आला आहे. अयोध्येत जवळपास 15 हजार पोलीस आणि सुरक्षाबल तैनात करण्यात आले आहेत.. तर लता मंगेशकर चौकात रॅपिड अॅक्शन फोर्स सज्ज ठेवण्यात आलंय.. प्राणप्रतिष्ठेपूर्वी अयोध्येत सुरक्षा कठोर करण्यात आली आहे.
राम मंदिर सोहळ्यासाठी अनेक मान्यवरांची उपस्थिती असतानाच काही महत्त्वाची नावं मात्र या सोहळ्यासाठी अनुपस्थित असणार आहेत. यामध्ये भाजपचे ज्येष्ठ नेते लालकृष्ट अडवाणी, केंद्रीय गृहमंत्री अमित शाह आणि देशाच्या राष्ट्रपती द्रौपदी मुर्मू यांचा समावेश आहे. उपलब्ध माहितीनुसार अमित शाह 25 जानेवारी रोजी अयोध्येला भेट देतील. तर, राष्ट्रपती मुर्मू 28 जानेवारी रोजी अयोध्येला भेट देतील.
अयोध्येतील हनुमान गढी परिसरामध्ये वाराणासीहून आलेल्या एका पथकाकडून विशेष डमरू वादन करण्यात आलं आहे. श्रीराम जन्मभूमीमध्ये काशी विश्वनाथ धाम येथून विशेष निमंत्रणासह या कलाकारंना अयोध्येत बोलवण्यात आलं आहे. पाच किलोंच्या एका डमरूचं वादन इथं सादर करण्यात आलं.
राम मंदिर उदघाटन सोहळा आणि रामलल्लांच्या मूर्तीचा प्राणप्रतिष्ठा सोहळा या धर्तीवर सध्या अयोध्येला छावणीचं स्वरुप प्राप्त झालं आहे. तर, शरयू नदीच्या काठावर जय श्री राम असं लिहिलेले अनेक ध्वज पाहताना मंगलमय वातावरणाची अनुभूती होत आहे.
#WATCH | Ayodhya, Uttar Pradesh: Rapid Action Force personnel deployed at Lata Mangeshkar Chowk as security tightens before the Pran Pratishtha ceremony today. pic.twitter.com/alKiI6lpQi
— ANI (@ANI) January 22, 2024
#WATCH | Ayodhya, Uttar Pradesh: Visuals from Saryu Ghat ahead of the Pran Pratishtha ceremony of Ram Temple, today. pic.twitter.com/cOalkzIfQM
— ANI (@ANI) January 22, 2024
अमिताभ बच्चन, राम चरण, विकी कौशल- कतरिना कैफ, आलिया भट्ट, रणबीर कपूर, आयुष्मान खुराणा या सेलिब्रिटींनी अयोध्येची वाट धरली असून, ऐतिहासिक सोहळ्याचे साक्षीदार होण्यासाठी ही मंडळी निघाली आहेत.
#WATCH | Telangana | Actor Ram Charan leaves from Hyderabad for Ayodhya in Uttar Pradesh as Ayodhya Ram Temple pranpratishtha ceremony to take place today.
He says, "It's a long wait, we are all very honoured to be there." pic.twitter.com/6F4oBZylS8
— ANI (@ANI) January 22, 2024
#WATCH | Mumbai: Superstar Amitabh Bachchan leaves for Ayodhya.
Pran Pratishtha ceremony of Ayodhya's Ram Temple will take place today. pic.twitter.com/pOecsD92XQ
— ANI (@ANI) January 22, 2024
राम मंदिर प्राण प्रतिष्ठेच्या निमित्तानं अयोध्येमध्ये सध्या अनेक लोककला सादर करण्यात येत आहेत. प्राणप्रतिष्ठा सोहळ्याच्या निमित्तानं इथं अनेक कलाकारांनी आपल्या लोककलांचं प्रदर्शन केलं.
#WATCH | Ayodhya, Uttar Pradesh: Visuals from Ram Janmabhoomi premises ahead of the Pran Pratishtha ceremony of Ram Temple, today. pic.twitter.com/O1Iuay8Dd7
— ANI (@ANI) January 22, 2024
#WATCH | Ayodhya, Uttar Pradesh: Artists perform folk dance, ahead of the Pran Pratishtha ceremony of Ram Temple, today. pic.twitter.com/tBAzaesS71
— ANI (@ANI) January 22, 2024
अयोध्येतील राम मंदिराजवळच्या यज्ञशालेमध्ये प्राणप्रतिष्ठापणेच्या आदल्या दिवशीचे म्हणजेच 21 जानेवारी रोजीचे श्री राम जन्मभूमि तीर्थ श्रेत्रच्या खात्यावरुन शेअर करण्यात आले आहेत. श्री रामलला सरकार प्राण प्रतिष्ठा अनुष्ठानमध्ये आज स्थापित देवतांचे दैनिक पूजन हवन, पारायण इत्यादी कार्य, प्रातः मध्वाधिनास, मूर्ति ला 114 कलशांमधील विविध औषधीयुक्त पाण्याने केलेला अभिषेक घालण्यात आला.
सोमवारी पहाटेपासून राम मंदिरात मंगलध्वनी निनादण्यास सुरुवाच होणार आहे. किंबहुना ही सुरुवात झाली असून, विविध राज्यांमधील मंगल वाद्यांचा त्यासाठी वापर झाला आहे. पंतप्रधान नरेंद्र मोदी यांच्या आगमनानंतर प्राणप्रतिष्ठा सोहळा सुरु होणार असून, मूर्तीच्या डोळ्यांवरील पट्टी दूर केल्यानंतर रामलल्ला आरशामध्ये स्वत:चं रुप न्याहाळतील या प्राणप्रतिष्ठा सोहळ्यादरम्यान आचार्यांच्या हस्ते पूजाविधी संपन्न होईल. यावेळी गर्भगृहामध्ये पंतप्रधान मोदी यांच्यासमवेत इतर 5 जणांची उपस्थिती असेल. अभिजीत मुहूर्तामध्ये राम मंदिरात मूर्तीची प्राणप्रतिष्ठा करण्यात येईल.
राम मंदिर प्राण प्रतिष्ठेच्या निमित्तानं अयोध्येतील मंदिराला फुलांची सुंदर सजावट करण्यात आली आहे. सजावटीसाठी तब्बल 2 हजार 500 क्विंटल फुलांचा वापर करण्यात आला असून, दिल्ली कोलकाता इथूनच नव्हेतर थेट थायलंड आणि अर्जेंटिनामधूनही मंदिरासाठी फुलं आणली आहेत. गुजरातमधील माळी समाजानंही मंदिरासाठी 300 क्विंटल फुलं भेट दिली आहेत.
Newsletter