Difference Between Heart Attack, Cardiac Arrest, Heart Failure: सध्या हृदयाच्या आजारांचे प्रमाण झपाट्याने वाढत आहे. बातम्यांमध्ये आपण अनेकदा पाहतो. कुणाला हार्ट अटॅक आला, कुणाचा कार्डियाक अरेस्टमुळे मृत्यू झाला, तर कुणाचे हार्ट फेल झाले. अनेकदा हार्ट अटॅक, कार्डियाक अरेस्ट असे शब्द सहज वापरले जातात. आपल्यापैकी बरेच जण हार्ट अटॅक, कार्डियाक अरेस्ट आणि हार्ट फेल्युअर या तिन्ही गोष्टी एकसारख्या समजतात किंवा त्यात गोंधळ करतात. नावं जरी सारखी वाटली तरी वैद्यकीय दृष्टिकोनातून या तीनही स्थिती वेगवेगळ्या आहेत. यांची कारणं, लक्षणं आणि उपचार सगळेच वेगेवगेळे असतात.चला तर मग, या सगळ्यांचा नेमका अर्थ आणि यामधला फरक आपण सोप्या भाषेत समजून घेऊ.
हार्ट अटॅकला वैद्यकीय भाषेत मायोकार्डियल इन्फार्क्शन म्हणतात. हे तेव्हा होतं जेव्हा हृदयाच्या स्नायूंना रक्त पुरवणाऱ्या रक्तवाहिन्यांमध्ये अडथळा निर्माण होतो. हा अडथळा कोलेस्ट्रॉल जमा होणं किंवा रक्ताच्या गाठीमुळे होतो. महत्वाचं म्हणजे हार्ट अटॅकदरम्यान हृदयाची धडधड सुरु असते. वेळेत उपचार मिळाल्यास रुग्णाचा जीव वाचू शकतो.
हे ही वाचा: Shefali Jariwala Net worth: 'इतक्या' कोटींची मालकीण होती शेफाली जरीवाला, एका गाण्याने बनवलं होतं स्टार
कार्डियाक अरेस्ट म्हणजे हृदयाची धडधड अचानक थांबणं. हृदयाचं पंपिंग एकदम बंद होतं आणि शरीरात रक्तप्रवाह थांबतो. ही एक अतिशय गंभीर आणि जीवघेणी स्थिती असते. यामध्ये तात्काळ CPR (छातीला दाब देणे) आणि डिफिब्रिलेटरचा वापर करावा लागतो. 2-3 मिनिटांत उपचार न मिळाल्यास मृत्यू होण्याची शक्यता खूप जास्त असते.
हार्ट फेल्युअर म्हणजे हृदय पूर्णपणे बंद पडलं आहे, असं नव्हे. तर हृदय शरीराच्या गरजेनुसार पुरेसं रक्त पंप करू शकत नाही. ही एक क्रोनिक स्थिती असते आणि हळूहळू विकसित होते. हृदयाचे स्नायू कमकुवत होतात आणि त्यामुळे शरीराच्या कार्यक्षमतेवर परिणाम होतो.
Newsletter