)
How to Make Kadhi Pakora: जरा विचार करा, गरम गरम आंबटसर कढी आणि त्यात बुडालेले कुरकुरीत पकोडे आणि सोबतीला मऊ भात. याच्या जोडीला तळलेला पापड आणि एखादं झणझणीत लोणचं.. अहा काय मज्जा येईल जेवायला. खरतर हा अनुभव म्हणजे अगदी आत्मा सुखावणारा! ही डिश आहे पंजाबी स्टाइल कढी पकोडा. ही पारंपरिक पंजाबी रेसिपी चवीलाही भारी आणि बनवायलाही सोपी आहे. ही रेसिपी खमंग, थोडीशी आंबटसर आणि मसालेदार असते. जेवणात अगदी परफेक्ट डिश आहे. चला तर मग जाणून घेऊयात पंजाबी स्टाइल कढी पकोडा कसा बनवायचा ते..
ताक – २ कप (थोडं आंबट ताक उत्तम)
बेसन – ४ टेबलस्पून
हळद – ¼ टीस्पून
जिरे – ½ टीस्पून
हिंग – चिमूटभर
कढीपत्ता – ८-१० पाने
हिरव्या मिरच्या – २ (चिरून)
आलं – १ टीस्पून (किसलेलं)
मीठ – चवीनुसार
तेल – १ टेबलस्पून
पाणी – १ कप (गडदपणा ठेवल्यास प्रमाण कमी करा)
बेसन – १ कप
कांदा – १ मध्यम (बारीक चिरलेला)
हिरव्या मिरच्या – १-२ (चिरून)
कोथिंबीर – २ टेबलस्पून (चिरलेली)
हळद – ¼ टीस्पून
तिखट – ½ टीस्पून
मीठ – चवीनुसार
पाणी – गरजेपुरते (घट्ट मिश्रणासाठी)
तेल – तळण्यासाठी
एका भांड्यात बेसन, कांदा, हिरव्या मिरच्या, कोथिंबीर, हळद, तिखट, मीठ एकत्र करा.
थोडं-थोडं पाणी घालत जाडसर पीठ तयार करा.
कढईत तेल गरम करा आणि थोडं थोडं पीठ हाताने घालून कुरकुरीत पकोडे तळून घ्या.
पकोडे एका टिश्यू पेपरवर काढून ठेवा.
एका मोठ्या भांड्यात ताक आणि बेसन एकत्र करा. चांगले घोटून गुठळ्या काढा.
त्यात हळद, मीठ आणि थोडं पाणी घालून मिक्स करा.
दुसऱ्या भांड्यात तेल गरम करून जिरे, हिंग, हिरव्या मिरच्या, आलं, आणि कढीपत्ता टाका.
त्यात ताक-बेसनचं मिश्रण ओता आणि मध्यम आचेवर उकळा.
१०–१५ मिनिटं सतत हलवत उकळू द्या जेव्हा कढी थोडी घट्ट होईपर्यंत.
पकोडे कढीत टाका आणि ५-१० मिनिटं झाकण ठेवून मंद आचेवर शिजू द्या जेणेकरून ते कढीतील रस शोषून घेतात.
शेवटी कोथिंबीर घाला आणि गरमागरम भातासोबत सर्व्ह करा.
Newsletter