घरची बनवा ढाबा स्टाईल पंजाबी लस्सी, गरमीमध्ये देईल थंडावा; जाणून घ्या सोपी रेसिपी

Punjabi Style Lassi Recipe: या उन्हाळ्यात पंजाबी स्टाईल लस्सी नक्की ट्राय करा. यासाठी तुम्हाला कुठे बाहेर जायची गरज नाही. तुम्ही घरीच ही लस्सी बनवू शकता.

How to Make Punjabi Style Lassi Recipe: कडक उन्हाळा सुरु झाला आहे. अशात सतत काही ना काही थंड खावंसं (summer recipe) वाटतं. लोक आवर्जून दही,ताक, लस्सी, ज्यूस किंवा आईस्क्रीमचा आस्वाद घेतात. जेवण झाल्यावर एक थंडगार लस्सी पिण्याचा मोह अनेकजण आवृ शकत नाहीत. लस्सी  तुमच्या शरीराला थंडावा देण्यासोबतच अनेक फायदेही देते. थंड लस्सीचे तुमच्या आरोग्यावर अनेक सकारात्मक परिणाम होऊ शकतात. रेग्युलरपेक्षा तुम्ही पंजाबी स्टाईल लस्सी बनवू शकता. पंजाबी स्टाईल लस्सी बनवण्यासाठी तुम्हाला जास्त साहित्य आणि जास्त वेळी लागणार नाही. 

लागणारे साहित्य 

एक कप ताजे दही, अर्धा कप थंड पाणी, दोन चमचे साखर, एक चतुर्थांश चमचा वेलची पावडर, अर्धा चमचा गुलाबजल, 4 बर्फाचे तुकडे आणि बारीक चिरलेले काजू आणि पिस्ता लागतील.

हे ही वाचा: कोण आहे अनाया बांगर? लिंग बदलानंतर भारतीय खेळाडूंबद्दल धक्कादायक खुलासा करणारी क्रिकेटपटू

जाणून घ्या पंजाबी स्टाईल लस्सी बनवण्याची कृती 

•  सर्वप्रथम एका भांड्यात दही काढा आणि नंतर ते चांगले फेटून घ्या.
• आता त्या भांड्यात साखर आणि वेलची पावडर घालावी लागेल आणि ते दह्यामध्ये मिसळा. तुम्ही तुमच्या आवडीनुसार कमी-जास्त गोडवा घालू शकता.
• आता थंड पाणी आणि गुलाबजल घाला. यानंतर तुम्हाला हे सर्व पदार्थ चांगले मिसळावे लागतील.

हे ही वाचा: लिंग बदल करून आर्यनची झाली अनाया..., पण पीरियड्स येतात का? संजय बांगरच्या लेकीने स्वतःच दिले उत्तर

• जर तुम्हाला फेसाळ लस्सी बनवायची असेल तर तुम्ही हे मिश्रण थोडा वेळ फेटून घ्यावे.
•  शेवटी तुम्ही लस्सीमध्ये काही बर्फाचे तुकडे घाला,  जेणेकरून लस्सी थंड होईल.
•  जर तुम्हाला हवे असेल तर तुम्ही सजावटीसाठी काजू आणि पिस्ता सारखे ड्राय फ्रुट्स वापरू शकता.
• आता तुम्ही ही लस्सी सर्व्ह करू शकता. 

हे ही वाचा: कोण आहेत अरविंद केजरीवालचे जावई? कॉलेजमधील ओळख ते जीवनसाथी... पहा लग्नाचे Photos

लस्सीचा होईल फायदा 

लहान मुलांपासून ते मोठ्यांपर्यंत सर्वांनाच या लस्सीची चव आवडेल. सर्वात चांगली गोष्ट म्हणजे उन्हाळ्यात लस्सी पिणे तुमच्या आरोग्यासाठी देखील फायदेशीर ठरू शकते. लस्सीमध्ये आढळणारे घटक तुमच्या आतड्यांचे आरोग्य सुधारण्यासाठी आणि पोटाशी संबंधित समस्या दूर करण्यासाठी देखील प्रभावी ठरू शकतात. ताण कमी करण्यासाठी, तुम्ही लस्सीला तुमच्या डाएट प्लॅनचा भाग बनवू शकता.