How to Make Fried Rice: अनेकदा रात्रीच्या जेवणासाठी बनवलेला भात उरतो. आजच्या महागाईच्या काळात तो भात फेकून देण्याची कोणाची ईच्छा होत नाही. मग अशावेळी त्याचं काय करायचं हा प्रश्न पडतो. उरलेला तांदूळ फेकून देण्याची अजिबात गरज नाही. तुम्ही या उरलेल्या भातापासून तुम्ही उत्तम डिश बनवू शकता. आज आम्ही तुमच्यासाठी एक रेसिपी आणली आहे जी तुम्हाला तुमचा उरलेला भात संपवण्यास मदत करेलच पण तुमच्या चवींनाही आनंद देईल. थोडी क्रिएटिव्हिटी दाखवून आणि काही सोप्या साहित्यासह, तुम्ही या भाताला स्वादिष्ट आणि मसालेदार फ्राईड राईस बनवू शकता. ही केवळ एक स्वादिष्ट डिशच नाही तर तुमचा वेळ आणि पैसा दोन्ही वाचवेल. फ्राईड राईस बनवायला जास्त वेळ लागत नाही आणि तुम्ही तुमच्या आवडीनुसार त्यात अनेक प्रकारच्या भाज्या घालू शकता.
लागणारे साहित्य
- 2 कप उरलेला भात
- 2 चमचे तेल
- 1 कांदा (बारीक चिरलेला)
- 2 पाकळ्या लसूण (बारीक चिरून)
- 1/2 इंच आले (किसलेले)
- 1/2 कप गाजर (बारीक चिरून)
- 1/2 कप वाटाणे
- 1/4 कप सिमला मिरची (बारीक चिरलेली)
- 1/4 कप हिरवी बीन्स (बारीक चिरलेली)
- 1/2 टीस्पून सोया सॉस
- 1/4 टीस्पून काळी मिरी पावडर
- 1/4 टीस्पून लाल तिखट
- चवीनुसार मीठ
- 2-3 हिरव्या मिरच्या (बारीक चिरून) (ऐच्छिक)
- गार्निशसाठी थोडी कोथिंबीर (बारीक चिरलेली)
जाणून घ्या कृती
- सर्वप्रथम एक मोठी कढई किंवा तवा मध्यम आचेवर गरम करा. त्यात तेल घालून गरम होऊ द्या.
- आता कांदा, लसूण आणि आले घालून सोनेरी होईपर्यंत परतून घ्या. नंतर त्यात गाजर, मटार, सिमला मिरची आणि फरसबी घालून काही मिनिटे परतून घ्या. भाजी थोडी मऊ पडायला लागेल.
- आता त्यात थंड भात घालून मिक्स करा. भाजीत मिसळताना भात परतून घ्या.
- यानंतर सोया सॉस, काळी मिरी पावडर, तिखट आणि मीठ घालून मिक्स करा. जर तुम्हाला जास्त मसालेदार आवडत असेल तर तुम्ही त्यात हिरवी मिरची देखील घालू शकता.
- शेवटी बारीक चिरलेली कोथिंबीर घालून सजवा.
- तुमचा स्वादिष्ट आणि मसालेदार फ्राईड राईस तयार आहे. फक्त गरमच सर्व्ह करा.
)
Newsletter