गटारीला बनवा परफेक्ट तंदूरी चिकन टिक्का, घरच्या घरी मिळेल रेस्टॉरंटसारखा स्वाद! नोट करा Recipe

Perfect Tandoori Chicken Tikka Recipe in Marathi: रेस्टॉरंटसारखा स्मोकी, मसालेदार तंदूरी चिकन टिक्काचा स्वाद आता तुम्हाला घरच्या घरी मिळू शकता. गटारीला (Gatari Special Recipes) याची सोपी रेसिपी नक्की ट्राय करा.

How to Make Perfect Tandoori Chicken Tikka Recipe: तंदूरी चिकन टिक्का म्हटलं की आपल्या तोंडाला पाणी सुटतं.  रेस्टॉरंटमध्ये मिळणाऱ्या त्या स्मोकी, मसालेदार  तंदूरी चिकन टिक्का घरीच बनवायचं म्हटलं की काहीसं अवघड वाटतं. पण ही खास रेसिपी वापरून तुम्ही सहजपणे घरी तंदूरी चिकन टिक्का तयार करू शकता. ही रेसिपी अगदी रेस्टॉरंट स्टाईलची होते.  झणझणीत मसाल्याचं मॅरिनेशन, सौम्य स्मोकी फ्लेवर आणि जिभेवर रेंगाळणारा खमंगपणा अशी या डिशची खासियत आहे. ही रेसिपी पार्टी, पाहुण्यांसाठी किंवा अगदी विकेंड स्पेशल जेवणासाठी एकदम परफेक्ट आहे. ओव्हन, तवा किंवा एअर फ्रायर अशा कुठल्याही पद्धतीने शिजवता येईल अशी ही बहुपर्यायी डिश आहे. चला जाणून घेऊयात याची सोपी रेसिपी... 

लागणारे साहित्य 

बोनलेस चिकन (लेग किंवा ब्रेस्ट तुकडे) – 500 ग्रॅम (मध्यम तुकडे)

मीठ – ½ टीस्पून

लिंबाचा रस – 1 टेबलस्पून

हळद – ¼ टीस्पून

दही – ½ कप (गाळलेलं, घट्ट)

आले-लसूण पेस्ट – 1 टेबलस्पून

लाल तिखट – 1 टीस्पून (कश्मिरी तिखट वापरल्यास रंग सुंदर येतो)

गरम मसाला – ½ टीस्पून

तंदूरी मसाला – 1 टीस्पून (ऐच्छिक)

कसुरी मेथी – 1 टीस्पून (थोडी चुरून घ्या)

तेल – 1 टेबलस्पून

चिमूटभर हिंग (ऐच्छिक)

ऑरेंज फूड कलर – चिमूटभर (पसंतीनुसार)

जाणून घ्या कृती 

चिकनचे तुकडे धुऊन स्वच्छ करा आणि थोडेसे खोल काप द्या (मसाला आतपर्यंत जावा म्हणून).

पहिलं मॅरिनेशन करायचं आहे. त्यासाठी चिकनमध्ये मीठ, हळद आणि लिंबाचा रस घालून 15 मिनिटं झाकून ठेवा.

त्यानंतर दुसरं मॅरिनेशनचे सर्व घटक एकत्र करून मिक्स करा आणि चिकनमध्ये नीट लावून घ्या.

हे मॅरिनेट कमीत कमी 3 तास (किंवा संध्याकाळचं चिकन सकाळी मॅरिनेट करून ठेवा) फ्रिजमध्ये ठेवा. जितका वेळ मॅरिनेट होईल, तितका स्वाद उठून येईल.

 तंदूरी चिकन टिक्का शिजवण्याचे 3 पर्याय

१. ओव्हनमध्ये:
ओव्हन 200°C वर प्रीहीट करा.

चिकन तुकडे स्क्युअर (काठी) वर लावा किंवा ट्रेवर ठेवा.

15-18 मिनिटं बेक करा आणि मधे मधे उलटा-पलटा करा.

शेवटी 2-3 मिनिटं ‘ब्रॉयल’ मोडवर ठेवा जेणेकरून वरून थोडं कुरकुरीत होईल.

२. तव्यावर:
नॉनस्टिक तवा गरम करा, थोडं तेल सोडा.

चिकन मध्यम आचेवर दोन्ही बाजूंनी खरपूस होईपर्यंत भाजा.

स्मोकी फ्लेवरसाठी शेवटी थोडं कोळशाचं धूर देऊ शकता (smoke technique खाली दिली आहे).

३. एअर फ्रायरमध्ये:
180°C वर 15 मिनिटं फ्राय करा.

दर 6-7 मिनिटांनी उलटवा आणि तेल ब्रश करा.

स्मोकी तंदूरी फ्लेवरसाठी (पद्धत)

एक छोटं कोळशाचं तुकडं गॅसवर गरम करा.

एका छोट्या वाटीत ठेवा आणि चिकनच्या डिशमध्ये ठेवा.

त्यावर थोडं तूप सोडून झाकण लावा 2-3 मिनिटांसाठी.

त्यामुळे अप्रतिम तंदूरी फ्लेवर येतो. 

सर्व्ह करण्यासाठी

कांदा-लिंबू, पुदिना चटणी, आणि गरमागरम रोटी/चपाती किंवा भाकरीसोबत सर्व्ह करा.