)
कोलकाता : बंगालमधील विधानसभा निवडणुकीच्या पार्श्वभूमीवर राजकीय लढाई आता कौटुंबिक लढाईचे रूप धारण करीत आहे. बंगालच्या विष्णूपूरचे खासदार आणि भारतीय जनता युवा मोर्चाचे अध्यक्ष सौमित्र खान यांची पत्नी सुजाता मंडल खान सोमवारी सत्तेत असलेल्या तृणमूल काँग्रेसमध्ये दाखल झाले. तृणमूलमध्ये सामील होताच कुटुंबात भांडणे सुरू झाली आहेत.
मिळालेल्या माहितीनुसार, भाजप खासदार सौमित्र खान यांनी पत्नी सुजाता यांना घटस्फोटाची नोटीस पाठविण्याचा निर्णय घेतला आहे. सुजाता मंडळ यांनी कोलकाता येथे झालेल्या तृणमूल काँग्रेसच्या पत्रकार परिषदेत कौटुंबिक कलह उघडकीस आणून पक्षात प्रवेश केला.
टीएमसीमध्ये प्रवेश केल्यानंतर सुजाता खान म्हणाल्या की, 'भाजप लोकांचा आदर करत नाही. तेथे केवळ संधीवादी आणि भ्रष्ट लोकच वर्चस्व गाजवतात. मला भाजपामध्ये सन्मान नव्हता. मी पक्षासाठी कठोर परिश्रम केले पण आता भाजपमध्ये कोणताही सन्मान शिल्लक नाही. एक महिला म्हणून पार्टीत राहणे कठीण होते.'
2019 च्या लोकसभा निवडणुकीच्या वेळी सौमित्र खान यांना कोर्टाच्या खटल्यामुळे त्यांच्या मतदारसंघात प्रवेश करण्यास बंदी घालण्यात आली होती. त्यानंतर सुजाता यांनी प्रचार केला होता.
सुजाता मंडल खान म्हणाल्या की, एक दिवस ते टीएमसीमध्ये परत येतील. सौमित्र खान गेल्या वर्षी लोकसभा निवडणुकीपूर्वी भाजपमध्ये दाखल झाले होते. ते मुकुल रॉय यांचे अगदी निकटवर्तीय मानले जातात.
Newsletter