नागपुरात एका गोठ्यातून निघाले ११ साप

नागपूर : नागपूर जिल्ह्यातील नगरधन इथल्या एका गोठ्यातून तब्बल ११ साप निघाले. यामुळे परिसरात एकच खळबळ उडाली. रामटेकमधल्या सर्पमित्रांनी या सर्व ११ सापांचं रेस्क्यू केलं. हे  धुळनागीन जातीचे साप असल्याची माहिती सर्पमित्रांनी दिली आहे. 

नगरधन इथल्या भगवान बंधाटे यांच्या शेतातजवळ असलेल्या गोठ्यात हे साप होते. सर्व सापांना जंगलात सोडून देण्यात आलं.