300 हून अधिक असलेली रक्तातील साखरही होईल नियंत्रणात; या हिरव्या चटणीचा आहारात करा समावेश

Moringa Chutnye Benefits in High Blood Sugar: तुमच्या शरीरातील वाढलेली रक्तातील साखरेची पातळी कमी होत नसेल तर तुम्ही या खास चटणीचा आहारात समावेस करु शकता. ही चटणी अगदी 300 हून अधिक असेलली साखरेची पातळीही काही वेळातच कमी करते. पाहूयात कोणत्या वनस्पती पासून ही चटणी तयार होते.

मधुमेहासाठी उपयुक्त चविष्ट उपाय:
आजकाल अनेकांना मधुमेहाची समस्या भेडसावत आहे. रक्तातील साखरेची पातळी कायम जास्त राहिल्यास अनेक गंभीर आरोग्य समस्या उद्भवू शकतात. अशा स्थितीत साखरेची पातळी नियंत्रणात ठेवण्यासाठी काही नैसर्गिक उपाय अतिशय फायदेशीर ठरतात. यामध्ये एक खास उपाय म्हणजे मोरिंगाची हिरवी चटणी. ही चविष्ट आणि पोषणमूल्यांनी भरलेली चटणी तुमच्या रोजच्या आहाराचा भाग बनवला तर साखर नियंत्रणात राहण्यास मदत होऊ शकते.

मोरिंगा चटणीचे आरोग्यदायी फायदे:
साखरेची पातळी कमी करण्यास मदत: 
मोरिंगा (Moringa Oleifera) मध्ये आयसोथायोसायनेट्स नावाचे जैव-सक्रिय संयुगे असतात. जे इन्सुलिनची संवेदनशीलता वाढवतात आणि शरीरात ग्लुकोजचा वापर सुधारतात.

अचानक साखरेची वाढ रोखते:
मोरिंगामध्ये भरपूर फायबर असते. जे जेवणानंतर रक्तातील साखरेची पातळी अचानक वाढण्यापासून कमी करते.

दाहक-विरोधी आणि अँटिऑक्सिडंट गुणधर्म:
ही चटणी शरीरात होणाऱ्या जळजळीविरुद्ध लढा देते आणि रोगप्रतिकारक शक्ती सुधारते.

आवडत्या जेवणात सहज समावेश:
ही चटणी वरण-भात, पराठा, पोळी किंवा इतर कोणत्याही जेवणाबरोबर खाल्ल्यास चवही वाढते आणि आरोग्यही टिकते.

मोरिंगा चटणी तयार करण्याची पद्धत:
साहित्य: ताजी मोरिंगाची पाने- 1 कप, हिरव्या मिरच्या- 2, लसूण पाकळ्या- 3 ते 4, भाजलेले शेंगदाणे- 2 टेबलस्पून, लिंबाचा रस- 1 टेबलस्पून, मीठ- चवीनुसार, पाणी, जिरे- अर्धा टीस्पून, मोहरीचे तेल- 1 टीस्पून

हे ही वाचा: उरलेल्या ब्रेडपासून तयार करा झटपट ब्रेड पोहे; 10 मिनिटांत बनवा चविष्ट नाश्ता!

कृती:
सर्वप्रथम मोरिंगा पाने नीट धुवून स्वच्छ करावी. मिक्सरमध्ये मोरिंगा पाने, हिरव्या मिरच्या, लसूण, शेंगदाणे, लिंबाचा रस आणि मीठ घालून थोडे पाणी घालून बारीक वाटून घ्यावे. एका कढईत मोहरीचे तेल गरम करून त्यात जिरे टाका आणि फोडणी तयार करा. ही फोडणी तयार चटणीत मिसळा आणि सर्व्ह करताना कोथिंबीर घालून सजवा.

महत्त्वाची सूचना:
ही चटणी एक पूरक उपचार आहे. मधुमेह असलेल्या रुग्णांनी कोणताही नवीन पदार्थ आहारात समाविष्ट करण्यापूर्वी डॉक्टरांचा सल्ला घेणे आवश्यक आहे. ही चटणी औषधांचा पर्याय नाही, परंतु जीवनशैली सुधारण्यासाठी उपयुक्त घटक ठरू शकते.

(Disclaimer -  वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही.)