सर्दी-खोकला झालाय? अद्रक-लसूण सूप देईल आराम, जाणून घ्या झटपट होणारी सोपी Recipe

Recipe in Marathi: सध्या सुरु असलेल्या सर्दी आणि खोकल्यासारख्या साथीच्या आजरावर अद्रक-लसूण सूप हा एक ऊत्तम उपाय आहे.

How To Make Ginger Garlic Soup  At Home: सर्दी, खोकला, थकवा किंवा हवामान बदल यासाठी एकदम उत्तम उपाय म्हणजे 'अद्रक-लसूण सूप'!  (Ginger Garlic Soup Recipe in Marathi) हे सूप केवळ चविष्टच नाही, तर आरोग्यासाठीही खूप फायदेशीर आहे. अद्रक आणि लसूण यांचे औषधी गुणधर्म शरीरातील विषारी घटक बाहेर टाकतात, रोगप्रतिकारशक्ती वाढवतात आणि शरीराला उबदार ठेवतात. थंडीच्या दिवसात किंवा सर्दी जाणवत असताना हे गरमागरम सूप नक्की करून पाहा.  घरच्या घरी कमी वेळात तयार होणारे आणि पोषणमूल्यांनी भरलेले आहे. चला याची झटपट होणारी सोपी रेसिपी जाणून घ्या. 

लागणारे साहित्य

बारीक चिरलेला लसूण – 6-7 पाकळ्या

किसलेला किंवा बारीक चिरलेला अद्रक – 1 टेबलस्पून

बारीक चिरलेला कांदा – 1 मध्यम

गाजर (कापून) – 1 मध्यम

कॉर्नफ्लोअर – 1 टेबलस्पून

पाणी किंवा भाज्यांचा सूप स्टॉक – 2 कप

मिरे पावडर – 1/4 टीस्पून

लिंबाचा रस – 1 टीस्पून (ऐच्छिक)

तूप/तेल – 1 टेबलस्पून

मीठ – चवीनुसार

कोथिंबीर – सजावटीसाठी

कसं बनवायचं हे सूप?

कढईत तेल गरम करा. त्यात लसूण आणि अद्रक घालून मध्यम आचेवर 1-2 मिनिटं परतून घ्या.

त्यात कांदा आणि गाजर घालून परतत रहा, जोपर्यंत कांदा थोडासा पारदर्शक होतो.

आता त्यात पाणी किंवा भाज्यांचा स्टॉक घाला. मीठ आणि मिरे पावडर घालून चांगलं ढवळा.

एका छोट्या वाटीत कॉर्नफ्लोअर थोडं पाण्यात मिक्स करून पेस्ट तयार करा आणि ती सूपमध्ये हळूहळू घालून सतत ढवळा.

सूप उकळू द्या. 4-5 मिनिटं मंद आचेवर शिजू द्या, जोपर्यंत गाजर शिजतं आणि सूप थोडंसं घट्ट होतं.

शेवटी लिंबाचा रस घालून हलकं ढवळा.

वरून चिरलेली कोथिंबीर टाका.

गरम गरम अद्रक-लसूण सूप चवीनं तोंडाला चव आणतं आणि सर्दी-खोकल्यावरही उपयोगी पडतं.